سبــــــــــــحان ماغير الاحول وبعد مرور 3 سنوات رجعت للمة لكن بحلة جديدة ومرحة
اللــــــــــــمة اللي لمت كل مشاكلي وهمومي
منيش عارفة اذا تذكرتموتني ام نسيتوني ام الاشخاص تغيرو ومايعروفنيش على كل حال مواضيعي السابقة راح تلقاوها في صفحتي
طبعا اللي بغا يعرف فصــــــــــــتي
المهم اليوم راني رجعت باش نشــــــــــــكر كل انسان دعالي وكل واحد وانسني وكل من راسلني والحمدلله الراسايل كانت ماتتوقفش الحمدلله راكم كتر من خاوتي
درك نرجعو للجديد
او حاجة نقول الحــــــــــــمدلله كبــــــــــــيرة خاطر عمري ماننسى نعمة ربي
اليوم وبفضلو اتحلت كل مشاكلي ويا دنــــــــــــيا ويا زمــــــــــــان جبت وليدي ودرك عندو عام و10 شهر وزدت تاني طفلة عنها 6 اشهر
الحمدلله كي يكون الهنا هداك هو الصح
درك علابالي كاين اللي مستغرب يقول ياخي كانت راح تطــــــــــــلق كيفاش زادت جابت طفلة
المهم مانطولش عليكم نعطيكم رؤوس اقلام
انا الحمدلله ماتطلقتش وزوجي اتغير بزاف بعد ماولدت
ورجع يوقف معايا ضذ اي واحد يقيسني من العايلة تاعو
ورحلت وراني ساكنة وحدي
وقطعتي علاقتي باهل زوجي خلاص مايجوني مانروحلهم طبعا زوجي يروح لامو لانو مهما كان هي امو لكن بعد ماكان يوقف معاها للاسف عرف على حقيقتها
وعرف بللي هو تاني غلط فيا وطلب السماح مني ومن دارنا
المهم الخلاصة ومافيها لكل واحد كره من حياتو وفي لحضة خلاص في يالو راهو اتقطع الامل لازم مايقطعش لياس
من حكايتي انا الناس اكل تعجبت كيفاش تبدلت وصحتي مام درك راهي بخير
والحمدلله الحمدلله الحمدلله
ربي يخليوكم ليا كامل راني مانسيتكمش
