أكيد راكم تتساؤلو على هدرتنا لليوم ومحور حوارنا لهذه الجلسة المفيدة
ان شاء الله
*****************
نبدا كلامي بالصلاة والسلام على أشرف المرسلين محمد نبينا
وبعدها نسلم عليكم كامل و نسقسي على أحوال أحبابي و خيوتي و خواتاتي
:regards01:أحباب منتدانا العزيز الى لامنا إذا حب ربي دائما على الخير و الهناء.
اليوم فاجئتني أحد زميلاتي في العمل و هي تحكي على مصاريف الدخول المدرسي و الأعباء الثقيلة الي ما قدرتش عليها بالرغم
إنها هي و زوجها يخدمو الإثنين .
راكم عارفين بلي الغلا و المصاريف كلها جات وراء بعضاها
هذا مصروف سيدي رمضان وهذا مصروف العيد الصغير
والى زاد عليهم الكل مصاريف دخلة المدارس
المهم نرجعو لموضوعنا والي يصب دائما في صلب عنوانو
زميلتي هاذي كانت تحكي بعفوية
وتشكي على همها مسكينة حابة تفرغ قلبها
و تلقى من ينصفها ويهون عليها شوية حتى هي راهي معذورة ؟؟؟؟
بدات تحكي بعفوية وانا نسمع ليها
الولاد شريتلهم قيس قيس و كاين حوايج ما قدرتش نشريهملهم خاصة
مع الغلا و الحوال على قد الحال
وبلي ثاني :
راهم ماهمش عاجبهم الحال خاصة كي شافو البنات والأولاد
واش شراو ليهم والديهم
كل هذا عادي جدا
الي ما هوش عادي و حسيتو
كي سكتت شوية وعاودت قالت بلي بنتها الكبيرة
قالتلها كي انتم ما كمش قادرين علينا وعلى مصاريفنا
وعلاه جبتونا للدنيا؟؟؟؟؟؟؟؟؟؟
اتصورو هذا الكلام الكبير و خاصة كي يجي من عند واحد من ولادكم
هل تقبلوه و تفوتوه عادي والا كيفاش تتصرفو في هذا الموقف
الي بصراحة :down:
موقف لا تحسد عليه هذه الأم ....
في الأخير الدنيا هاذي ياما فيها عجايب وغرايب
تحياتي لكم جميعا نحن أعضاء
