كل يوم بتحلى جمعتنا على سفرة الافطار ..مع حبايبنا وعيلتنا بتنور فيهم هالدار* الجزء 2*

[أمــ وليــد الجزائرية]

صح فطوركم


ليوم الحلقة ماع الشاف تاعكم


https://www.4algeria.com/forum/t/379565/#post4917580


ان شاء الله تعجبكم​

 

[أمــ وليــد الجزائرية]

صح صح اختي روز راكي طووووب


ماشاء الله عليك

اطباقك يسحرو فووووووووور
​

 

[ام فيروزا]

صح فطوركم انا اليوم غلبني صح وزادت السخاتة تقتل و ضرك ناض ريح واحد الجوى قاعده غير نقري عيت نرد اسمحولي
اعطيك الصحة سوسو عندك تعطشي

 

[prncess fifi]

السلام عليكم لبنات
صحا فطوركم

لويزة بيزا فطروك يشهي يشهي يعطيك الصحة والطابلة بالمسطرة كيما قالت ندوشتي بصحتكم حنونة

بسومتي طبق هايل انا نحب البدنجال والزلابية ماخلاتش فيا شحال توحشتها سيرتو تاع اللمبوط بصحتكم حبيبتي

ندوشتي فطوري البارح راه كوpي كولي على ديالك بصح مايجيش كيما الاصلي تسلم ايدك شاف :regards01:بصحتكم حنونة وبوسيلي العصافير راهم يهبلو ربي يحفظهم
نور ايناس حلويات رائعة يعطيك الصحة ختي

روز فطور شباب يعطيك و بصحتهم ضيافك ان شاء الله في ميزان حسانتك
نسيمة دوق راهم يخرجولي تصاورك يعطيك الصحة حنونة كل شيء بالطبع
ام فيروزا الله يبارك على ولادك راهم حلوين على الحلو لي جابوهنا ربي يحفظهم
روعتي ربي يخليك يا الغالية على كلامك المعسل وقفة ساعلة ان شاء الله حبيبتي
رغودة الله يسلمك شفتي البغرير عملتو 2 خطرات في حياتي خرج زهر هههههه الصباح تقرير واعشية بغرير :p
نانوس اسمحيلي ختي كل خطرة ننساك واش راكي واش راهي جيهان وخوها طيابك يعجبني بزاف والفريت دايما حاضريعطيك الصحة حنونة
سوسو واش راكي نسيتي رورو هديك الخطرة :p
حدودة طفي الضو ما تكشفيناش هههههه

فرح حسنا ام زهرة وكااااااامل لبنات يعطيكم الصحة على الاطباق الرائعة

اسم الله الرحمن الرحيم الناس عيانة مور لفطور حابة ترقد وانا ندير في الحس
الله غالب الجوع راه يهدر فيا بقات قريب 4 سوايع باش نفطر
سلام

​

 

[حاملـة المسك]

السلام عليكم
يعطيكم الصحة لبنات موائد رائعة الله يجعلها دائما عامرة بالخيرات....ههههههه ضحكة شريرة ما تفهمها غير وحدة
تقبل الله صلاتكم و قيامكم

يا عمري على رائد بدا ينعس ... و لالا تصور فيه
نور دوختيني بالحلويات تبارك الله ..انا مزالي حتى ما حرتش على دقيق المقروط هههههه
روز ايه دا كلو ايه دا كلو يخزي العين ...بسم الله ما شاء الله

لبنات راني كونت خلية أزمة لتحب تلتحق و نمضو على عريضة نتقدمو بيها للادارة فيه شكاية على ضرب استقرار و تنمية موضوعنا
بحيث راح يقل من حيث الردود و المشاهدات و الزوار و الجامااااات و التقييمات و من مين :s

றĭṩṤ❤Ṡoşσ

​

 

[روز]

خخخخخخخخ مسكينة وقيل نساتو صحن مولاتو كي دير العام حمريه بنفس حلويات لي كانت فيه ودهولها للدكرى :p​

ههههه لاباس راكي متفكرة
وقيل مني ام ندى قالت بلي يشبه لنتاع عجوزتها لي شراتو في السبعينات
سمعتها وبطلت مش حابة تديه
منين نشوفو نتفكركم ونولي نضحك .. اليوم حطيتو اكسبري

سوسو ربي يحفظك على كلامك طلعتيلي المورال
ربي يخليلك ام عبودي

 

[مطبخ الأحلام]

سوسو واش راكي نسيتي رورو هديك الخطرة :p

ههه صح فيفي من بعد مافاتت سعتين نتبهت بلي نسيت رورو و اخر نسيتها واش هي هههه

روز الي بيناتنا هههه ايه برك تقدمي وهذيك عليا وبدون مجاملات وانما صح الواقع

رغودتي ههههههههههه كاشيت الورقة قبل مانفتح المحل راها عندي ممضية في ما يسمح به القانون

ههههههههههههههههه روحي شوفي بطوطو واش دار فيا
​

 

[مطبخ الأحلام]

ههههه لاباس راكي متفكرة
وقيل مني ام ندى قالت بلي يشبه لنتاع عجوزتها لي شراتو في السبعينات
سمعتها وبطلت مش حابة تديه
منين نشوفو نتفكركم ونولي نضحك .. اليوم حطيتو اكسبري

سوسو ربي يحفظك على كلامك طلعتيلي المورال
ربي يخليلك ام عبودي

ليس مجاملة مني وانما ما حكمة عليه عيناي :$

امين ويحفظ الجميع يارب
​

 

[nassima 87]

بنات بصحتكم وش طيبو
حبيت نسقسيكم
الشوفان هو القمح ولالا ؟

لا يا اختي الشوفان ماشي القمح يقولولو بالفرنسية l'avoine

 

[nassima 87]

من فضلك اخت نسيمة لاروسات تاع هذا
شكرا و صح فطورك

بالطبع اختي هاداك مرصوات تع الجاج نحيتلهم لعظم قع او حشيتهم باللحم المرحي من بعد ديريهم في الفور مع شويا بصل او ثوم او مرقيهم او رفيها ليبولات تع اللحم المرحي
امبعد قليت البطاطا او سقيتها بالمرقة تع الجاج

 

[serinee]

صحاااااااااااااااااااااااا فطوركم و ربي يتقبل منا و منكم و متنسوناش بالدعاء ربي يخليكم
​

 

[nassima 87]

السلام عليكم او صحا فطوركم

صحا سهرتكم

 

[حاملـة المسك]

رغودتي ههههههههههه كاشيت الورقة قبل مانفتح المحل راها عندي ممضية في ما يسمح به القانون

بما يسمح به القانون :d بصح البضاعة بعضها مغشوش دخلت عن طريق (دعوااااات)
راني نجي نشايخ معاكم بما يسمح به القانون ههه :up:

اطباق منسية مع مائدة البارحة ...الحمد لله على النعمة

​

 

[كوثر الوهرانية]

مساء الخير
صحة فطوركم
الله الله عليك يا روز عرضة كاملة مكمولة من كل خي الله يبارك صدقة مقبولة اختي
ندوشة بوسيلي رائد من هدوك لخدود الحمرين و ندوشة بوسيهالي بين العينين وليداتك عزاز على قلبي و بصحتكم واش فطرتوا
فيفي كيراكي اختي واش راكي مع الغربة و رمضان كيفاش داير عندم
ميس وسوسو كسراكي اختي و كيراهي ماماك شحال يعجبني الخبز اللي تعجنه نتاع مرة حرة الله يبارك
لويزة طابلتك ديما مرتبة اله يبارك
بسومتي نستعرف بيك مخليتيش زلابة بوفاريك في قلبك و طيبتيها فحلة فحلة اختي بصحتكم و بوسيلي السي عيسى شحال توحشته
حدة كيراكي اختي كاش شناوة ولا والوا ياك مراهمش مسمطين عليك في هدا رمضان
سماح ريحتي اختي شويا كملتي الحلوى ولا راكي فالبدوا
روعة توحشت نشوف طيابك يسخف مشاء الله عليك
زهور كنافتك سيلتلي ريقي الله يبارك نستعرف بيك صغيرة و ساجية الله يبارك
سمورة كيراكي اختي و بصحتك الايس كريم البيتي خرجلك شباب
ام فيروزا بصحت فطوركم كاش حمان في بيسكرة
عفاف من ردود لبنات فهمت بلي مرحتيش ماعليكيش يا اختي كل تعطيلة و فيها خيرة متزعفيش يجي نهار و تروحي و نجي معاك ههههههههه
خيرورتي منيش نشوفك بزاف كيراكي و كيراه زكازيكوا
كاش مغمارات جدد معاه
رغودة راكي فنانة في الطبخ و في التقاط الصور تقولي ندخل يدي في ليكروا و نجبد طيابك امممممممممممممم
زوزو اهاااااااااااااا راني نشوف في اسمك من تحت واش راكي يا الغالية
سلام حااااااار ليكم جميعا واللي نسيت مدكرتش اسمها تسامحني
احبكم في الله
اليوم درت حريرة و لوبياخضرة سوتي رافقتها بمحمر و بطاطة مقلية دوائر و بقالي كلمار من البارح و درت ميني بيتزا و سلاطة و فريت اوملات
و الحمد الله

 

[MĺŹǾ žĕĥÔŖ]

زهور كنافتك سيلتلي ريقي الله يبارك نستعرف بيك صغيرة و ساجية الله يبارك

اهلاا بكوتووووورتي واش راكي طاطاتي نورتي الكوزينة يا الباهية

الله يسلمك حنونتي ربي يخليك ويبارك فيك

:regards01:
​

 

[M3TaZ eLLMa]

السلام عليكم

صحـــــــــــــــــى فطوركم جميعا

أريج هبة الرحمان, ‏مسلمة وافتخر, ‏وهج الصحراء, ‏ام منصف, ‏اميرة وهران, ‏اسال الله الفردوس, ‏fatima der, ‏ibtesem, ‏imen ahmad, ‏حاملـة المسك, ‏labed93, ‏MĺŹǾ žĕĥÔŖ, ‏mimi53, ‏nassima 87, ‏روز, ‏زائــــــــرة حلوة, ‏Samia Eljazairia, ‏sarah11, ‏serinee, ‏s_luna, ‏عاشقة الوردة, ‏ziassia, ‏°/°مبدعة اللمة°/°

منورين الكوزينة

ما شاء الله اطبااق روعة في روعة

الليلة خوكم فطر على ماااااء الله غالب قتلنا لعطش شربنا جينا ناكلوا مقدرناااش

ربي يفرحكم ويعطيكم ما تتمنو في هذا الايبام المبروكة أكثروا من الدعاء يا طيبين

وربي يقبل منكم الصيام والقيام يارب

وربي يعينكم على كوزينة يارب

تقبلوا شكري​

 

[أم معاد]

saha ftourkOUm allah yberek koulech btba3 mekenech haja naa9ssa rabi yahfadhkoum nchllh
ana wlh mridha fi hala 3yit ntherek der charba frik w la puriii w mcheremla w matlo3 nssit masawartech
haya antalaw fi rwahkoum haboubetii



أم معاد, ‏أريج هبة الرحمان, ‏مسلمة وافتخر, ‏وهج الصحراء, ‏ام منصف, ‏اميرة وهران, ‏اسال الله الفردوس, ‏fatima der, ‏hadda0425, ‏ibtesem, ‏imen ahmad, ‏labed93, ‏mimi53, ‏nada242008, ‏nassima 87, ‏om siraje, ‏زائــــــــرة حلوة, ‏Samia Eljazairia, ‏SaRa QuEeN, ‏sarah11, ‏serinee, ‏كوثر الوهرانية, ‏عاشقة الوردة, ‏ziassia

 

[مطبخ الأحلام]

رغودة يعطيك الصحة ختيتي هداك الفول مين سلطتي عليه ؟ مزال باقي ولا فلكونجيلاتوغ؟؟

نسيمة الله يبارك كل اطباقك روعة

ميس وسوسو كسراكي اختي و كيراهي ماماك شحال يعجبني الخبز اللي تعجنه نتاع مرة حرة الله يبارك

ربي ينورك ختيتي طوثر والله غير بخير بشوفتكم ومعاكم الله يسلمك ويعزك راكي قريبة ليا ان شاء الله كاش نهار نتلاقاو ونجيبلك معايا منه

​

 

[hadda0425]

روز وش هذا خمسة في عينين الشيطان ههههه
يعطيك الصحة
رغود كملتي المتبقيات الشهية
فريدة تصدقي قالي بلاك جايين في جويلية قتلو قولهم احكمو قدركم عندكم حتى يعدي رمضان هههه
​

 

[nada242008]

صحا فطوركم يالفحلات
ابتيسو والله توحشت نسمع صوتك ونقصر معاك عندي شهرين ولا كثر ماحكيتش معاك بوسيلي عيسى وقولو ندى راهي كالسلحفاة يا ربي نراجعو القديم من سورة البينة مازادتش قدمت القدام هههه
ويعطيك الصحة ماكنتش عارفة بلي راكي زلبانجية :d
حدة راكي تشوفي فيها معمرة راح تتفلق هههه مازال ما نحيتلوش لي كوش هههه
روز يعطيك الصحة عرضة وعليها الكلام تعجبيني كي تقومو بضيافك تقول جايك الرايس على قولتك ههه حتى انا هكاك بعد نتهول بصح عرضة كيما هذيك تفسديها بصحن تاع خمسلاف هههههههههههه ضرك تتكلملك الكنافة والقشطة يقولولك مايشرفناش نتكاو عليه :-o هههههههههههههه
رغود الله الله على التصوير حابة نشوفك ونتي تصوري كيفاه مركزة :p صوريلي خيالك كيما نهار الاناناس
فيفي كي تحكي انا نشتي نسمعها :$ ماكنتش عارفة بلي انت رادار كيما انا هههههههههه نانوس كل يوم الفريت ولا فريت اوملات نهار بنهار ههههه:d والله يعجبني طيابها وتزيد تحط صحن لولادها ههه انا شريرة ما يحلموش يمسو الطابلة حتان نفطر ونشوف الضو
فريدة ربي يحفظك ويخليك ويبوسك الخير والخمير كيما تقول عجوزتي ههههه
ميس سوسو ربي يهنيك حبيبتي عقبال مانشوفو طبابيزك :d
سمورة طيابك هايل وعلاه مدوخة روحك مع لاكرام وانت ساكنة في باري :d اشري بيطة وهني راسك .. انا قراجمي راني في حالة منهم عندي باطة في الكونجيلاتور كل يوم نسلم عليها ونعقب هههههه
تحية كبيرة لام نصيرة لي متكسلة تحت لكليماتيزور
وخيرة لي راهي معصبة راسها :d
هذا فطور ليوم بديت نعاود في الموني هههه الله غالب نطيب الحاجة غير لي ياكلوها
تفاهمنا على التمر يا روز

وكروفات

وسلاطة

والف حمد وشكر لله