قاتلي حاجة مهمة ومنقدرش نستغنى عليها !!

[jojo jija]

رد: قاتلي حاجة مهمة ومنقدرش نستغنى عليها !!

عندك الصح اختي هي ربي عطاها وعلاه ما تشريهاش ونقوللها الله يهديك
بصح حنا مانكلفوش اباءنا وحنا منا من الناس يلي يزوخو بلبستهم والريحة الي يديروها واحنا حامدين ربي على النعمة وناس على قدنا
شكرا على الموضوع باش الناس يفهمو مكاناتهم فالمجتمع

 

[السلطانة]

رد: قاتلي حاجة مهمة ومنقدرش نستغنى عليها !!

السلام عليكم
اه يا شوشو حابة ندوق بنة حاجة غالية بزااااااااااااف كيفاش تكون !!!
الريحة برا مانديرهاش و حق البيس ما نقولش لبابا اعطيني فمابالك نطلب حق ريحة ومن شكون من راجلي!!! نموت ومانديرهاش
اعطاني مليح ما اعطانيش مليحين ( عندي عقدة نفسية هنا :$)
مرسي شوشو رجعتيني لواش راك تهدر توحشت نهدر فيه​

وعليكم السلام خضراكس :p
مرحبا بيك توحشناك هنا في واش راك تهدر
عارفتك قنوعة وميهفكش الريح
مشكورة حبيبتي على المرور الطيب
سلامي
​

 

[السلطانة]

رد: قاتلي حاجة مهمة ومنقدرش نستغنى عليها !!

السلام عليكم ختي
عجبني موضوعك بزاااااف هذاك الشيء من علامات الفوخ برك راكي تعرفي يعني شوفوني راني شريت ريحة تسوى مليون وتلقايها حشاكم الدوش ماتدخلوش
ياختي ديري ديودوغون نتاع 15 تكفيك الدهر وعلاه عليك هاذ الراي
ربي يهدي ماخلق
​

وعليكم السلام
ياو تلقايها تزحكى بالبنات
تقول تعطيها ببونيا للوجه متنوضش عام
شكرا على المرور الطيب
سلامي
​

 

[السلطانة]

رد: قاتلي حاجة مهمة ومنقدرش نستغنى عليها !!

وعليكم السلآآم
اهلآآ بشوشوش الحلوة وموضوعهآ الحلو كيفهآ
فكرتيني بجآرنــآ الي مآيشري غير البآغفآن تآع مليون
ليه ولمرته ولبنآته ، احسبي شحآل بنآته 3 يعني 3 ملآين
مع تآعه وتآع مرته ولآو 5 ملآين شهرية تآع بابا نورمآل خخخ
اهلا بالملكة :d
كون صدقهم ماشي خير هبال هادا
يآختي انا تآني كيفكـ نمشي على قدي ، عندي شحآل وانا غير بــ باغفان نينا ريتشي
الـpـخي تآعهآ مليح وريحتهآ حلوة وحنينة ، ودركـ رجعت نلقى غير المدرحة وليت نشري تاع التعمآر هديكـ
20 ألف نمشي بيهآ شويآ مع الديودوغون رحمة ربي
ايه مع المصروف تاع لحوايج لوخرين تجي قدقد
هي صح باغفآن تآع مليون ياغفات تاع الصح رشة بركـ تريحي من بآب الدآر
وبآش منكدبش عليكـ بلكـ ندير 2 منهم في جهآزي والآ جآبوهآلي كآدوو الخير والبركــة
بصح نشريهآ بدرآهميآ ونحطهآ للخرجة مآنديرهآش قآلوهآ الي قبلي مآنزيدش الذنوب لروحي
ويبقى كل وآحد حر في وآش يحط ، تشريهآ ولآ يشريلهآ بآبآهآ ولآ رآجلهآ يسطفله
غدوة عند ربي كل وآحد يتحآسب وحده ولآ مشي هكدآ آ السآندريلآ :d
هيآ ميرسي على الموضوع الخفيف والظريف شوشوتي
اي تجيك كادو اكيد:dتتخبى لهيه لمولاها
​

شكرا للمرور الطيب

​

 

[السلطانة]

رد: قاتلي حاجة مهمة ومنقدرش نستغنى عليها !!

الريحة تاع مليون من عندي ما نشريهاش مي تجيني cado من عند ماما ولا زوجي في المستقبل الا عندو ولاباس عليه وقادر باه يقلشني وين راهو le problem . أنا في الوقت الحالي نستعمل evidence بسعر 580ألف :up:

اvيدونس ريحتها مليحة وسعرها معقول
ان شاء الله يرزقك ربي بميلياردار :p
صحيتي على المرور
سلامي
​

 

[السلطانة]

رد: قاتلي حاجة مهمة ومنقدرش نستغنى عليها !!

ااااااايما والله التبذير حرام مي كل واحد يسرح رجليه على حساب لحافة .....كل واحد يحب كيفاه يعيش ...انا راني معا كلامك

ياو نخليو البير بغطاه
صحيتي على المرور الطيب
سلامي
​

 

[السلطانة]

رد: قاتلي حاجة مهمة ومنقدرش نستغنى عليها !!

مليون راهو خسارة في حاجة تافهة الله يهديها و يهدينا

آمين يارب
شكرا للمرور الطيب
سلامي

​

 

[السلطانة]

رد: قاتلي حاجة مهمة ومنقدرش نستغنى عليها !!

سلامي ليك يا بنت قالمة
عجبني موضوعك ياسر خلاه مي بيناتنا انا منيش مهبولة نشري ريحة بزوز ملاين
مي كي يحبوا يقلشوني ويشروهالي يا ومنقولش لالا:d وانا نشري لي نقدر عليه:$
انا شريت مرة قرعة ريحة ب 200 الف ياو ندمت مافاها حتى ريحة ياو الديودوغون خير منها:s
مي وش نقولك ياو كاين حاجات مهمة اكتر من الريحة ادي انا نفضل ندير دهب ومنشريش ريحة بمليون وزوز
ياو ربي يكون معانا وربي يهدي

الكعبة تاع الويزة الوحدة بمليون
ومحزمة كاملة وتشباكها ضربة
غير تسلاك معاها برك
شكرا لامو الزينة على مرورك الزين
سلامي
​

 

[ألوان مزيفة]

رد: قاتلي حاجة مهمة ومنقدرش نستغنى عليها !!

عادي كيما كي راحت لحانوت يبيع الذنوب وشرات أكبر ذنب بأغلى ثمن هكذا كي نخمولها من الجانب هذا نقدر نردلط ونقول ربي يسهل عليها كل واحد يتحاسب لعمرو ويعطيك الصحة
​

 

[islam bozo]

رد: قاتلي حاجة مهمة ومنقدرش نستغنى عليها !!

بارك الله فيك اختي الكريمة على الموضوع الرائع

 

[miss sihèm]

رد: قاتلي حاجة مهمة ومنقدرش نستغنى عليها !!

هههههههه ضحكتيني
انا وحدة من الناس من لي يمووووتوووووو على البرفان .
نموووووووت تعرفي شولا نموووت عليها سبحان الله من لي كنت صغير نلم الدراهم و نشري بارفان كيما كاين لي تبغي الدهب و كاين لي تبغي القش انا نبغي لي بارفان سبحان الله نكون مغمومه نشمها نريح و درك راني نشري بارفان تاع مليون و كي نولي نخدم ان شاء الله نشري بارفان الغالية الغالية و الغاااااااااااالية و نشمها بشي باش نغير الناس و لا نقول شوفوني عندي دراهم بصح نبغي الروايح الشابين و من جيهة القش ولا الماكلة و لا اي حاجة وحدخرى الحمد لله عايشة على حسابي مانخسرش بزاف تسما غي البارفان و مسلتلزماتها لي يكلولولي دراهمي ^^

 

[magique]

رد: قاتلي حاجة مهمة ومنقدرش نستغنى عليها !!

كل مرة نقول ندخل نحط رد وتجي حاجة تديني
بون علابالنا كل واحد ومقدورو والشي لي يجيبوه احوالو المادية
والطفلة هادي ادا راهي قادرة وماكان حتى عبء على باباها وزوجها
مافيها والو تقلش روحها شوي،،،، بويسك ديفوا تشري باغفان مليح يقعدلك شحاااال ونتي ديري فيه
خير ماتشري كل مرة باغفان كلي مادرتيش وراح يسقاملك تانيك
والمناسبات راكي علابالك لازملهم غير الماركة
تكوني معروضة لعرس ولا يجوك ضياف ولا في العيد ولا ولا ولا
تروحي تجبدي الباغفان الغالي الله الله وتحطيه


مثلا انا كي يكون عندي باغفان غالي ومليح ندير منو بالشوي ...بالقطرة
امالا هداك الرخيس راني نديرو كي الماء ديفوا نحل لخزانة نرشو ونعاود نقفلها:-o
عآآآدي
وهدا ثاني تبذير


هاني درتلك رد حنونة وماتقصفينيش
باايات
​

 

[־●ـ‗غمــــوض ــالــورد_ـ●־]

رد: قاتلي حاجة مهمة ومنقدرش نستغنى عليها !!

سآندي يآسآندي شبعتيني دحك هههههههههههههـ ودخلتيني لركني المفضل لي عندي 5 اشهر مطليتش عليه تبا شحآآل توحشتوا وتوحشت لاكولور بلوسيآآل اممم تفكرني بنآس عزيزة :d ايا بزآيد
نرجعوا لموضوعك ههههههـ يآآو وش دخلك غرتي ولا وش هههـ نقصر برك
شوفي نقلك مكآنش وآآحد يستخسر في روحو بارفآآن تآآع مليون ايدا قدر عليهآآ ابآر ايدآ كآآن وآحد يحسب للدرآهم حسآب وميهتمش بروحوا بزآآآآآآآف انا ايوختي نشتي نقلش روحي ومهيش خسآرة فيآآ ريحة تآآع مليون عندك حكآية الزوخ هآآدي نحطوهآ اكوتي بآسكو انآ نحتآآقر هآآد الجونر لي يشري حآآجة غألية على جآل النآس بش يزوخ بيهآ قدآآمهم وهو رآآه محتآآج لأبسط ليشوز مي بقآآت في انهآآ عندهآآ درآهم لي يخلوهآآ توفر بش تشري هآآد لبآرفآآن بصحتهآآ تشري وتزيد هههـ وايدآآ كآآن رآجلهآآ يحب يقلشهآآ عندو درآآهم نورمآآل خليهآآ تتحف روحهآآ لرآجلهآآ :d ديجآ غرت احم ههههـ
مي لاشوز لي ركزت عليهآ بزآآف هي حآآجة مهمة مفهمتش وش هو المهم في لبآرفآآن هآآدي كآآين ديبآرفآآن مش غآليين بزآآف وريحتهم هآىيلة كيمآ لي نديرهآآ انآ توندر موود ادير 120 الف وهآيلة ومنديرش منهآآ بزآآف نشري ليديودورون ندير منهم مرآآت برك لبآرفآآن انآ منشتيش نديرهآ ديمآ نشتي نديرهآآ مع كي ندوش بعد ولا نديرهآآ فاليل كي نرقد خخخخخـ متضحكيش عليآ نشتي نديرهآآ فالليل منعرف عمآآه بإختصآآر انا نشتي نقلش روحي ليآآ برك منشتيش ندير بآرفآآن قآوية كل وين نخرج الغآشي يتمتع بريحتي كآآن اوموأ جيت منتحآسبش نتحآسب عند ربي اون + كآين شي نآس متستآهلش تشم لبآرفآآن تآآعي خسآرة فيهآآ ههههههههـ تفكرت وآآحد ليستوآآر خطرة بقيت هكدآآ وحدي رحت درت دوش سآشيت شعري ومشطوا ودرت من لبآرفآآن تآعي حبوبتي ولبست اروب هآيلة وجيت قآعدة جآت جرتنآ فالزهر حتى هي من لوجونر لي يهمل روحوا وبخيلة خلآآه تستخسر في روحهآآ كلش هههـ قالتلي وش الالة رآآكي رآيحة للعرس ولا وش خخـ قلتلهآآ انت بآين على حآلتك تقلشي روحك غير على جآآل النآىس فالعرس قالتلي ايه لازم بش يشوفني ملآحة قلتلهآآ امم قلتلهآ انآ نعدل روحي ليا برك احنونة قتلتهآآ بالبآآرد نشوف في وجهآآ تلون :d
نكره تآىني هآد لوجونر لي عندهم دٍرآآهم بزآآف ويبآنو جيعآنين اوووه شحآآل نكرهم تلقآآيه مستخسر في روحوا مآآم حآجة تآآع 60 الف وهو الدرآآهم قآآدر يرميهم عمآآه كيمك مش مليح وآآحد يحقر روحو بزآآف وميهتمش بروحو ومش مليح وآآحد يبدر ويخسر روحوا على حوآيج مش امبورتون في حيآآتو
انآآ الحمد لله مشني من لي 2 جونر هآآدو انآ نقلش روحي بليشوز لي نقدر عليهم منخسر روحي منبدر منحرم روحي من حوآيج عندي بش نشريهم وحكآية لبآرفآآن تآىع مليون يستآهلوهآ 2 بآآرصون برك عندي هومآ انآ ورآجلي ان شآء الله ههههـ نديرهآآ ونتقلش بيهآآ معآآه هههههههههـ مي دوكآآ كي رآآني وحدي رآني نعدل ليآآ برك النآس ميستآهلوش نعدللهم بآسكو مآآم شريت حآجة غآلية لروحي ويشوفوهآ يردوهآآ زوخ وكآآن زدت طحت في وحدة كيمآ انت يآسآندي وتشوفني شحآآل مقلشة روحي اديرني في موضوع هههههـ نقصر برك لاتزعفي حنونــــــة
ايه الور بلا منطول ديجآآ طولت نسيت حآبة نكوفري برك :d
الخلآصة "
-الزوخ بزآآف وانا منيش قآآدرة مش مليح
-نشري على عيون النآس ماهي ملاحة ليآ ماهي ملآحة عند ربي سيرتوا في حوآيج مايفيدونيش كيمآآ لبآرفآآن ادي كآآن شرآآت دهب مآم غآلي نورمآآل اطيح بيهآ كش يوم تقدر تبيعوا :p
-نقدر على حآجة ومنشريهآش لروحي هآدي كتآستروف عندي فرد حيآآة لازمتني نعيشهآآ :d
والسلآلآم عليكم
رآآني نشوف في امآني نوكآآتي عآدت عودة قوية لهآآد الركن ههههـ
ايه نسيت وصحيتي على الموضوع البآهي يبرد القلب
سلآآمي ..
​

 

[عفيفة الحبوبة]

رد: قاتلي حاجة مهمة ومنقدرش نستغنى عليها !!

موضوعك هايل كيفك اختي هههههه
مهم واش حبيت نقول ختي الناس راهي ضيع دراهمها في بزاف صوالح ماشي غير فلبارفان
كيما الدهب و القش و الماكله و التيليفونات و غيرها
يعني المشكل الاساسي هو طريقة التصرف في الدراهم سي تو
بصح نقولك حاجة عندي صحبتي شرات ريحة ب 2 ملايين عندها عام و مزال غير ديرها انا انا راني شارية في هاد العام كتر من 20 قرعه
يعني هي خممت مليح و دارت حاجة مليحة
بصح انا عن نفسي هههههههههه ماندريهاش خلاص هاديك 2 ملايين نشوف فيها بزاااف مشاريع
تبقا هادي قضية ادواق و عقليات و خلاص​

 

[imy_amani]

رد: قاتلي حاجة مهمة ومنقدرش نستغنى عليها !!

اهلاااااااااااا سندريلا
كلامك صح وكاين اللي يديروا هاك
وكاين شي بنات غير بالهف
لا ريحة نتاع مليون لا والو هههههههه
حابين يزوخو بالكذب

ريحة نتاع مليون بزاااااااف
هاد راه تبذير
عندك الحق تصرفي على روحك
وتكوني بكامل اناقتك
بصح مش مشروط الريحة وانتي خارجة
كيما قلتي حتى من ناحية الشرع ماراهيش مقبولة
الواحد يحاول يعيش صح
وهادي الريحة راهو مبالغ فيها

بالنسبة ليا انا
مانحطش مليون على قرعة ريحة
نزيد عليها ونشري غوب مونتو خير لي
من هاد الشكيل
ناس تحب المظاهر
عند بالهم الريحة تزيد في شخصيتهم

شكرااااااا ليك على الموضوع
وكاين شي عباد عجب
كل يوم نشوفوا جديدهم
​

 

["Màrià"]

رد: قاتلي حاجة مهمة ومنقدرش نستغنى عليها !!

soob7an lah kima ta3i

 

[امل فريال]

رد: قاتلي حاجة مهمة ومنقدرش نستغنى عليها !!

mercii pour le sujet ana nacheri riha ta3 700 ou 600

 

[YAHIA S]

رد: قاتلي حاجة مهمة ومنقدرش نستغنى عليها !!

السلام عليكم
والله اختي انتي وضحتي رايك في الموضوع هههههه
من موضة حتى للوصلتيها لل....ههههههههه
قولي الله ابارك
بالنسبة ليا اذا كان عندي امكانيات
باش نشري قرعة ريحة زوز ملايين كيمااتقولي انتي
راح نشري لانها سعرها يكون على حسب رائحتها
قرعة ريحة انتاع مليون ولا 2 ريحتها مش كيما ادير نص مليون و مش كيما انتاع 1000 دج
راح اتكون فري ريحة و مش شرط الريحة لل....
بالعكس الريحة الطيبة شئ جميل ان يكون انسان لديه رائحة مميزة و طبيبة له
لكن المبدا هنا ليس في السعر بل في امكانيات و المدخول لهذا انتي مستغربة من الامر

 

[رنيم الصمت]

رد: قاتلي حاجة مهمة ومنقدرش نستغنى عليها !!

هههه فيف الانسيدونس و الا دي ان
عندك الحق وانا نعرف بنات هاك
ولله حررااااااام كي تعود فاضلة عليا منديرهاش

 

[بنت الـ25]

رد: قاتلي حاجة مهمة ومنقدرش نستغنى عليها !!

السلام عليكم
اولا حبيت نقول بلي وحشتوني وحشتوني وحشتووووووووووووني يا صبايا
بصراحة من اول دخلتي لواش راك تهدر شدني العنوان ومبعد شفت كاتب الموضوع
طبعا شوشو وهل يخفى القمر
لو نرجعو للموضوع نلقاو بلي الفوخ والزوخ ولعشا قرنينة والحديت قياس
واللي مقلشة صح ما تزوخش يااااااااا حي نندب
وهادي الريحة تع مليون وزوج مخدومة بما الذهب ولا من أزهار الجنة
اخص عليك يا بت هههههههه
مرة كنت في وحد المحل في بازاغ ايمالا جات الطفلة تسوم قاتلو شحال هاد الساعة ديوغ DIOR
قالها 5 ملاين
الطفلة تشوكات ،، قاتلها يمامها اياي بنتي نشريلك بيها قورمات تع لويزة خير
اههههههههههههههع صدقت نشري انا الماركة بخمس ملاين نهار نلقى صواردي ولا صوارد بابا مرميين فالطريق
ربي يهدي ما خلق ،، مجتمع تع مظاهر
يعطيك الصحيتو شوشو يستهل الكاشي :-h
او ندير سكانير لواش راك تهدر ونريقلو يولي يمشي على الشعرة اصبري برك

​