ضيف السهرة الرابع ..... دقات قلب * sali*

الحالة
مغلق ولا يسمح بالمزيد من الردود.
وانا جيت

مرحبا بالضيفة ديالنا لجديدة


اهلا وسهلا ومرحبا

الله يسلمك عزيزتي


نقولك صح فطورك

وصح رمضانك

الله يسلمك وانتي زادة
ربي يتقبل ان شاء الله


قبل مانبدى راح نبدى بــ:d :

نسقسيك تعرفي mlina4algeria ؟

ولا ايه ؟ واش تعرفي عليها ؟

تحبي صح ولا بن عمو
لالا منعرفهاش:$


درك جاوبي غير على هذو من بعد نرجع بأسالتي :p

لي عودة


وانا في الانتظار غاليتي



اسمحيلي عزيزتي راني كنت نشوف لقيت بلي مجاوبتش
نورتيني حبيبتي و اهلا وسهلا :regards01:
 
السلام عليكم ،، عدت مرة ثآنية يآ سآلي :d ..

سآلي و الطفولة :

أممم وش سبب اختيآرك لأسم سآلي :graduation: !
آسكو كنت تتفرجي سآلي كي كنتي صغيرة :regards02: !
أمممم وش هي الرسوم المتحركة لي تحبيهآ !
نعرفو أنو لكبير ديمآ يتوحش يآمآت الصغر
آسكو تتآبعي ذركآ فيهم :-r !
كيفآه كآنت طفولتك في سطر !
آسكو عشتي في طفولتك لعب و طيش كيفي :d
و لآ عقولية و حشمة :$ !

سآلي و الكوزينة - علآبآلي مآتتفآهموش :p -

أممم أحب أكلة عند أمك !
الصرآحة الصرآحة قدآه مرة مآتصلحلكش كآش أكلة
:surrender01: !
وش هي الخضرة لي تحبيهآ و لي تكرهيهآ !
و شكون لي يطيب في رمضآن
:sport02: !
تحبي الحلويآت ! وش لي تعرفي تطيبي فيهم !
سميلي 10 أنوآع تآع حلويآت معروفة في الجزآئر عآمة :p !

سآلي و الثقآفة احمم
:graduation: :

أعطيني حكمة تأثر فيك و عآونتك في حيآتك !
آسكو انت من لي يهتمو بآخر الاخترآعآت الالكترونية
:thumb_up02: !
وش هي الثقآفة بالنسبة ليك !
و السؤآل الخطير هههه وش رآكي في خليدة تومي
!
و آسكو تصلح مرآ كيمآ هآذيك تكون وزيرة الثقآفة
:smile02: !
هل ترين أنو رصيدك الثقآفي لآ بأس به
:sport02: !
وش هي مخططآتك في مجآل الثقآفة !

سآلي و الدرآمآ :

لوكآن يعطوك دور وش تختآري :
المظلومة ، الشريرة ، المسآعدة ، النآصحة
النية و رآيحة فيهآ ، لي لآعبتهآ فآيقة
أحم مع التعليل لو سمحتي هههه !
في حيآتك الشخصية آسكو مرتآحة ولآلآ
:$ !
هل وقعتي في الـ :love01: مرة !
عندك أصدقآء خآرج النت !
و آسكو بقآت صدآقة
في هآذ الوقت !
آخر مشكلة وآجهتيهآ :dunno01: !
موقف تظلمتي فيه و قآآسك يآسر :cray02: !

تحبي الشهرة ! و السبب !

سآلي و الأنآقة الله الله :$ :

تديري المآكيآج ! الصرآحة :p
وش هو الستيل تآعك في الخرجة
:$ !
في لعرآس آسكو من النآس لي تزين روحهآ يآسر
:love01: !
و وش تلبسي عآدة :
حجآب ، سروآل ، دي روب ، دي جيب !
وش تعنيلك الأنآقة تآع برآآ يعني المظهر
بلآمآ نفوتو في الدآخل :d !
و آسكو أنت أنيقة يعني تحبي تهتمي بمظهرك
:sport02: !

و آخر سؤآآل : آسكو تعرفيني ولآ
:-r !

و ذركآآ نفريني هههه يآسر عليك علآبآلي تعبتك :(:$ ..
يلآ جآوبي حبيبتي و كي تظهرلي رآني نولي :p

في أمآل الله :bye01: ~
 
اسمحيلي عزيزتي راني كنت نشوف لقيت بلي مجاوبتش
نورتيني حبيبتي و اهلا وسهلا :regards01:


صح فطورك اختي


معليش هاكي شفتيني :p

انا على الاسألة هاني نشوف مخلاتلي والو la safa :d:up:

كي تكملي معاها نشوفو واش نزيدوولك


بزاااف عليك راني نخمم فيك :d:p

 
السلام عليكم

أهلين بأخت الطيبة سالي شكرا على الاجابة على الاسئلة في محلها


يلا اليوم نزودو شوي عندي 4 اسئلة

نبدأ على باركة الله

س1- اخت الطيبة ندخلوا شوي في سياسة واش رايك في مرض الرئيس عبد العزيز بوتفليقة وكثر الحديث عن تغيره ؟؟ هل انت من مؤيد التغير أم بقاء الرئيس .

س2- الحياة دمعة وابتسامة ما رئيك في هاته العبارة بكل صراحة ؟

س3- في رئيك لماذا انخفظت نسبة نجاح في الكلوريا هاته السنة مقارنة بالنسبة الاعوام الماضية ما هو السبب في رئيك ؟

س4- الكلمة تقلينها لطيبة والغالية علينا ومشرفتنا المتألقة شجون الروح - سامية -

نتمنى تكون الاسئلة خفيفة عليك اخت

في أمان الله​
 
السلام عليكم ،، عدت مرة ثآنية يآ سآلي :d ..

عليكم السلام ورحمة الله وبركاته
اهلا وسهلا ميات مرة منورتني حبيبتي


سآلي و الطفولة :

أممم وش سبب اختيآرك لأسم سآلي :graduation: !

لانو يفركني بقصة سالي وكنت نمووووووووووت عليها
وكانت شخصيتها تفكرني في روحي كي كنت صغيرة


آسكو كنت تتفرجي سآلي كي كنتي صغيرة :regards02: !

مكنتش نراطيها ههههههه

أمممم وش هي الرسوم المتحركة لي تحبيهآ !

سالي وكابتن ماجد وماروكو

نعرفو أنو لكبير ديمآ يتوحش يآمآت الصغر
آسكو تتآبعي ذركآ فيهم :-r !

دركا والو مرانيش تلفزيون قليل

كيفآه كآنت طفولتك في سطر !

صعب جدا في سطر براحة ملقيتش

آسكو عشتي في طفولتك لعب و طيش كيفي :d
و لآ عقولية و حشمة :$ !

لالا حشومية ولقطة تاكل عشايا ومش اجتماعية يعني حدي حد روحو

سآلي و الكوزينة - علآبآلي مآتتفآهموش :p -

أممم أحب أكلة عند أمك !

المردود او بركوكس عند مناطق اخرى
راهي حدايا وسقسيتها هههه


الصرآحة الصرآحة قدآه مرة مآتصلحلكش كآش أكلة
:surrender01:

هههههههههه حتى نطيب باه نعرف تصلحلي ولالا

!
وش هي الخضرة لي تحبيهآ و لي تكرهيهآ !

نحب كامل لخضرة الا السلق برك منحبوش

و شكون لي يطيب في رمضآن
:sport02: !

ميمتي ربي يطولي في عمرها

تحبي الحلويآت ! وش لي تعرفي تطيبي فيهم !

نموت على الحلويات ونعرف نطيب قلب لوز

سميلي 10 أنوآع تآع حلويآت معروفة في الجزآئر عآمة :p !

:down:
ونصهم بمساعدة ماميايا هههه راني غشيت

سآلي و الثقآفة احمم
:graduation: :

أعطيني حكمة تأثر فيك و عآونتك في حيآتك !

بزاااااف ماكانش وحدة معينة في راسي درك

آسكو انت من لي يهتمو بآخر الاخترآعآت الالكترونية
:thumb_up02: !

في لحقيقة لاعلاقة مع تكنولوجيا جديدة مازالني ارشيف

وش هي الثقآفة بالنسبة ليك !

هي الالمام بكامل التغيرات والاحداث الي دور بمجتمع لواحد ولعالم
ومش شرط يكون مثقف قاري


و السؤآل الخطير هههه وش رآكي في خليدة تومي
!

لا تعليق لانو مقدمتش صورة مشرفة للجزائر وعطست ثقافة في شوية ابواق تجي تدي ملاير شبابنا اولى بيها

و آسكو تصلح مرآ كيمآ هآذيك تكون وزيرة الثقآفة
:smile02: !

اكيد لا وراني حايرة كيفاه راهي قاعدة على قلوبنا لدرك

هل ترين أنو رصيدك الثقآفي لآ بأس به
:sport02: !

وممكن يكون اقل من لاباس به

وش هي مخططآتك في مجآل الثقآفة !

حاليا راني انا ومجموعة اساتذة وزملاء اسسنا جمعية علمية حول الاستشراف ان شاء الله نتوفقو فيها

سآلي و الدرآمآ :

لوكآن يعطوك دور وش تختآري :
المظلومة ، الشريرة ، المسآعدة ، النآصحة
النية و رآيحة فيهآ ، لي لآعبتهآ فآيقة
أحم مع التعليل لو سمحتي هههه !

التاصحة
شريرة منخرجش عليها ومرات نلبس هاد ثوب
مظلومة نكره هاد الاحساس
المساعدة راح تكون مع ناصحة
لاعبتها قايفة تبان
النية منحبش بزاف نكوون نية

واخترت الناصحة لانو نشوف انو ممكن نفيد شوي
بحوايج فاتت عليا مانعرف


في حيآتك الشخصية آسكو مرتآحة ولآلآ
:$ !

نفتقد راحة البال بزاااااف

هل وقعتي في الـ :love01: مرة !

اكيييييييييييد


عندك أصدقآء خآرج النت !

ايه الحمد لله

و آسكو بقآت صدآقة
في هآذ الوقت !

نادر جدا واحد في مليون

آخر مشكلة وآجهتيهآ :dunno01: !


مشكل مع رئيس لمكتب على لميكرو قتلو منخدمش لميكرو لانو ماهوش خدمتي
وخصوصا انو مكار


موقف تظلمتي فيه و قآآسك يآسر :cray02: !


مرة حقرني استاذ العلوم باه يطلع وحدة يعرفها ونقصني النقطة
بقيت لليوم كل مانتلاقا بيه نفكرو
ومبعد صراتلي مواقف بزاف تقيس بصح كنت ندافع على روحي تبدلت


تحبي الشهرة ! و السبب !

لاال منحبهاش حشيشة طالبة معيشة

سآلي و الأنآقة الله الله :$ :

بسيطة بزااااااااااااااف نشوف روحي عادي

تديري المآكيآج ! الصرآحة :p

لالا منديروش ومنحملوش في وجهي

وش هو الستيل تآعك في الخرجة
:$ !

عادي جدا وبسيط منحبش فيه بهرجة بزاف

في لعرآس آسكو من النآس لي تزين روحهآ يآسر
:love01: !
و وش تلبسي عآدة :

لحقيقة منروحش بزااف لعراس الا اذا كانت حبيبة وحشمتني
لكن يكون لباسي بين اناقة وبساطة وخصوصا انو عند ناس مش لينا


حجآب ، سروآل ، دي روب ، دي جيب !

حجاب خطرات ودي جيب غالبا

وش تعنيلك الأنآقة تآع برآآ يعني المظهر
بلآمآ نفوتو في الدآخل :d !
و آسكو أنت أنيقة يعني تحبي تهتمي بمظهرك
:sport02: !

الاناقة تعكس شخصية او هذا مقياس درك
لكن انا نشوف ان ولواحد يدير وش يخرجو وعلى مقدورو
نحب نهتم بمظهري في حدود المستطاع والبساطة


و آخر سؤآآل : آسكو تعرفيني ولآ
:-r !

هههههههههههههه دركا تعرفت عليك وفرحانة بزاف ومتشرفة بيك حبيبتي

و ذركآآ نفريني هههه يآسر عليك علآبآلي تعبتك :(:$ ..

منورتني غاليتي كل سطر نشرب لماء صافا سلكت ههههههههه

يلآ جآوبي حبيبتي و كي تظهرلي رآني نولي :p

في أمآل الله :bye01: ~


مرحا بيك في اي وقت حبيبتي



نورتيني عزيزتي اهلا وسهلا :regards01:
 

صح فطورك اختي

الله يسلمك غاليتي انتي زادة ربي يتقبل

معليش هاكي شفتيني :p

ايه حبوبتي اسمحيلي روطار خير من والو

انا على الاسألة هاني نشوف مخلاتلي والو la safa :d:up:

كي تكملي معاها نشوفو واش نزيدوولك

راني نستنى فيك عزيزتي


بزاااف عليك راني نخمم فيك :d:p

ربي يخليك على قلبي كي لعسل اهلا وسهلا




اهلا وسههلا عزيزتي تنوريني :regards01:
 
السلام عليكم


عليكم السلام ورحمة الله وبركاته
صحا فطورك ربي يتقبل ان شاء الله


أهلين بأخت الطيبة سالي شكرا على الاجابة على الاسئلة في محلها

بيك واهلا خويا لعزيز نورتني مرة اخرى

يلا اليوم نزودو شوي عندي 4 اسئلة

نبدأ على باركة الله

ايا بسم الله



س1- اخت الطيبة ندخلوا شوي في سياسة واش رايك في مرض الرئيس عبد العزيز بوتفليقة وكثر الحديث عن تغيره ؟؟ هل انت من مؤيد التغير أم بقاء الرئيس .


مرض الرئيس بوتفليقة ارهقني كيما ارهق جميع الجزائريين وخلاني عل ىاعصابي
واكيد من مؤيدين بقاءه لانو حتى جزائري ماينكر دور بوتفليقة في اعادة الامن للجزائر بمشروع الوئام وانو قد يكون من مستحيل ان تقنع شخص فقد ابنو واغتصبت بنتو على انو يسمح برك باه يرجع الامن لبلادو تحتاج قدرة اقناع رهيبة
واعاد كرامة الجزائر بجزائر لكرامة بعد ما عانينا من عشرية سوداء
واكيد الحديث يطول
وان شاء الله ربي يجيب الخير للايام الجاية


س2- الحياة دمعة وابتسامة ما رئيك في هاته العبارة بكل صراحة ؟

مع اكيد هادي هي الحياة
وكاين كتاب لجبران خليل جبران بهاد اسم


س3- في رئيك لماذا انخفظت نسبة نجاح في الكلوريا هاته السنة مقارنة بالنسبة الاعوام الماضية ما هو السبب في رئيك ؟

منظومة تربوية مستوردة دون مراعاة توافقها مع امكانياتنا وبيئتنا
وطلبة غير مبالين متكلين دير لكيتمان برك وتجيبو
عدم مسؤولية من الجانبين


س4- الكلمة تقلينها لطيبة والغالية علينا ومشرفتنا المتألقة شجون الروح - سامية -


تشرفت جدااااااا بمعرفتها
وممتنة جدا لانو خلاتني نتعرف عليكم
ودعوة من قلب ربي يهنيها ويفرحها وينورها
ونقلها نحبك وسعيدة جدا يمعرفتك
شهادتي تبقى مجروحة فيها


نتمنى تكون الاسئلة خفيفة عليك اخت

في أمان الله

اكيد خويا لعزيز تشرفت بيك
نورتني مرة اخرى مرحبا بيك




يعطيك صحا معتز اللمة نورتني خويا لعزيز :regards01:
 
صح صحورك ختيتي


خبرينا سالي

بالنسبة ليك ماهي اقسى حاجة في الحياة ؟

اجمل فرحة ؟

كلمة " نعزك " شكون يستاهلها؟

كلمة " افتقدك " ليمن تقدري تقوليها؟

الحياة عبارة عن دروس

ماهو الدرس الي تعلمتيه منها لليوم ؟

و في الاخير ختميهالنا بنصيحة وحدة لبنات اللمة؟

و اخرى لاولاد اللمة؟

تحياااتي ليك

 
صح صحورك ختيتي

الله يسلمك حبيبتي مرحبا بيك

خبرينا سالي

بالنسبة ليك ماهي اقسى حاجة في الحياة ؟

فقدان الوالدين

اجمل فرحة ؟

النجاح

كلمة " نعزك " شكون يستاهلها؟

كاين اكثر من شخص نفضل منذكرش اسمهم باه ماننسى حتى واحد

كلمة " افتقدك " ليمن تقدري تقوليها؟

لوالدي الله يرحمو

ولصديقي


الحياة عبارة عن دروس

ماهو الدرس الي تعلمتيه منها لليوم ؟

تعلمت اني نعتمد على نفسي

ونقاوم قد ماقدرت


و في الاخير ختميهالنا بنصيحة وحدة لبنات اللمة؟

نقلهم انو مهما تطور الوقت ليوم تبقى للبنت الجزائرية الشرقية خصوصيتها
الي مش مرتبطة لا بالوقت ولا بالزمان
وانو اذا حبينا نسايرو لوقت ميكونش على حساب تربيتنا وعاداتنا وتقاليدنا
حتى والا نعتوهم بالامتخلفات او متكبرات
الله يهني كل وحدة ويفوقها يارب


نصيحتي عموما

و اخرى لاولاد اللمة؟

تاني ناخدها بصفة عامة

علابالي بلي ولادنا كرهو و لحرقة ولات تفكير الاغلب
وتحرق قلبي على بزاف كيما حسو بيهم اهلهم واكثر
صبر مليح وماكانش مفتاح لجنة باطل
ان شاء الله تتحسن كامل امورهم ويتوفقو


تحياااتي ليك



محبتي وتقديري غاليتي



نورتيني حبيبتي اهلا وسهلا :regards01:
 
السلام عليكم

مرحبا بيك اخت سالي الطيبة

شكرا على الاجابات الراقية وعلى روعة التفكير

ما شاء الله ربي يبارك ويزيد راني قريت مليح اجباتك على الاخوة ونهنئك

على صراحتك وعلى ثقافتك العالية ربي يحفظك ويحميك
وربي يقبل صيامك وقيامك يارب
وتشرفت بيك يا طيبة

ربي يهنيك وأكتفي بهذا القدر من الاسئلة


تحياتي
 
آخر تعديل:
السلام عليكم


عليكم السلام ورحمة الله وبركاته
صبحك الله بأنوار نبيه الكريم خويا لعزيز


مرحبا بيك اخت سالي الطيبة

الله يسلمك معتز الله شرفتني بتواجدك وكرم اخلاقك

شكرا على الاجابات الراقية وعلى روعة التفكير

ما شاء الله ربي يبارك ويزيد راني قريت مليح اجباتك على الاخوة ونهنئك

على صراحتك وعلى ثقافتك العالية ربي يحفظك ويحميك

ربي يهنيك خويا ويفرحك ويحققلك كامل الي تتمناه يااااااارب
انا تشرفت بيك وبالاخوة وفرحت لتواجدي بيناتكم
وطالما حسيت اللمة عائلتي وان كنت بعيدة شوي عن التواصل
لكن اليوم تاكد فعلا احساسي وتمنيت متكملش هاد السهرة
ربي ميحرمنيش منكم ويفرحني فيكم كاااااامل


وربي يقبل صيامك وقيامك يارب
وتشرفت بيك يا طيبة

اللهم امين منا ومنكم يارب
ليا الشرف الكبير ياغالي ربي يخليك


ربي يهنيك وأكتفي بهذا القدر من الاسئلة


تحياتي

الله ينور قلبك وايامك اخي العزيز وشرفتني واسعدتني بحضورك وبأسئلتك




معتز اللمة :

اسعدتني خويا لعزيز بحضورك وبتواجدك

ونشكر شجون الروح على لفرصة هادي

الي خلاتني نتعرف عليك وعلى الكثير

على قدر ماكانت الاسئلة عفوية كان قلبي مفتوح للاجابة

سعدت جدا بتواجدي بيناتكم وتشرفت

ربي يهنيك ياغالي ويسعدك ويوفقك في حياتي

امتناني و محبتي وتقديري معتز الله

الجزائــــــــر sali
 
السلاام عليكم ورحمة الله تعالى وبركاته
سالي الطيوبة
كلي امتنان لك يا طيبة على قبول الدعوة
وكلي فخر ككل الاعضاء بالتاكيد على التعرف على
اخت ترتقي باخلاقها وبساطتها وطيبتها
الى الحد البعيد
وبصراحة عن نفسي اكتشفت فيك جزءا آخر اكثر انارة وبريقا من الذي عرفناك به
حفظك المولى غاليتي ورزقك من حيث لا تعلمين
بارك الله فيك اختي واتشرف باخوتك وصداقتك ووجودك بقربي حالي حال كل عضو
استمتع بقراءة اجاباتك
شكرا لك مرارا وتكرارا

والشكر موصول لكل من مر من هنا وتواجد في هذا المتصفح
رمضانكم كريم
تقبل الله منا ومنكم صالح الاعمال

وعلى نهج استاذنا أبا فيصل
ستكون هذه هديتنا للضيف

 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top