تقبلوا النصيحة من اي واحد......‼

[وصال]

السلام عليكم ورحمة الله تعالى وبركاته

​

النصيحة ، كلمة شابة بزاف وهدفها نبيل وناس ملاح بصح عندها ماليها ، حب يقول احنا الدزيرين باش منعممش معظمنا ميسمعش النصيحة وخاصة كيتكون من عند انسان هو مرهوش ناصح روحو

مثال : تجيكم نورمال واحد ميصليش ينصح واحداخر يقولو علاش متصليش؟
تجيكم نورمال واحدة سيفيليزي+متبرجة تنصح على الحجاب والتبرج ‼

تجيكم نورمال واحد يدخن يكون رئيس جمعية لا للتدخين ‼
..........................
الخ

خلاصة القول انو النصيحة باش تكون فعالة يعني ايفيكاس ههه لازم تخرج من انسان تقي يخاف ربي ماشي شرط رجل دين، بصح على الاقل الشئ لي ينصح فيه يكون قايم بيه على اتم وجه ، ولازم الانسان ثاني يخير الكلام لي يحكي بيه ماشي يرمي وخلاص ، علا خاطر احنا منحبوش الانسان الفظ .

نتيجة ، النصيحة تبقى نصيحة سواءا من عالم او سفيه ، او عاقل او حكيم او مجنون ، غير احنا نبدلولها الطريق يعني الرؤية للاشياء هي التي تصنع النتائج .

​

واش رايكم انتومه
كاينة ولا ماكانش


راني نستنى في تفاعلكم

:regards01:​

 

[حفيد هواري بومدين]

رد: تقبلوا النصيحة من اي واحد......‼

وافقت على الموضوع

 

[-محمد-]

رد: تقبلوا النصيحة من اي واحد......‼

شكرااااااااااااااا

 

[IKRAM33]

رد: تقبلوا النصيحة من اي واحد......‼

سلام تاكدي انه النصيحة غالبا لا تتاتي من شخص تصرفه مشابه لدلك الشخص
المهم تكون فعالة و هادفة وعلى العموم قل من لا يخطئ قادر واحد ما يصليش لكن عندو قلب طيب خبرة في الحياة و نظرة ثاقبة تخلينا ناخدو برايه ​

 

[فارس الروح]

رد: تقبلوا النصيحة من اي واحد......‼

اللي ينصح لازم ميكونش ينصح بنصيحة وهو يعمل عكسها
لا تنه عن خلق وتأتي مثله ... عار عليك إذا فعلت عظيم
​

 

[adel-mz]

رد: تقبلوا النصيحة من اي واحد......‼

سلام
تقبلي النصيحة بالاقوال ولا تنظري الى الافعال ,
شكرا

 

[القطة الزهرية]

رد: تقبلوا النصيحة من اي واحد......‼

سلام عليكم
النصيحة انا نتقبلها سواء من واحد مطبقها ولا لالا مثال وحدة متبرجة تقنعني ندير الحجاب هي كي تنصحني رايحة تنصحني بحوايج في راسها وتفكر بيهم بلاك هي ما عندهاش الجرأة باه ادير الحجاب وخايفة مي كي تشوفني انا درتو تولي ديرني قدوة انا نقولهالك انا كي يعطيني نصيحة اي شخص نخمم بالمنطق ونتأكد لكان صحيحة ونطبقها بغض النظر على العبد الي نصحني

 

[ريانة]

رد: تقبلوا النصيحة من اي واحد......‼

أنا من رايي النصيحة نقبلها من عند أي واحد كيما كاين بزاف أعضاء جاوبو وهداك رايي تاني يقدر واحد يكون غالط وميحبش الناس لي يحبهم يغلطو كيفو أنا عن نفسي حبست لقراية في الثانوي وفي الوقت الحالي لي نلقاه ننصحو ما يسلمش في قرايتو . وحاجة وحد أخرى أنا بلاك ساعات نغلط مي منحبش ناس بزاف يغلطو كيما قلتي انت مثلا واحد يدخن ويدير جمعية لا للتدخين وعلاش لا ؟ ادا كان هو علابالو غالط 100/100 ميحبش ناس وحد أخرين يغلطو. في هاد الدنيا كل واحد وظروفو حتى لو أنو يغلط inposible يكون فرحان بروحو مي واحد ما يقدر يحس بيه علبيها ما يحبش الناس يديرو واش يدير تلقاي واحد يسرق مي كون يشوف طفل صغير يسرق يضربو ولا يعطيه واش حتاج ويقولو ما تزيدش تعاود خمي في هادي علاه دارها .

 

[jojo jija]

رد: تقبلوا النصيحة من اي واحد......‼

وي كاينة صح ماشي كيفكيف
واحد ينصحك وهو خدم بيها
و واحد ينصح وهو ماهوش خادم بالنصيحة
شكرا على الموضوع يا رائعة

 

[فاطمة كول]

رد: تقبلوا النصيحة من اي واحد......‼

انا من وجهة نظري النصيحة نديها من عند واحد عندو الخبرة بالتجربة
و في الاغلب ناخذها من عند والديا

 

[السلطانة]

رد: تقبلوا النصيحة من اي واحد......‼

وعليكم السلام
نقبل النصيحة كي تعود في وقتها
ومن شخص أهل ليها
ومنتقبلهاش من واحد هو بعد يحتاجها
حسب الحالة النفسية قادرة نتقبلها وقادرة نو
مواضيعك هايلين ياوصال
يعطيك الصحة
​

 

[وصال]

رد: تقبلوا النصيحة من اي واحد......‼

وافقت على الموضوع

شكرا جزيلا على قبول الموضوع

 

[وصال]

رد: تقبلوا النصيحة من اي واحد......‼

شكرااااااااااااااا

العفو لاشكر على واجب

سلام تاكدي انه النصيحة غالبا لا تتاتي من شخص تصرفه مشابه لدلك الشخص
المهم تكون فعالة و هادفة وعلى العموم قل من لا يخطئ قادر واحد ما يصليش لكن عندو قلب طيب خبرة في الحياة و نظرة ثاقبة تخلينا ناخدو برايه ​

هي حقيقة ديفوا تلقاي هذا الشخص لي تحكي عليه بصح ماشي كامل الناس تقدر تاخذ بنصيحتو ،في العموم ان فاقد الشئ لا يعطيه لكن ليس مستحيل لانه الحكمة في بعض الاحيان تؤخذ من افواه المجانين .
شكرا على المشاركة في النقاش .

اللي ينصح لازم ميكونش ينصح بنصيحة وهو يعمل عكسها
لا تنه عن خلق وتأتي مثله ... عار عليك إذا فعلت عظيم
​

الكثير من الناس يرون هذا الذي قلته ، وصراحة النصيحة تتاثر بالناصح في رايي الشخصي .
شكرا على المناقشة باركك الله .

سلام
تقبلي النصيحة بالاقوال ولا تنظري الى الافعال ,
شكرا

بالنسبة لي بالرغم من انه النصيحة تتاثر كما قلت سابقا لكن صدقني اي انسان يعطيني نصيحة تؤثر فيا وتجعلني اعيد الحسابات ليس لدي اي مشكل في طبيعة الناصح ، وصراحة انا لوكان انسان ميحبلكش الخير جامي ويلا ينصحك ولا يفوقك في هفواتك بالعكس يخليك تكمل في الهاوية .
شكرا جزيلا على المشاركة في النقاش .

سلام عليكم
النصيحة انا نتقبلها سواء من واحد مطبقها ولا لالا مثال وحدة متبرجة تقنعني ندير الحجاب هي كي تنصحني رايحة تنصحني بحوايج في راسها وتفكر بيهم بلاك هي ما عندهاش الجرأة باه ادير الحجاب وخايفة مي كي تشوفني انا درتو تولي ديرني قدوة انا نقولهالك انا كي يعطيني نصيحة اي شخص نخمم بالمنطق ونتأكد لكان صحيحة ونطبقها بغض النظر على العبد الي نصحني

وهذا هو الصح المهم الانسان على الاقل يفيق بلي مرهوش نورمال بالاك يصلح ما يمكن تصليحه ، صحيتي بزاف على المشاركة .

أنا من رايي النصيحة نقبلها من عند أي واحد كيما كاين بزاف أعضاء جاوبو وهداك رايي تاني يقدر واحد يكون غالط وميحبش الناس لي يحبهم يغلطو كيفو أنا عن نفسي حبست لقراية في الثانوي وفي الوقت الحالي لي نلقاه ننصحو ما يسلمش في قرايتو . وحاجة وحد أخرى أنا بلاك ساعات نغلط مي منحبش ناس بزاف يغلطو كيما قلتي انت مثلا واحد يدخن ويدير جمعية لا للتدخين وعلاش لا ؟ ادا كان هو علابالو غالط 100/100 ميحبش ناس وحد أخرين يغلطو. في هاد الدنيا كل واحد وظروفو حتى لو أنو يغلط inposible يكون فرحان بروحو مي واحد ما يقدر يحس بيه علبيها ما يحبش الناس يديرو واش يدير تلقاي واحد يسرق مي كون يشوف طفل صغير يسرق يضربو ولا يعطيه واش حتاج ويقولو ما تزيدش تعاود خمي في هادي علاه دارها .

اختي الكريمة اولا اشكرك على المشاركة في موضوعي .
الموضوع لا يتكلم عن رايي الشخصي لكن عن تساؤلات وكاين بزاف ناس من احتكاكي ليهم يبينو بلي ماشي اي واحد يقدر ينصح وتكون نصيحتو فعالة ، يعني حبيت نقولك يا حصراه لي ينصحو بصح واحد في الالف لي الناس تاخذ برايو ، في ميزك علاش ؟ على خاطر الطريقة مرهيش سوية ، مثلا كيما راكي تقولي سراق دوك راه قدوة حسنة ولا سيئة ؟ قادر التصرف برك يكون نصيحة في حد ذاتو بلا ما انسان يحل فمو ويعطيهالك شفويا ، تحبي الصح كاين ناس تكون في الهاوية ومتخليش ناس واحداخرا تغلط نفس الغلطة ،وهذا اكيد راح ناخذ بنصيحتو
كيما كاين ناس حلال علينا وحرام عليكم فهمتيني واش حبيت نحكي ، يعني ربي قال في القران الكريم
( أتأمرون الناس بالبر وتنسون أنفسكم وأنتم تتلون الكتاب أفلا تعقلون ( 44 ) )

وي كاينة صح ماشي كيفكيف
واحد ينصحك وهو خدم بيها
و واحد ينصح وهو ماهوش خادم بالنصيحة
شكرا على الموضوع يا رائعة

صحيتي بارك الله فيك

لا تنه عن خلق وتأتي مثله عار عليك إذا فعلت عظيم
فابدأ بنفسك فانهها عن غيها فإذا انتهت عنه فأنت حكيم
فهناك يقبل إن وعظت ويقتدى بالقول منك وينفع التعليم ​

انا من وجهة نظري النصيحة نديها من عند واحد عندو الخبرة بالتجربة
و في الاغلب ناخذها من عند والديا

يعني من غير يما وبابا الناس كامل كذابة هي صح ماكانش كيما الوالدين بصح ميمنعش بلي كاين ناس تتقن فن النصح ورايها سديد ما شاء الله .

 

[وصال]

رد: تقبلوا النصيحة من اي واحد......‼

وعليكم السلام
نقبل النصيحة كي تعود في وقتها
ومن شخص أهل ليها
ومنتقبلهاش من واحد هو بعد يحتاجها
حسب الحالة النفسية قادرة نتقبلها وقادرة نو
مواضيعك هايلين ياوصال
يعطيك الصحة
​

صح الحالة النفسية تلعب دور كبير يعني يكون المورال هابطلك ل 0000 يجي واحد يخرب فيك اكيد مرحش تكوني مستعدة للتجاوب الايجابي ، اضعف الايماني تضربيلها بسكتة ههههه.
صحيتي على المشاركة في موضوعي .

مواضيعك هايلين ياوصال
وانت اروع يا غالية

شكككككككككرا.

 

[Only me]

رد: تقبلوا النصيحة من اي واحد......‼

لا أوافقك الرأي غاليتي

مثلا بالنسبة لواحد يدخن ينصحك يقولك ماادخنش ماتقولش اسبق في روحك باسك ممكن يكون هو عارف بلي راه غالط ومش حابك يكوني كيفو هو عارف الضر لي راه فيه مي مش قادر يتجنب ذاك الشي ،،

واحد مايصليش ينصح صاحبو باش يصلي بالاك هو لا حاب صاحب يعاونو على الشي هذا باسك وحدو ماقدرش

لأنا شخصيا نقبل النصيحة اذا كانت تفيدني من اي شخص مهما كانت حالتو لأنو لاخير في قوم لا يتناصحون ولا يقبلون النصيحة

 

[Only me]

رد: تقبلوا النصيحة من اي واحد......‼

يعطيك الصحة وصال على الموضوع تاعك

 

[ريانة]

رد: تقبلوا النصيحة من اي واحد......‼

اختي الكريمة اولا اشكرك على المشاركة في موضوعي .

الموضوع لا يتكلم عن رايي الشخصي لكن عن تساؤلات وكاين بزاف ناس من احتكاكي ليهم يبينو بلي ماشي اي واحد يقدر ينصح وتكون نصيحتو فعالة ، يعني حبيت نقولك يا حصراه لي ينصحو بصح واحد في الالف لي الناس تاخذ برايو ، في ميزك علاش ؟ على خاطر الطريقة مرهيش سوية ، مثلا كيما راكي تقولي سراق دوك راه قدوة حسنة ولا سيئة ؟ قادر التصرف برك يكون نصيحة في حد ذاتو بلا ما انسان يحل فمو ويعطيهالك شفويا ، تحبي الصح كاين ناس تكون في الهاوية ومتخليش ناس واحداخرا تغلط نفس الغلطة ،وهذا اكيد راح ناخذ بنصيحتو
كيما كاين ناس حلال علينا وحرام عليكم فهمتيني واش حبيت نحكي ، يعني ربي قال في القران الكريم
( أتأمرون الناس بالبر وتنسون أنفسكم وأنتم تتلون الكتاب أفلا تعقلون ( 44 ) )

شوفي واش قاتلك ****فاطمة كول أنا ندي النصيحة من عند لي عندو خبرة ****يقدر هداك لي راهو غالط نادم وميحبكش تغلط نفس الغلطة *****شوفي هدوك لي حرقو لعوام لي فاتت واش قالو نهار جوزوهم فالنهارtv قالو ننصحو الشباب يريحو فالبلاد الغربة واعرة ولحرقة حاجة خايبة ***** هادو جربو وmalgre غلطو نصحو بمعنى رانا عندنا عقل ونميزو بين المليحة والخايبة يعني النصيحة الصالحة من عند انسان مهما تكون صيفتو تبينلك انو ماوش حابك تغلط ورايدلك الخير وهدا يبقى رايي الشخصي

 

[Melia azedarach]

رد: تقبلوا النصيحة من اي واحد......‼

أهم شي انو النصيحة تكون ما شي فضيحة قدام الشعب
كاينين اخرين يلعبوها ينصحو ويبهدلو يلي ينصحوه قدام الناس
هذي ما شي مليحة
وثانيك واحد يكون هوا محتاج نفس النصيحة مي يقدمها لغيرو
يا خي اخدم بيها انت

الحق انو احنا شعب منسمعوش للنصيحة ونعتبروها غيرة ... ووووو
لازمنا نبدلو الفكرة جذريا
باه نقدرو نتناصحو​

 

[شيماء شوشوحما]

رد: تقبلوا النصيحة من اي واحد......‼

ايه شكرااااااااااان

 

[miss sihèm]

رد: تقبلوا النصيحة من اي واحد......‼

شوفي الحبيبة كاين لي ماينجمش يحل لي بروبلام تاوعه يتهرب منهم دونك يروح لي بروبلام تاع الناس و تلقيه يحل فيهم نورمال