كل يوم بتحلى جمعتنا على سفرة الافطار ..مع حبايبنا وعيلتنا بتنور فيهم هالدار* الجزء 2*

[hadda0425]

زهور ديرو ابحاث في فائدة الكروفات :d

​

 

[عفاف الجزائرية]

صحا فطوركم يا عدرآآآت ربي يتقبل منا ومنكم ان شالله
تبارك الله عليكم ربي يحفظكم ويصوووووون كل صبع بصنعة والله يا الاخوات الملتحقات وليت نحس روحي انا الجديدة تالمون اندمجو بالخف ورجعو ينشطو بالخف يعني ربي يحفظنا ويصون و5 في عينين الحسادين كاين منهم حتى الزوار :p
ايا جبتلكم مايدة من المايداااات واقيل نبقى روطار في المايداات حتان يفوت رمضان وانا نحط في المايدات نتاعو

هاذيك قندورة ماما تبان ههههه
ربي يهنيك يا لغاليات وربي عالم مقامكم عندي اكتر من خواتاتي ربي يسهللكم ان شالله اموركم ويفتحلكم ابواب الخير
---------
حبيت نقوللكم خبر للاسف ماش مليح العمرة ما مدولناش الفيزا وليوم استرجعنا الدوسيات والباسبورات والحقوق نتاع الدفع كان امل كبييير اننا نروحو وليوم فشلونا قطعولنا الواد بصباطو كيما نقولو
تخنقت في الاول ومباعد رضيت بالمكتوب يمكن هكذا ولا حاجة بعيد الشر علينا وعليكم
المولود ان شالله يا ربي
تهلاو في رواحكم خياتي وربي ينورلكم ايامكم
​

 

[ام منصف]

صحى فطوركم كامل
النت مهبلتني ماجيت نشوف اللي فاتني لاطونسيون طلعت وفي الاخير ثلاث ارباع الصور ما شفتهمش اهئ اهئ واقونة الاعجاب ما حبتش تخرج
المهم راني جاميت اللي قدرت والباقي حبكم راهم في قلبي محفوظ
عفوفة المسيلية فيها خير حبيبتي ماعليش ماكتبتش المرة هذي ان شاء الله ربي يوصلكم وتكتب المرة الجاية في المولد يارب ليكم ولينا
​

 

[serinee]

ممممممممممممممم اختي عفاف كل اطباقط رووعة يعطيك الصحة يا الفحلة
و على العمرة معليش ربي مكتبهاش علا فيها خييير و تروحو ان شاء الله و مدام نويتوها ربي راهو مكتبهالكم
​

 

[بنت الجسور المعلقة]

كلشي بطبع يعطيكم الصحة وصحا فطوركم ربي يتقبل

صيامكم في الجنة
مرحبا بأم عبودي طلت علينا البراكة يا لغالية ويرحم هاديك لكرش لي جابت لالة لبنات سوسو متحرميناش من طلتك حنونة ♥
ونقول لحبيبتي عفاف الجزائرية كل عطلة فيها خير ولي يقدمو ربي مرحبا مزال العوام جايين غير طولة لعمر والصحة ان شاء الله ربي يكتبهالك مع مولاى بيتك تروحو مع بعاض :$
ربي يرزقكم بياضة الكتبة حبيباتي
صحا سهيرتكم وصحا صحوركم ​

 

[ام منصف]

جبتلكم شوية من اطباق الايامات اللي فاتت

​

 

[بنت الجسور المعلقة]

ليوم فطرنا انا واختي برك
دارنا لوخرين مفطروش معانا عندهم عرضة عند دار جدي كي ولات النفقة نتاع رمضان
جبتلكم بواش رانا مسغليين رواحنا في سهرتنا المتواضعة :d

​

 

[مطبخ الأحلام]

ليوم فطرنا انا واختي برك
دارنا لوخرين مفطروش معانا عندهم عرضة عند دار جدي كي ولات النفقة نتاع رمضان
جبتلكم بواش رانا مسغليين رواحنا في سهرتنا المتواضعة :d

​

بصحتكم خواتاتي

وربي يشافيها ختك ولا انتي تبالي راسها راح ينفجر بالشفاء :$
​

 

[nassima 87]

السلام عليكم او صحا فطوركم من اليوم يبدا العد التنازلي لرمضان ان شاء الله نكملوه بالصحة او لهنا
لفطور تع اليوم حاجة خفيفة
بوراك
سلايط
فريت مع الجاج nugget de poulet

صحا سهرتكم او صحا صحوركم

 

[أمــ وليــد الجزائرية]

الله ابارك عليكم مكلش يشهي
​

 

[بوح المشاعر]

السلام عليكم لبنات الكل بصحتكم
كل شيء هايل وموائد ماشاء اللع عليها ربي يدوم النعمة
اختي عفاف معليش كل تعطيلة فيها خيرة ولي كاتبة من عند ربي يامرحبا بيها
ان شاء الله تكتبلكم في المولد و تمشولها يارب
​

 

[nassima 87]

أم ندوش أسرعي لبسي طابلي ودخلي لغرفة العمليات راهي جاتك وحدة مسكينا نحرقت بالسخانة حابة تولد دركا :d

​

هههههههه بصح هادي راهي كي حالتي مخيطة cerclage باينا طاحلها من قبل كيفي :d

 

[بنت الجسور المعلقة]

بصحتكم خواتاتي

وربي يشافيها ختك ولا انتي تبالي راسها راح ينفجر بالشفاء :$
​

راهي ختي ... اللهم آمين
يعيشك ختي لغزالة يا وجه الخير :love01:​

 

[كوثر الوهرانية]

مساء الخير على حباباتي
كيراكم سامحوني منيش ندخل والله ما عندي الوقت هدوا ليام راني لاهية مع قش الصغار كي كانوا صغار كنت انا نخير و دروك كبروا و راهم يتشرطوا عليا سيرتوا كوثر عدبتني باش لقيتلها شا بغات المهم مزالي غير كريم و نتهنى منهم و نولي للحلوى نتاع العيد انشاء الله
ام عبودي اهلا بالغالية ام الغالية كيراكي اختي تانسي وتشرفي في كوزينتك و مع خوتاتك
بصحتكم يا فحلات نقولها و نعاودها الله يبارك بنات بلادي فور بزااااااااف
اليوم درت مسقعة و حريرة و لي زالوات و فريت اوملات و مشروبات

 

[~lola.dz~]

سلآم ليوم رضآت الكونيكسيون ورجعت لور كي العآآدة 44444 كآآآآمل الله يبآركـ عليكم ....
ياااااااااياختي ام ندى الله يبآركـ على وليدآتكـ يقتلوآ بالحلآوة ربي يحفظهم انشآء الله ويفرحكـ بيهم
عفآف حبيبتي متزعفيش كل عطلة فيهآ خير كلشي بالمكتوب الحنونة الخطوة مكتبتش ...~ْ
خسآرة انآ مرآآنيش نشآركم رآه عدنآ ضيآف هآدوآ ليآمآت وحشمت لنصور ميعرفوش العقلية ههه:d منين دآك برك نخطف فوتوآ كآش مرة نحطهم
صحآ سحوركم الحرآير دمتم بخير
سلآم
​

 

[ام فيروزا]

صح سحووووووووووركم

 

[oum BIBARS]

Saha ftourekoomm lill moghetarebatte
illi mazalett sahera tocherab m3aya kahewa

​

 

[oum BIBARS]

rakomkamel ma3eroudhiin

‏ ‏angel, ‏ام الحلوين, ‏بنت الجسور المعلقة, ‏fatima der, ‏hasna23, ‏hayota, ‏ibtesem+, ‏iman88, ‏imen ahmad, ‏حورية الجزائر, ‏miss-imane, ‏NAIMA.M, ‏nassima 87, ‏nour inasse, ‏om mima, ‏زنايدة, ‏prncess fifi, ‏Samia Eljazairia, ‏serinee, ‏sika143, ‏كوثر الوهرانية+, ‏عاشقة الوردة​

 

[prncess fifi]

سلام عليكم لبنات ​

يعطيكم الصحة على الاطباق الرائعة لي تقدموهالنا الله يبارك عليكم و كل شيئ بالاجر ان شاء الله ​

ندوشتي ربي يخليك حنونة على الردود لي نحس بهم خارجين من قلبك ويدخلو قبااااااااالة للقلب بلا vيراج هههه والتشيز كايك عندي عامين مادرتش موضوع على جالك نعملو انت تامر يا غالي ​

راني نشوف بديتو تعياو موالفين ام قصي وسندريلا في الصدارة ان شاء الله المانع خير ​

زهور نقعد ان شاء الله ونحطلك الوصفة تاع التشيز كايك مايكون غير خاطرك حنونة ​

ميس سوسو ربي يجازيك حنونة على تعبك معايا في ميزان حسانتك ختي ​

نسيمة ختي ليفوتو لي تحطيهم جامي يخرجولي ما علاباليش علاش بصح كي من يديك اكيد يكونو روعة بلا مانشوف يعطيك الصحة ختي ​

عفاف الجزايرية ماكتبتش ختي وكل عطلة فيها خير ان شاء ربي يسهلك وتروحي تشوفيها حنونة ​

صومو وين راكي حنونةان شاء الله تكوني ريحتي شوية ​

بسومتي حبيبتي اعترفي غلبك رمضان ايه؟ ربي يكون في عونك يا عمري ​

ام بيبرس انا راني سهرانة معاك اليوم بصح قهوتي زيديلي فيها شوية حليب وارواحي نجيبو الصباح يعطيك الصحة حنونة​

سلامي الى خيرة رغودة حدة شريفة فريدة لويزة روز روعة ونصيرة ههههه كل كل عضوات كوزينة رمضان دون استثناء القدم والجدد
والسلام عليكم ورحمة الله تعالى وبركاته​

 

[مطبخ الأحلام]

ميس سوسو ربي يجازيك حنونة على تعبك معايا في ميزان حسانتك ختي

اللهم آمين وياكم يارب

أنا في الخدمة ختيتي المهم كثري من الاطباق الجميلة :d
​