يضرب مرتو ....ألاخطر غلبو رمضان!

[شاهيندا]

بسم الله الرحمن الرحيم و الصلاة والسلام على سيدنا محمد و على آله و صحبه أجمعين
كاين رجال يضربو نساهم في رمضان: ألاخاطر واحد صاب الماكلة مالحة شوية، الأخر قالها: الماكلة بزاف سخونة، و الآخر يقول لمرتو القهوة ماشي ثقيلة!!!!!!!!!!!!!!! وين راهي الماكلة؟ درتي البوراك؟ شويتي الفلفل؟ وراه الفلان شوكو؟؟؟؟؟؟؟؟؟؟؟؟؟؟
بزاف نسا زارو السبيتار و كاين اللي داروا سيرتيفيكا تاع العجز!
و الله نساو بلي رمضان هو شهر العبادة و السماح و كل واحد يساعف الآخر، و لازم يخمم بلي المرا تشوطت في الكوزينة و مالازمش يكمل يزرقها بالعصا!
إييييييييييييييييييييييييه الرجلة في رمضان!
واش رايكم؟

 

[SETIF étudiant]

(ما اقبح من رجل يستقوي على امراته فقط) فانه لا يكرمهن الا كريم ولا يهينهن الا لئيم
الجهل وما راه داير يبانلي هذا مهبول ولا .... على كل حال الله يهدي ما خلق












وصحا فطوركم

 

[همس الوُرود]

السلام عليكم


يقول الشاعر


ان أكرمت الكريم ملكته ... وان أكرمت اللئيم تمرد


ربي يهدي كل لئيم

وبارك الله فيك أختي على الموضوع القيم​

​

 

[yac94]

slm 3likoum rRabi yhdina berk akhwani 7na nsoumou rir 3la lmakla é tt rabi yhdina win ranaaaa

 

[yasmine 4ever]

السلام عليكم ختي
نقولك بللي الراجل اللي يضرب المرة ماشي راجل سورتو إلا كان على جال أسباب تــــافهة كيما هاذي
و كاين بزاف رجال ينطبق عليهم المثل تاع على كرشو يخلي عرشو
ما نقولو غير ربي يهديهم و ربي يكون في عون مرتو المغبونة اللي نهار كامل فالكوزينة توجدلو باش يفطر
شكراا و صحا فطوركم​

 

[علي الفاضلي]

هذا يسمى ماهوش صائم .........

جاء يسعى ودر تسعه .............

مشكوره ......

 

[عفيفة الحبوبة]

راكي غلطتي اختي كي قلتي كاين رجال...هادوا راهم بعاد على الرجولة بزاااف
نفوس ضعيفة...و شخصيات متحجرة..و همهم بطونهم....و زد على كل دلك في شهر رمضان ...في شهر صفدت فيه الشياطين
ربي يغفر لهم و يهديهم و يرزق ازواجهم الصبر
​

 

[DARINE05]

ربي يهديهم الرجال لي كيما هكااااااااااااا

 

[NASRO DZ]

واش نقلك اختي موضوع هايل كثيرا وعندو قيمة كبيرة عندنا في حياتنا الشخصية

نقلك اختي واسمحيلي على واش راح نقول
الراجل الي يضرب مرتو هو حيوان وي حيوان والله غالب ربي اعطاه لسان باش يتكلم

اصلا انا اوكان يكتب لي ربي ونزوج ونعرف روحي راح يجي نهار نضربها ولا نعيط عليها نبطل زواج
لانو المراءة خلقها ربي حساسة بزاف وتغلط كثيرا
علاه الراجل مايفهمش الحوايج هذي يعرف غير الضرب على حوايج تافهة جدا
يجي نهار ويندم على انه ضربها ويعرف قيمتها لكن الله غالب يكون الوقت فات
الله يكون في عون كامل المتزوجات ربي يكون في عونهم خاصة في رمضان
هم السخانة في المطبخ في رمضان وهي صايمة وزيد يجي راجلها ويعيط ويضربها
اوكان راه حاس واش راهي تعاني مع السخانة هذيك وهي صايمة

 

[زهور96]

الله يهدي
هذه الرجال
لازم المراة تسكت
هذا هو حلها
مساكيين النساء
رب يثبت اجرهم

 

[أم أمين23]

مشكورة على الموضوع للاسف الضرب عند الرجال كثير منهم طريقة للتعبير عن الرجولية مع العلم ان من يضرب المرأة بالحقيقة هو ابعد ما يكون عن الرجل الحق ويزيدو تحجو برمضان والصيام وبدل ما يكون الواحد عابد ومسبح وذاكر لله في كل واقت نلقاوه يخمم في المالكة كيفاش وكيفاش ينعت رجولتو وبلي راه صايم فما يلقى غير اختو والا مرطو يفرغ فيها تفاهتو وقلة فهامتو للدين

 

[la_safa]

الحمد لله فِ دآرنآ مآكآنش هآذ العقلية
سينون نقعد قآعدة نهآر كآمل و نقلهم جربو طيبو نتومآ ،
مآمبآ مآ يقدروش تعب المرآ و الطفلة
نهآر كآمل و هومآ يطيبو و يخدمو مع لخر يجيو هآذ النوع
يضرب مرتو و لآ بنتو ،،،، سبحآن الله ..

ربي يهديهم ~
​

 

[**** بنت أبوها ***]

لا أظن انه يستحق لقب الرجل
لانه لا يحمل مواصفاته
و انا الصغيرة في الدار مازال ما وصلتش 19
ندير الفطور وحدي بعض المرات تجي ناقصها حاجة
يجيبوهالي بزعاقة مش عنف و علاه هاذو ماغلبهمش رمضان؟
​

 

[assinat]

معلابالكيش
غير هوما اللي صايمين حنا لا
غير هوما يعياو حنا لا مريحين طول اليوم

الله غالب
و ربي يهدي ما خلق
شكراآآ ختي ..،،
​

 

[zagane]

السلام عليكم
المرا تتعب في رمضان ويزيدها راجلها الجاهل الضرب والهم( جايح)