ارواحو هنا نتعلمو من بعضانا

[*فتون*]

سلام احبائي انشاء الله تكونو بخييييييييييييييييييييير :up:
الفكرة هي يا ريت كل واحد يقوللنا و هي هواياتو وش يعمل في اوقات الفراغ
وش راكم تتعلمو تقراو اشياء جديدة
نبدا بروحي
اهم هواية ليا هي الرياضة نعملها 3 مرات في الاسبوع
وتاني نحب النت نشارك في عدة منتديات وتجمعات للاستفادة وتطوير الذات
ونكره ندخل للكوزينة
عندي عدة ديبلومات ابار تاع الجامعة
قريت فرنسية .انفورماتيك.حلويات.حلاقة وتجميل من كل بستان اقطف زهرة حابة نكون توت اوب
حابة نتعلم كلش
هيا اليكم الخط كشما نسرق افكار من عندكم ونطبق انشاء الله

 

[boutheina beto]

رد: ارواحو هنا نتعلمو من بعضانا

هههههههههههه فكرة بااهية اختاه
انا مازالني صغيرة عمري 15 سنة برك نقرا في ليسي

هوايتي تصميم الملابس و اختيار الوانها و نحب كرة اليد ياااسر يااسر
و دائما نمارسها و كيف كيف نشتي نقلق اختي و كيما نتعارك نشتي نقتل العبد بالبروديهة ههههههه
و نحب نتفنن في مشط شعري الجميل
و شكراااااااااااااااااااااا على الموضوعع يا الزينة
​

 

[السلطانة]

رد: ارواحو هنا نتعلمو من بعضانا

عندك هواية ماشاء الله
الرياضة من أفضل الهوايات يمكن للانسان الاستفادة منها
انا هواياتي الطبخ واحيانا المطالعة
والكتابة حسب المزاج

​

 

[*فتون*]

رد: ارواحو هنا نتعلمو من بعضانا

هههههههههههه فكرة بااهية اختاه
انا مازالني صغيرة عمري 15 سنة برك نقرا في ليسي

هوايتي تصميم الملابس و اختيار الوانها و نحب كرة اليد ياااسر يااسر
و دائما نمارسها و كيف كيف نشتي نقلق اختي و كيما نتعارك نشتي نقتل العبد بالبروديهة ههههههه
و نحب نتفنن في مشط شعري الجميل
و شكراااااااااااااااااااااا على الموضوعع يا الزينة​

عندك حاجة حابة نتعلمها
هي لبرودية اناعكسك دمي سخون يغلي وتجي غير فيا ويقتلوني بالبرودية نهبل حبيت نولي كيفك مقدرتش
علميني :p
وننصحك مادامك صغيرة اقراي اللغات والله تلقايهم

 

[*فتون*]

رد: ارواحو هنا نتعلمو من بعضانا

عندك هواية ماشاء الله

الرياضة من أفضل الهوايات يمكن للانسان الاستفادة منها
انا هواياتي الطبخ واحيانا المطالعة
والكتابة حسب المزاج ​

نقولك الصح انا نطيب كلش كلش وكان تحبي اي غوسات نعطيك حتى الباتسري
مي والله كرهت من طياب زاد سمني برك :dهههههههه ودوكا اني مريجما ومع سبور حابة نطيح 5 كيلو
نحب نتعلم حاجة لتفيدني وتنميلي تفكيري

 

[إلياس]

رد: ارواحو هنا نتعلمو من بعضانا

هواياتي الكتابة في المتيديات و كتابة الرسائل و ممارسة كرة السلة

 

[رهف سعد]

رد: ارواحو هنا نتعلمو من بعضانا

هواياتي طياب ونشارك في المنتديات وطبعاااااااااااااااااا النضافة

 

[ahlam02]

رد: ارواحو هنا نتعلمو من بعضانا

موضوع هايل اعجبني نحكي على روحي انا نموت على صنع الحلويات هذي الهواية المخيرة ونحب نقرى المجلات والصحف مانحبش الكتب نحب الطياب والكوزينة نحب الشغل كامل تاع الدار نحسوا هواية نحب الحصص الاجتماعية ...هدا مكان الباقي كامل مانحب والو...تقبلوا سلامي

 

[ملكة الصحراء]

رد: ارواحو هنا نتعلمو من بعضانا

انا هواية الرياضة وكتابة الخواطر والقراءة ونحب نتعلم كل شيء خاصة من المنتديات

 

[السلطانة]

رد: ارواحو هنا نتعلمو من بعضانا

نقولك الصح انا نطيب كلش كلش وكان تحبي اي غوسات نعطيك حتى الباتسري
مي والله كرهت من طياب زاد سمني برك :dهههههههه ودوكا اني مريجما ومع سبور حابة نطيح 5 كيلو
نحب نتعلم حاجة لتفيدني وتنميلي تفكيري

تكوني كنتي متتحركيش
ساعة وحدة مشي يوميا
تخليك تحافظي على رشاقتك

​

 

[MĭŠš Čhŏů]

رد: ارواحو هنا نتعلمو من بعضانا

انا دوري في البيت نوكل ونرقد ونتفرج ونكونكتي وبرررك ههههههه
هذا فالدار
مزلت صغيرة عمري 15 بركbouteina beto صاحبة الرد الاول زميلتي في الدراسة
تعرفني بلي ناس ملاح اطمح واسعى لاكمل دراستي اما عن الاشياء اللي نحبها نحب نتعلم الكروشي والخياطة وان شاء الله نتعلمهم .. ديفوا نشوف تسريحات نجربهم في شعري بش نتعلم ،على الاقل نهار اخر في عرس ولا حفلة ولا اي حاجة نمشط وحدي وما نحتاجش، مسجلة في المنتديات نحب نثقف روحي ونحب نكون ملمة بشتى المجالات احب قراءة الروايات والاساطير ونحب كذلك المواضيع العلمية و التطلع على اخر الاختراعات نتبع كل الاخبار سواء السياسية . الثقافية. الاجتماعية...الخ ، نحب نتواصل مع الغير سيبورصا عندي صحبات ياسر
اشياء اخرى انا ننصحك اديراها : اهدري ياسر كيما انا باش ما يضيقش عليك قلبك .. واضحكي ياسر كيما انا وحاولي تكسبي الناس باها ،وبالاك تقعدي وحدي وتنعزلي على الناس بويسك راح يزيد عليك الهم وارقدي مليح خلاص كيما انا بربي ان شاء الله تلقاي روحك مرتاحة مورالمون
نفوتو للجانب لاخر تعلمي وتعلمي وتعلمي كيما قلتي : قاطو ، انفورماتيك ، حلاقة...الخ معظم الحرف تعلماها بش وين تبوجي تلقاي روحك بلا مزية العرب خاطاك نكره نحتاج لغيري
هذا وش حابة نقول
اهتمي بـ سيرتو سيرتو دين كخاطاك بلا بيه الباقي مضروب فالزيرو، بروحك ، بمظهرك ،بنفسيتك ، بتعاملاتك ، بقرايتك ، بثقافتك،
وتانيك اهتمي بالمواهب اللي عندك ونماها
وان شاء الله تكوني خير من الناس كل
وبش تكوني خير منهم لازم تقنعي روحك بلي راكي الحمد لله صافا خلاص
​

 

[mirajiji]

رد: ارواحو هنا نتعلمو من بعضانا

سلام
انا نحب نتفرج في التليفزيون حصص تتعلق بالطب بالمجتمع ..............
نحب نكونكتي نشارك في منتديات بزاف منااه نحس بلي بسبتهم زادت الثقافة تاعيمليح
نحب نتعلم الخدمة تاع الدار الطبخ مثلا منها نتعلم منها نعاون ماما ...
نحب ندير معارف ماشي بشرط في الواقع مام في عالم النت..
وحوايج بزاااااااف كي نتفكرجم نزيد نولي و نقولهملك
ميرسي بزاااااااااااف

 

[noussy]

رد: ارواحو هنا نتعلمو من بعضانا

سلام ...

انا نحبــ fashion & make up ونموتـ على النتـــــــ fb & twitter tumbler المنتديات نحب نشوف الناس كي راهي عايشة كيفاه تخمم

نحب نتفرج برامج على الطبـ ولا الحياة الأجتماعية نحبــ الكوزينة شوية برك

نكره المطالعة و خدمة القاطو

​

 

[ikràm mahbOulà GiiRl]

رد: ارواحو هنا نتعلمو من بعضانا

موضووع كوول روعه لكن ليس بروعة كاتبته
....
المهم انا هوايتي الرقص -الهيب هوب- وراني ندرس فيه مم نحب نكونكتي الكووزينة خاطيتني ههه
وونحب نتسوق و نخرج مع صحابي و نحب دايممما نسافر ونغير الجو لوول

 

[وصال]

رد: ارواحو هنا نتعلمو من بعضانا

انا هوايتي كتابة الخواطر واحب الطبخ كثيرا ، وفي كثير من الاحيان استفيد من منتدى اللمة لاجرب الوصفات وحقيقة كلها ناجحة ماشاء الله .
املا اوقات فراغي احيانا بالمطالعة عبر الانترنت ، والمواقع المختلفة ، اميل كثيرا الى المواقع الاسلامية واليوتوب الاسلامي والاناشيد ، خاصة العفاسي ، اما في اوقات عملي دائما ما اشغل نفسي بمساعدة الطلاب والطلبة بمختلف المستويات في البحوث واعطيهم المبادئ السوية في انجاز المذكرات بحكم الخبرة التي امتلكها في هذا المجال فانا اختصاص اعلام الي .

 

[صفحة بيضاء]

رد: ارواحو هنا نتعلمو من بعضانا

نبغي نتفرج المسلسلات المكسيكية هههههههههههههه
مرانيش عارف ولكن عندي من كلشي شوي ​