اريد مساعدة عاجلة

[12snv0007]

السلام عليكم اريد الاستفسار على الفرن الغازي الاسود(الطابونة) لدي واحدة لكنها تدخن بزاف هل لديكم طريقة لتسريح ثقوبها و حنفياتها ارجو المساعدة بسرعة

 

[شجـ الروح ـون]

رد: اريد مساعدة عاجلة

السلام عليكم ورحمة الله

الطابونة انا ننظفها بالغسل العادي نديمونتيها ونغسلها مليح وتوقفيها وتخليها تجف جيدا
والعيون نحلهم براس ابرة يخرج الشوائب العالقة
لكن كاين سبب ثاني للدخان
ممكن انو الطابونة مخصصة لتركيبها بغاز البوتان وانت واصلاتيها بغاز المدينة
والعكس
لهذا راهي تدخنلك
والله اعلم
​

 

[خيرة جانت]

رد: اريد مساعدة عاجلة

وعليكم السلام
كيما قالتلك الأخت شجون
وكاين اللي يغليها في قدر كبير مع الجافيل والصابون حتى تنظف
ولا تحطي عليها كارتون ولا جريد النخل وتحرقيها حتى تطفى النار أمبعد أغسليها مليح
وكاين اللي يديرولها المكشط بالصح حاذري وما تكثريش ولا طولي بيه بزاف
نتمنى تكوني لقيتي الحل
واللي عندها حل واحد أوخر تفيدنا بيه
​

 

[ام اية الرحمان]

رد: اريد مساعدة عاجلة

السلام عليكم
ادا كنت تستعملي بها بغازقرع تبدلي بيكات بنوع ثقب تا ع غاز القرع
اما ادا كنت تسعملي غاز طبيعي يعني غاز دوفيل عندك احتمالين اولاثقب كبير جدا جدا لابد من تغييره بثقب حسب نوع الغاز
ثانيا reglage des bagues d'air