كل يوم بتحلى جمعتنا على سفرة الافطار ..مع حبايبنا وعيلتنا بتنور فيهم هالدار* الجزء 2*

[oumsif]

بسومتي واش راكي وخيتي ان شاء الله تكون بخير حبيت نقولك درت لكرام كيما قلتلي بصح مصلحليش انا قلت بلاك منحطش لحليب مدام الكريمة سائلة ماشي بودر واش رايك

 

[ibtesem]

مشاء الله عليكم كل شئ اشهي مخليتو والو في قلوبكم
في هدا رمضان خخخخ رغم السخانة تاعو
اليكم مائدتي

جاري

حميس

حوت

بوراك

بصحت الجميع​

 

[حاملـة المسك]

السلام عليكم


اللهم ادفع عنا وعن اهلنا البلاء والبراكين والزلازل والمحن وجميع الفتن ما ظهر منها وما بطن
ربي يستركم ختي عيشة

عفاف الخير في ماختاره الله لكم..حتى وحدة من اهلي ردولها اوراقها و دراهمها مصراتش غير فيكم

برااافوووو ام فيروزا سرعة تبارك الله في تنزيل مائدتك...مي بيني و بينك الهندي مجمداتو :s .. مكاش في الاسواق
ام زهرة ديجا ****ي تحطي و الصور ناقصين في الوضوح دليل النية المتواضعة و الطيبة
ما يكون رمضان الجاي و نت عندك Samsung Galaxy
ههههههه فيفي شوفي ناس الغرب هما لميخطيهمش في رمضان.. مي متقب متقب متقب :up::regards01:
زنايدة شكرا على المرور و التشجيع رانا درنا دورة موسكولا سيون قبل رمضان :sport02: باش نستمرو لـ29 يوم روووووحي 30 هههههه
سوسو سلكت الحامل ديالكم

... نجو نسهرو قصدي نباركو :d
ندى و هادا الحلقوم importé او local ..؟
توجووور حاضرة باطباقك المميزة و اليوم لفت انتباهي النقش على البطيخ خخخخخ
نور الرحمان اين انت..؟
sلونا سمعنا صوتك :-h
روعة كتكملي لافيسال طلي
ونتم زادة ابتسام سمورة....ربي يكبر قلوبكم

كالعادة لبنات مميزات فحلات شاطرات فحلات
lamiyaaaat ghir chakl :thumb_up02:

تقبل الله منا و منكم الصيام و القيام.

اطباق لمائدة فايتة

:p:p:p

فطور اليوم .. اللهم ادمها نعمة و الحمد لله على الصحة.

​

 

[MĺŹǾ žĕĥÔŖ]

حبيت نقلك الفواكه كما الكيوي والتفاح يطيبو بالخف تفوريهم حتى هوما؟
ولاصوص شرط تقسميها وتحطي كل فاكهة في الصوص نتاعها؟
ومرسي خية ربي يبارك فيك

ايه روز كيما شفتيهم كل واحد يطيب وحدو فالصوص باش كل نوع من الفاكية يبقى محافظ على شكلو وعلى لونو باش ما يجوش كامل مخلطين مع بعضاهم باسكو فالتقديم رح تحطي كل واحد وحدو مي ادا حبيتي تخلطيهم هادي ترجع ليك كيفاش تحبي
تطيبي اللحم مع العينة والزبيب ننبعد كيما ديري سكر هاديك الشاربات تقسميها وتبداي تدوزني فالفاكية وديري حسابك لمدة الطياب باسكو تفوريها ممبعد تزيد تطيب فالشاربات ايبا انتي اعرفي كيفاش تقسمي شغلك الي تطيب في ساع والي تدي وقت حنونتي ودركا ادا فتحت اختي نزيد نصقصيهالك
هادا هنا في العينة _الزبيب_الكيوي_نواد كوكو_الشينة_اناناس_مشماش_مانغا_كرز_عنب_تفاح_اجاص,,,,,,,,,,يعني وش تحبي

الله يبارك فيك انتي تاني حنونتي
​

 

[ibtesem]

بسومتي واش راكي وخيتي ان شاء الله تكون بخير حبيت نقولك درت لكرام كيما قلتلي بصح مصلحليش انا قلت بلاك منحطش لحليب مدام الكريمة سائلة ماشي بودر واش رايك

صح فطورك سمورة
ايمالا استغناي على الحليب
صح كريمة سائلة كي طلعيها مليح حطي لفلون
ان شاء الله تصلحلك هدي المرة

 

[ام فيروزا]

بصحتك سماح انا راجلى اموت على اللبن كل يومين نمخض و ندير شويه زبدة نطيب بيها مدهونة يسحر بيها وزيد الهندي كل يوم نقشر ليه و لامو عجوووووووووووووزتي

 

[روز]

ايه روز كيما شفتيهم كل واحد يطيب وحدو فالصوص باش كل نوع من الفاكية يبقى محافظ على شكلو وعلى لونو باش ما يجوش كامل مخلطين مع بعضاهم باسكو فالتقديم رح تحطي كل واحد وحدو مي ادا حبيتي تخلطيهم هادي ترجع ليك كيفاش تحبي
تطيبي اللحم مع العينة والزبيب ننبعد كيما ديري سكر هاديك الشاربات تقسميها وتبداي تدوزني فالفاكية وديري حسابك لمدة الطياب باسكو تفوريها ممبعد تزيد تطيب فالشاربات ايبا انتي اعرفي كيفاش تقسمي شغلك الي تطيب في ساع والي تدي وقت حنونتي ودركا ادا فتحت اختي نزيد نصقصيهالك
هادا هنا في العينة _الزبيب_الكيوي_نواد كوكو_الشينة_اناناس_مشماش_مانغا_كرز_عنب_تفاح_اجاص,,,,,,,,,,يعني وش تحبي​

​

الله يبارك فيك انتي تاني حنونتي​

فهمتك حبيبتي الله ينور عليك
نطبقها ان شاءلله عندي عزومة نهار السبت
ونوافيك بالصور اذا شاء الرحمن

 

[oumsif]

ان شاء الله بسومتي نزيد نجربها وردلك لخبر شكر حبيبتي
رغودة مائدة واعليها لكلام تسلم ايدك اختي والله هدا واش يليق في هدا السخانة غير السلاطة المنوعة و الفواكه
ميزو بصحتك الطبق الحلو

 

[MĺŹǾ žĕĥÔŖ]

روز قالتلك اختي
العينة والزبيب والمشماش يطيبو مع بعض نورمال
الكيوي والمانعا والكانتاالو و......... يباعو كامل هاكداك يابسين راكي فاهمة
والتفاح ما يتفروش تقشريه وتحكيه بالقارص ممبعدا ديريه يغلي فالصوص نورمال
وقالتلك كل نوع تطيبيه وحدو في هاديك الصوص وانتي تعرفي المدرة ديال الطياب باش ما يجوش طايبين بزااف
خخخخخ دركا نسجللها معانا وخلاض راهي خبرة عليااااااا
​

 

[ibtesem]

اه رغود واش عملتي بيا بها الصحن اممممممممممممم​

 

[hadda0425]

صح فطوركم حراير اللمة
تفطرو بالصحة ولهنا
ديما كل شي يشهي من يديكم تبارك الرحمان
اللهم ادمها نعمة
فطورنا اليوم شربة ودوبارة وحميص
ودرتلهم داريول الشكلاطة

وهنا يلحسو ويعاودو خخخخ

وهذا محلبي النشا

​

 

[روز]

ابتسام كن غير تمديلي الوصفة نتاعك نتاع الزلابية هي الوحيدة لي لاقت بيا
حدة نقصي شوية شكولة استحي يابت

 

[ويبـقى الأمــل]

بصحتكم حبيبتي حدة واش درتو
ربي يعيشك اعطيني لاغوسات محلبي النشا

 

[hadda0425]

والله ياروز نديرهم وما نكلش غير القطوط برك هما لي ميو ميو عليا ههههههه
كان جات عليا ندير كسرة وحميص ههههه وقرعة جي ونهني روحي :d

​

 

[M3TaZ eLLMa]

السلام عليكم

ما شاء الله اطباااق دائما رائعة

يعطيكم الصحة خواتي


وربي يقبل عليكم

وتقبل الله صيامكم وقيامكم يارب

وجمعة مباركة عليكم يارب

موفقين​

 

[hadda0425]

بصحتكم حبيبتي حدة واش درتو
ربي يعيشك اعطيني لاغوسات محلبي النشا

الله يسلمك سامية وصح فطورك نت
حاجة ساهلة
شوفي انا درت 1/2 لتر حليب شوية خاثر 3 مغارف سكر ولا حسب الذوق
3مغارف نشاء خلطتهم مع لحليب وهو بارد ومن بعد قسمتهم على زوج
لول خليتو ابيض وحطيتو فوق النار ونحرك حتى يثقال وقسمتو عل الكيسان ولا وين حابة تحطي
وخليتو جمد
من بعد حطيت نص لحليب لي بقى فوق النار حتى غلا وزت عليه شوية كاكاو نوار قيس مغرفة واذا ماتحبيش ما تضيفيش ونصف علبة تع شكولا نوار وخليتو حتى ثقال وفرغت على الطبقة الاولى لي جمدت وزينت بالقاطو مفتت مع شكولا بيضا
التزيين نت وذوقك
كلما تزيدي في لحليب زيدي في كمية النشأ والسكر
واذ ما فهمتيش حاجة اني هنا
​

 

[أمــ وليــد الجزائرية]

هاني جيت و لمرة هاذي ماجيتش بيديا فارغين

هايليك الي درتها عندعا يومين بلاك غير اليوم الي دخلت التصاور

ان شاء الله تعجبكم






تقولو راني نعرف غير نقلق الناس

هاوليك نعف نطيب :d


​

 

[ويبـقى الأمــل]

الله يسلمك سامية وصح فطورك نت
حاجة ساهلة
شوفي انا درت 1/2 لتر حليب شوية خاثر 3 مغارف سكر ولا حسب الذوق
3مغارف نشاء خلطتهم مع لحليب وهو بارد ومن بعد قسمتهم على زوج
لول خليتو ابيض وحطيتو فوق النار ونحرك حتى يثقال وقسمتو عل الكيسان ولا وين حابة تحطي
وخليتو جمد
من بعد حطيت نص لحليب لي بقى فوق النار حتى غلا وزت عليه شوية كاكاو نوار قيس مغرفة واذا ماتحبيش ما تضيفيش ونصف علبة تع شكولا نوار وخليتو حتى ثقال وفرغت على الطبقة الاولى لي جمدت وزينت بالقاطو مفتت مع شكولا بيضا
التزيين نت وذوقك
كلما تزيدي في لحليب زيدي في كمية النشأ والسكر
واذ ما فهمتيش حاجة اني هنا
​

وانتي زادة الله يسلمك حبيبتي
تعيشي حبيبتي ربي يخليك
حبيت نسقسيك برك نقدر نديروا كامل بطعم الشيكولا على خاطر ما نحبش طعم الفاني
و اسمحيلي حنونتي

 

[serinee]

السلام عليكم البنات يعطيكم الصحة حاملة المسك طابلتك رووعة يعطيك الصحة
طاطا حدة يا طاطا حدة واش درتي فيا تعرفيني نقطة ضعفي الشكولا
البنات حابة نستشيركم
حابة غدوة ندير كوكا بالعجينة المورقة و لكن جامي خدمت العجينة في الدار ممكن لي موالفة تخدمها في الدار تعطيني طريقة صنع عجينتها و يعطيكم الف صحة و عافية
​

 

[hadda0425]

وانتي زادة الله يسلمك حبيبتي
تعيشي حبيبتي ربي يخليك
حبيت نسقسيك برك نقدر نديروا كامل بطعم الشيكولا على خاطر ما نحبش طعم الفاني
و اسمحيلي حنونتي

ايه سامية تقدري تعمليها كامل بالشكولاطة
​