عرس خالي ما بقالوش بزاف وكي العادة نتعاونو باش نجحو المناسبة هادي
احنا كان دورنا نديرو الحلويات العصرية
جبتلكم الحلوى اللولة
2 اكياس قطايف
كيلة لوز مرحي
ربع كيلة سكر
رشة قرفة ماء الزهر
زبدة ذايبة
اسقي القطايف بالزبدة الذايبة وماء الزهر وخليها تشرب
خلطي اللوز والقرفة والسكر
وزعي طبقة من القطايف فالقوالب
حطي طبقة من الحشو واسقي بماء الزهر
حطي طبقة اخيرة من القطايف حتى يغطي القالب واسقيها بالزبدة الذايبة
دخليها للفرن حتى تحمار شوية ربع ساعة من الفوق واجبدي القوالب وحطي في كل واحد مغرفة كبيرة عسل ثقيل
اقلبي القوالب في سينية
احشي الثقب بحلوة الترك وزيني بحبة لوز والبراق الغذائي (brillant alimentaire)
نتمنى نسمع رايكم
آخر تعديل:
