زيراوي أكلة تقليدية شاوية

[Houda Chaouienne DZ]

السلام عليكم لبنات

صحا فطوركم .. واش راكم ؟ إن شاء الله راكم لاباس

بون .. اليوم جبتلكم أكلة تقليدية شاوية .. بنينة بزاف

نستخدموها فالمناسبات تاعنا

آلور تقدرو ديروها كوم دوزيام بلا كيما تقدرو ديروها فالسهرة باسك حلوة
و نخدموها صوا بالرقايق ولا بالكسرة
أنا اليوم درتها بالرقايق ( شخصيا أول مرة نجربها صا في تحت إشراف يما :p )

المقادير :

دقيق حسب الرغبة
ملح
ماء دافي
شوية زيت
مارغارين
غرس

طريقة التحضير :

أولا تحضير الرقايق :

تخلطي الدقيق تاعك مع الملح و الماء الدافي حتى الحصول على عجينة متماسكة و لينة قليلا
تشكليها على شكل كويرات صغار باستعمال الزيت باش تقدري تكوريهم ( كيما نديرو التريدة )


و تخليهم يرتاحو شويا .. من بعد تخبزي بالوحدة



تخبزي شويا و تدهني بالزيت و تحطيهم فوق بعضاهم حتى تلحقي 7 أو 8



زيدي اخبزيهم مع بعضاهم بيان



و حطيهم يطيبو على طاجين تاع حديد ( كيما تاع التريدة )



كي طيب بيان



قصيها و حطيها فالروبو يفتتها بيان



حتى تولي هاكا



زيديلها الغرس



ادلكيها و خلطي بيان حتى تولي متجانسة هكا



كي تجي باش تحطيها ، ذوبي المارغارين كمية معتبرة واحد 200 غ هكاك و صبيها عليها



و ابداي تدلكي تدلكي و مبعد زيدي حطيها فوق النار و زيدي صبي المارغارين و زيدي خلطي معاها اللوز المفتت إذا عندك و كاين لي يخلط معاها الزبيب ( أنا استخدمت اللوز المرحي )

كي تكملي حطيها في صحن و زينيها شويا باللوز المرحي من الفوق و قدميها مع اللبن



و شهية طيبة
​

 

[la_safa]

مآم حنآ نديرووهآ مآلغري مش شآوية :d ..
أكلة هآآآيلة ، يعطيك الصحة ختي هدى يسسلموو ،
​

 

[السلطانة]

وعليكم السلام
شو شكون جا وجاب اليوم :d
قستيني في الصميم ياهدهد
خرجلك روعة يممممم
تطبيق ممتاز
حنا نقولولو الرفيس
بصحتكم حبوبة
وكثريلنا من التطبيقات

​

 

[°فرح°]

كاينين للي يديروها بغربال سبيسيال، يعطيك الصحة

 

[Houda Chaouienne DZ]

مآم حنآ نديرووهآ مآلغري مش شآوية :d ..
أكلة هآآآيلة ، يعطيك الصحة ختي هدى يسسلموو ،
​

ديتوها من عندنا هههه .. جيران سي بيان سير نديرو ماكلات بعضانا :d
الله يسلمك صفاء .. مارسي ليك
​

 

[Houda Chaouienne DZ]

وعليكم السلام
شو شكون جا وجاب اليوم :d
قستيني في الصميم ياهدهد
خرجلك روعة يممممم
تطبيق ممتاز
حنا نقولولو الرفيس
بصحتكم حبوبة
وكثريلنا من التطبيقات

​

مارسي شوشو .. طلعتيلي المورال
​

 

[Houda Chaouienne DZ]

كاينين للي يديروها بغربال سبيسيال، يعطيك الصحة

إيه صح .. يديروها بغربال سبيسيال .. راني نسيت ما قلتهاش
مي ذرك كي كاين الروبو .. سهل علينا الحالة .. مارسي
​

 

[بنـ MaPa ـت]

مممم تبان تشهي يعطيك الصحة هدهد
يلسموا ايادي الماما الحلوين
-فقت ماكيش نتي لي درتيها :p
​

 

[Houda Chaouienne DZ]

مممم تبان تشهي يعطيك الصحة هدهد
يلسموا ايادي الماما الحلوين
-فقت ماكيش نتي لي درتيها :p
​

الله يسلمك يا ستوتة
قلنا إشراف برك .. يعني أنا نخدم و هي تهدر ههه
* نو هاذوك يديا مش يدين يما ههه
مارسي عليك
​

 

[بنـ MaPa ـت]

الله يسلمك يا ستوتة
قلنا إشراف برك .. يعني أنا نخدم و هي تهدر ههه
* نو هاذوك يديا مش يدين يما ههه
مارسي عليك
​

ياو طبطب يا بوطيبة ههه
الله يبارك راكي بديتي تشطاري اونفان :p

دو غيان
سلآآمي
=)
​

 

[Houda Chaouienne DZ]

ياو طبطب يا بوطيبة ههه
الله يبارك راكي بديتي تشطاري اونفان :p

دو غيان
سلآآمي
=)
​

من بكري شاطرة :-h
​

 

[secret de coeur]

اوووووه الفحلة تعي يعطيك الصحة هدوشتي
اي تشهي قريب كيما الرفيس الي نديروه تشبهلو شوية خخخ
مي وين راهو حقي ؟؟ ديما تنسايني خخخ
صح فطورك زينة​

 

[وجع الظلم]

شاوية ولا بطل
الله يعطيك الصحة​

 

[Houda Chaouienne DZ]

اوووووه الفحلة تعي يعطيك الصحة هدوشتي
اي تشهي قريب كيما الرفيس الي نديروه تشبهلو شوية خخخ
مي وين راهو حقي ؟؟ ديما تنسايني خخخ
صح فطورك زينة​

الله يسلمك حبيبتي
راني خبيتلك حقك .. ما تخافيش
صح فطورك نتي ثاني حنونة

 

[Houda Chaouienne DZ]

شاوية ولا بطل
الله يعطيك الصحة​

ههه مارسي
الله يسلمك ختي

 

[رنيم الصمت]

ذقتها في عرس صحبتي شاوية المرة اللولة معرفتوش حتان سقسيت وحدة شاوية شرحاتولي
بنتو هايلة
تحياتي لكامل الشاويات​

 

[ام فيروزا]

نمووووووووووووت عليه الزيراوي وخاصة كي عود بالزبدة الحرة

 

[FATIMA 19]

وااااااااو تشهي

 

[هدى 17]

يعطيك العافية
​

 

[حنان بنت الجزائر]

allah ybarak bien​