اليوم حبيت نشارككم بوصفة طبيعية للشفاء من الحساسية انتاع الانف
قالتلي عليها وحد السيدة الله يجازيها كل خير على هدي الوصفة وبانها مجربتها مدة 8 سنين
الوصفة هي ..
حبة البركة (السانوج) + زيت الزيتون
نرحو السانوج فالروبو دورة وحدة غير تتهرس الحبة نحبسو
نزيدو عليها زيت الزيتون ونحطوها فوق النار حتى يبدا الزيت يطلع واحد الفقاعات نطفيو النار منخليوش الز يت يتحرق
نخليوها ساعات يعني طيبيها فالصباح وخليها حتى الليل باه تقطريها في الانف
تعمرو الانف وتصبرو شوية ادا كان الانف طايب رايحة تحرق شويةولكن مفعولها عجيب
جربوها وردولنا الخبر
والله يجيب الشفاء للجميع
