اعقد وانوي

ازول سارة القبائلية

:: عضو منتسِب ::
إنضم
13 جوان 2013
المشاركات
81
النقاط
5
اعقد وانوي واختار رقم من 1 ال 12
1* كنا انا وياك متحابين .....ورجع قلبي مجروح منين كلمتيني وقلتيلي روح ...يعيا ربي يبين الصح ...وباب الخير ينحل علينا .

2* ياخاوتي ياولاد العموم ...الدنيا الدور والشده ماتدوم .... والحال خليه على حالو ... واللي مكتوب في الجبين تشوفو العين .

3* اذا طاح الليل راهو يطلع ... اذا كثر النحاس الذهب هو الي يسطع .... وسيرتك كي العط بين الناس .... القعده زينة وكي السلطان متربع .

4* من صاب ياربي دار بلا جيران ، ومن صاب ياربي بيوت بلا بيبان ، غير انا والحبيب نذكرو في اللي كان .

5* ياما مشيت وسافرت ، والهم ديما ورايا ، صرالي كي عرجون التفاح ، عطشان والماء حذايا .
6* اصلك اصلك وماينفع غير الصح ، مولاة النيه الصافيه عليها ربي يفتح ...تطول ولا تقصر ايجيه السعد والربح .. ان شاء الله .

7* طلعت للسطح وفرشت زربية ... حرقست بحرقوس الذهب حتى لوذنية افرحي يايما سعدي ولالي ... نستشفى في لعدو كيما يستشفى فيا .

8* خمري ياخمري يالي عايروني بيك ... انت حبق في السطح وانا نجيك نسقيك ..... انت نجوم في السماء وانا ننظر فيك ... انت خاتم في يدي وانا نبرم فيك ... نحبط لقاع البحر نرمي عوام عليك ... والي غلب يديك .

9* شجرة ياسمين نايضه في وسط الغرفه ... عروقها سنجبير وغصانها قرفه ... والله ماننساك يازينه الوقفة .

10* عيطت على سيد الملاح ... حسبت الناس رقود ... تزعزعت الدالية طاح منها عنقود ... النجوم قالت نكشف والقمر قال نذوب ... اصبر ياقلبي ياك كل شيء مكتوب .

11* لو كان السعود ينغرسو بالعود ... نغرس ميات عود وعود في وطيه وحدي ... لكن السعود في يدك يا معبود ياسقام السعود .... سقم لي سعدي ... الناس الكل بحبابهم ... وانا غريب وحدي .

12* غرست ياسمينه في وسط الدار ... عروقها سنكجير واطرافها زنجار ... يما يايما محلى عشق الجار ... العين تخزر في العين والقلب شاعله فيه النار
 

ايمان مي

:: عضو مُتميز ::
إنضم
11 جويلية 2013
المشاركات
999
النقاط
51
* اصلك اصلك وماينفع غير الصح ، مولاة النيه الصافيه عليها ربي يفتح ...تطول ولا تقصر ايجيه السعد والربح .. ان شاء الله .
 

شموخ بسمة

:: عضو مُشارك ::
إنضم
14 جويلية 2014
المشاركات
128
النقاط
9
* خمري ياخمري يالي عايروني بيك ... انت حبق في السطح وانا نجيك نسقيك ..... انت
نجوم في السماء وانا ننظر فيك ... انت خاتم في يدي وانا نبرم فيك ... نحبط لقاع
البحر نرمي عوام عليك ... والي غلب يديك .
وان شاء الله نغلب بربي العالي


يعطيك الهناء خوي
 

"Màrià"

:: عضو متألق ::
إنضم
3 سبتمبر 2013
المشاركات
3,451
النقاط
191
ياما مشيت وسافرت ، والهم ديما ورايا ، صرالي كي عرجون التفاح ، عطشان والماء حذايا .​
 
Top