سقا الله زمانٍ زال وبالذاكره مازال

[سكون الفجر]

سقا الله زمانٍ زال وبالذاكره مازال
فداه العمر لو راح الاول على التالي

..

قبل من عوايدنا نعشق السهر لا طال
معي بكل يوم وليله اقرب من اظلالي

..

تنام بعيوني فارعه ماعليها شال
سترها الغلا والخوف من عين عذالي

..

وفجأه بلا موعد صحينا على زلزال
اخذ كل شي ولا ترك غير غربالي

..

بقا بيننا يمكن تواصل بقايا وصال
تجيني بعد مده تدور عن اوصالي

..

مجرد سلام ومانسيتك وكيف الحال
هذا آخر الغالي وحقه وهو غالي

..

واذا مر وقت ولا لفى منها مرسال
وبديت التفت عن حالها شوي في حالي

..

عن اللوم والشرهه رسايل علي تنهال
من يدينها واحسها تسولف قبالي

..

يقولون : مايبكي على المقفيه رجال
وانا اقول : جعل قلوبهم مالها والي

..

على وين ماراحت اسوق القدم رحال
اخيل المدى والدرب موحش وبلحالي

..

ادور حدر غيمة مواعيدها همال
ولا شفت منها غير موعد مع اهمالي

..

خلاص انتهينا مابقا للسنين آمال
بعد ماقِصر مرسالها مات مرسالي

..

هي الحين صارت راعية بيت وام عيال
وانا الحين مثل اول على خبرها حالي

هذه القصيدة للشاعر .. / ثامر شبيب .. ​

 

[نادم]

رد: سقا الله زمانٍ زال وبالذاكره مازال

رائع ماانتقيت..
كم هو مؤلم أن تراوح الذكرى مكانها ..ويخلو المكان من صاحب الذكرى ليخلف وراءه مرارة الوحدة وألم الفراق ..
شكرا لك..

 

[سكون الفجر]

رد: سقا الله زمانٍ زال وبالذاكره مازال

رائع ماانتقيت..
كم هو مؤلم أن تراوح الذكرى مكانها ..ويخلو المكان من صاحب الذكرى ليخلف وراءه مرارة الوحدة وألم الفراق ..
شكرا لك..

وجودك هو الأروع أخي

نعم مؤلم جداً كشخص يموت حرقاً وربما أكثر

أبعد الله عنك كل ألم أخي

أسعدني وجودك تحياتي لك
​