نقاش العرايس / الايام الاولى بعد العرس ( العدد الثالث )

[Just Hope]

السلام عليكم و رحمة الله و بركاته

بعد مدة رجعت بنقاش آخر أنا عن نفسي محتاجة اليه

بعد العرس و الفرحة و القلق و كل شئ ..... يجي العرس و تجي ايام بعد العرس اكيد تكون غريبة

و العروس تحس بالغربة في وسط ناس ما تعرفهمش

احكولنا على العادات و التقاليد ............... كيفاش تفوت العروسة الاسبوع الاول وسط العايلة الجديدة

مثلا

تعرفو لازملها دووش كل يوم ...كيفاش الحالة مع العايلة ؟؟ و الحشمة

كاين ناس تقولك لازم بعد اسبوع تدخل العروس الكوزينة و تطيب حاجة حلوة

واش تدير ؟؟

ويكتا لازم تبدا تطيب ؟ خخ

كيفاش المعاملات مع الاهل الجدد في الايام الاولى ..؟؟

واش لازم تلبس بعد ليلة الدخلة ؟ بيجامة عادي ولا كيفاش ؟؟

يعني خلونا نتناقشو على كل صغيرة و كبيرة باش نستفادو و يا ريت تشاركونا بخبرتكن يا البنات

أختـــــكم

أمـــــــل

​

 

[Just Hope]

رد: نقاش العرايس / الايام الاولى بعد العرس ( العدد الثالث )

وييييييييييييييييييييييييين راكم؟؟؟؟؟؟؟؟؟؟؟؟؟؟

 

[علياء مون]

رد: نقاش العرايس / الايام الاولى بعد العرس ( العدد الثالث )

حنا عدنا هاذي كامل تعتمد على اهلوا هو
حنا في الجلفة ولاو العرسان يبنوا دوش في شمبرة باه عروستوا تلقى راحتها خطرش تعود خارجة من الدوش قدام باباه وخاوتوا تتحشم هي اما اذا مادارش دوش ماعدها مادير حصلة
كاين عرايس عدنا تحب تفطر عريسها بديها في اول نهار
اما طياب وهدوا لحوايج بعد السمانة لولة اما اذا حبت تعاون قبلهم عادي
شوفي حنونة احسن حل تسقسيه هو قوليلوا واش نلبس قدام داركم وشوفي وش يقول انت سقسي برك عدك تحسيه بلي رايحة تلبسي واش هو يقول افرضي روحك من ضرك خطرش اذا قال بيجامة كاملة وارواب وانت لبستيهم انساي باه تلبسي حاجة قاصفة قدامهم خطرش عودتيهم باه يشوفك بالحاجة الكاملة والمستورةعدك عدك
ادي نبذة من عدوا كي يعود يحكي على دارهم انا شاكة بلي دصارة ياسر تخسريها على روحك وجابدة ياسر تاني امالا كوني في الوسط وربي يتمملك حنونة ويرزقك بالذرية الصالحة

 

[Just Hope]

رد: نقاش العرايس / الايام الاولى بعد العرس ( العدد الثالث )

يعطيك الصحة عليا
ميرسي

)))
​

 

[علياء مون]

رد: نقاش العرايس / الايام الاولى بعد العرس ( العدد الثالث )

راني هنا في اي حاجة تسحقيها راكي في مثابة اخت

 

[shéryfa luna]

رد: نقاش العرايس / الايام الاولى بعد العرس ( العدد الثالث )

dok ens okol tawrat mb9atech eli toskon f el3ayla w ila seknet troh smana louwla ba3d zwaj voyage de noce n'impote ou l'essentiel tkouni ghir hia w hoau w telbes wech t7eb
autrement m3a omalin rajelha lazem haja mastora rabi wasana 3la sotra w ehdi haja tofrod 3lihom ye7tarmoha w rabi yejaziha khir ​

 

[السلطانة]

رد: نقاش العرايس / الايام الاولى بعد العرس ( العدد الثالث )

وعليكم السلام
كاين حالات تلزم على الزوجة تسكن مع دار شيخها
كيما كي تكون ام الزوجة وحدها ويكون اب الزوج متوفي
هنا لازم يسكن وليدها معاها
وادا كانت العايلة كبيرة
شوي راح يكون ازعاج
كي يكونو السلاف
لاكن عادي العروسة تنظم روحها وتزين نيتها وان شا ءالله ربي معاها
بالنسبة للبسة
انا نشوف بلي قنادر ودي بيجاما مستورين عادي قدام لافامي
لكن الميني ولي شورت وهادوك لحوايج حاجة باينة راح تلبسهم قدام راجلها في لاشومبر تاعهم ماش تجي قدام سلافها والجماعة وتلبسهم !!
حنا عندنا لعروسة بعد ما ترجع من شهر العسل تجي تطيب
وياريتها تكون فحلة وهي لي تطلب تطيب لعشا او لغدا
وبعدها تبرمج مع عجوزتها وسلافاتها عشى لعروسة
هادا لي تطيبو ويعرضو مواليها يتعشاو ويمدو زعم دار لعريس النقطة لموالين لعروسة
اما بالنسبة للعلاقة بينها وبين زوجها في الايام اللولة راح يكون شوي احراج قدام اهل الزوج
الافضل يديرلها دوش في لاشومبر وهكا يتفاداو الاحراج

​

 

[السلطانة]

رد: نقاش العرايس / الايام الاولى بعد العرس ( العدد الثالث )

dok ens okol tawrat mb9atech eli toskon f el3ayla w ila seknet troh smana louwla ba3d zwaj voyage de noce n'impote ou l'essentiel tkouni ghir hia w hoau w telbes wech t7eb
autrement m3a omalin rajelha lazem haja mastora rabi wasana 3la sotra w ehdi haja tofrod 3lihom ye7tarmoha w rabi yejaziha khir ​

كاين حالات وين يتفرض على المرا السكنة مع دار راجلها ماعليها غير تعرف كيفاه تكسبهم
لأنو اللبسة تاني عندها دور
تخليها كيما قلتي يحترموها
​

 

[rahoume]

رد: نقاش العرايس / الايام الاولى بعد العرس ( العدد الثالث )

يالحبيبة عندنا في باتنة اليوم الشاب مايدزوج غير ادا درو وحدو وادا ماعندوش دار يخرج يكري خاصة ادا كانت عائلتو كبيرة يعني يماه باباه خاوتو الاهم خوتاتو يقولك نبعد نشري راحت بالي ومرتي تبقى عزيزة عندهم ويبقى لقدر بيناتهم اما ادا كانت يماه وحدها فعندنا الراجل عيب عليه يخرج ويخليها