- الأوسمة
- 7
السلام عليكم
السيارة مقلوبة والناس تبيع و تشري
كنت مار بسيارتي في منعرج خطير في معسكر ديما يصراو فيه الحوادث لقيت حادث مرور والغاشي دايرين بالسيارة والدرك والطايح اكثر من النايض
قلت في نفسي وقيلا الحادث كل اصحاب السيارة ماتو حبست ونزلت نسقسي
السلام عليكم سلامات قالو سلامات ما كاش لي بليسي لا جاب ربي كامل لاباس وين راه مول السيارة
قال ليك هاراه مول السيارة هو من بشار دايرين بيه الناس قلت وقيلا يونسو فيه نروح نونسو ونديه يفطر عندي في رمضان
كي دخلت في الحلقة لقيت صاحب السيارة مخلوع وداهش ويجاوب فيهم لا ما نبيعش مازال بعيد
لي كانو دايرين بيه كامل سماصريا و كورتليا حبو يشرو منو السيارة المقلوبة باقل ثمن وهو مازال في صدمة ( اضرب الحديد و هو سخون ).
حتى دخل وحد الدركي وفض هاداك الاعتصام من الطريق وحملو السيارة في ديباناج .
من بعد رحت لواحد نعرفو يسكن قريب من المنعرج قتلو كيفاش هادي
قال لي ديما هاك
قلت كيفاش يعرفو سماصريا بالحادث
قال لي مادين رقم هاتفهم لشباب جيران المقابلين المنعرج كاش حادث ولا يعييطو ليهم يحضرو قبل الدرك والاسعاف باش يشرو السيارات المقلوبة باقل ثمن وادا شراو يعطوهم حقهم من الغنيمة .
مصائب قوم عند قوم .
وهادا في رمضان لو كان الفطر واش ؟؟؟؟؟
السيارة مقلوبة والناس تبيع و تشري
كنت مار بسيارتي في منعرج خطير في معسكر ديما يصراو فيه الحوادث لقيت حادث مرور والغاشي دايرين بالسيارة والدرك والطايح اكثر من النايض
قلت في نفسي وقيلا الحادث كل اصحاب السيارة ماتو حبست ونزلت نسقسي
السلام عليكم سلامات قالو سلامات ما كاش لي بليسي لا جاب ربي كامل لاباس وين راه مول السيارة
قال ليك هاراه مول السيارة هو من بشار دايرين بيه الناس قلت وقيلا يونسو فيه نروح نونسو ونديه يفطر عندي في رمضان
كي دخلت في الحلقة لقيت صاحب السيارة مخلوع وداهش ويجاوب فيهم لا ما نبيعش مازال بعيد
لي كانو دايرين بيه كامل سماصريا و كورتليا حبو يشرو منو السيارة المقلوبة باقل ثمن وهو مازال في صدمة ( اضرب الحديد و هو سخون ).
حتى دخل وحد الدركي وفض هاداك الاعتصام من الطريق وحملو السيارة في ديباناج .
من بعد رحت لواحد نعرفو يسكن قريب من المنعرج قتلو كيفاش هادي
قال لي ديما هاك
قلت كيفاش يعرفو سماصريا بالحادث
قال لي مادين رقم هاتفهم لشباب جيران المقابلين المنعرج كاش حادث ولا يعييطو ليهم يحضرو قبل الدرك والاسعاف باش يشرو السيارات المقلوبة باقل ثمن وادا شراو يعطوهم حقهم من الغنيمة .
مصائب قوم عند قوم .
وهادا في رمضان لو كان الفطر واش ؟؟؟؟؟
