ماذا ستطبخين اليوم سيدتي انستي الجزء **34 **

[hadda0425]

رد: ماذا ستطبخين اليوم سيدتي انستي الجزء **34 **

سوسو الله يسلمك حبيبتي بصح وش نقولك هذاك الطبق لي يبرق وحدو راه يشهي ويهبل و.. و....و ههههه مليح في لغدا مع شوية كسرة خميرة وقرعة جي القازوز مكلاه ينفخنا هههه يعطيك الصحة
شريفة الله يخليلك الوالدة ويحفظها
ههههههه عجبتني تع يعيش مع اهلو اسناي نبعثو بار بوست
والفزورة- كنت حطاتو حسان وكي شفت الاس بلاك سمير والله اعلم ما شفيتش خانتني الذاكرة هههه -:s
دلول الله يسلمك ختي
ندوشة الله يسلمك يا بنتي حسبتك رقدتي كي عوايدك خخخخ اتري نت تخدمي في القاطو بعد العيد هههه ما تنسايش الصور :d
بصحتكم المقرونة ههههه لوبيا ومقرونة وبرابش كشما زدتي شوية شحيمات خخخخ
تصبحو على خير يا حراير



​

 

[ام منصف]

رد: ماذا ستطبخين اليوم سيدتي انستي الجزء **34 **

ام ندوشة
كنت حابة نصورو لكن للاسف حدث عليه هجوم قبل ما نحوه من على النار
واحد يهز منا وواحد منا انا وقريب ما نلحقش
طلقت الصوارة ونظميت للركب هههههههه
​

 

[ام منصف]

رد: ماذا ستطبخين اليوم سيدتي انستي الجزء **34 **

حدودة راكي في العايلة دوري
حسان خوه
زيدي شوية ضرك تلحقي :p
​

 

[nada242008]

رد: ماذا ستطبخين اليوم سيدتي انستي الجزء **34 **

حدة مازالت ربع ساعة :d ولا ساعتك راقدة
ههههه الخروف اصلا مشيان ههه ماطمعتش فيه خلاص خخخخخخ بصح نبشرك راهي تريقلت لاطاي ماعودتش حابة نزيد احم احم :$
القاطو مش ليا خدمتو لبنت خالي بقالها سمانة وتزيد ..انا ما ناكل قاطو لا قبل ولا بعد العيد ..بعيد عنك تقولني ديابيتيك خخخ
--
سوسو يعطيك الصحة نفس الوصفة لي نديرها في قاطو ما يطيبش بصح عجبني الشكل ومع لي كيسات البيسطاشي زادو فيهم النص ..نعاندك بربي ان شاء الله

 

[nada242008]

رد: ماذا ستطبخين اليوم سيدتي انستي الجزء **34 **

hadda0425
:: عضو بارز ::

آخر نشاط: اليوم 22:49



اشهد يا زمن واشهد يا تاريخ العضوة البارزة حدة رقدت قبلي :d ههههههههه

 

[ام ايناس]

رد: ماذا ستطبخين اليوم سيدتي انستي الجزء **34 **

مشكووورة سوسو انشا الله نجربو يبان هايل البلا مارسي
ددوشة كي تكمليلو الماكياج حطيهولنا وماتحمريهش بزاف ديريلو حاجة خفيفة
ام خدووووج اطباقك روعة يعطيك الصحة وبصحتكم
شريفة كون زدتي شوية كون قعدتي بلا عشا هه العشا مع العايلة ما ينشبعش

​

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

أم خدوجة بصحتكم ^^

نروحو لخالتي بكبوكة

كل واحد كيفاش يستغل الكرشة ولمسارين ورية :d وهاهي طريقتنا لاستغلالهم

هاد العام انا قمت بيها من لحظة الي تنحاو من الخروف الي لحظة طهيها ولكن الماكلة لماليها هههه

ابي قالي جات مليحة يخصها برك شويا ملح ولكن اللهم مسوسة ولا مالحة

هايا نشوفو واش درت

بون احنا عادتنا نقيو الكرشة ونكرطوها مليح ونقلبو لمصارن ورية ونطبخوهم فلماء لمدة خمس دقائق او برك نسلقوهم بالماء ومن بعد نقصوهم طريفين صغار ومادابينا نتخلاو على الشحوم

عندك حبة زرودية + معدنوس + قسبر + رابي توم حسب الرغبة + رابي بصلة كبيرة + ملح +كمون+ فلفل اسود +سكين جبير + طماطم مصبرة + رابي طوماطيشة + زيت + فلفل أحمر +زعفران






نضيفو الحمص



الارز



نقص الكرشة ونعمروها ومن بعد نخيطوها



نديرو الماء فلكوكوط ونضيفو الملح عينك ميزانك كي يحما الماء حطي بكبوكة حتى تتغطى انا خطأ نتاعي كنت ظفت الملح في بكبوكة وماضفتش فالماء صافي الملح الي كان داخل البكبوكة خرج للماء وكي يغلى الماء مليح تقبيها فالفرشيطة باش يدخلها طياب



وهادي هي النتيجة





واش رايكم راني شويا شويا نتعلم

امي ماكانتش معايا باش تنصحني في اخطآئي


​

 

[nada242008]

رد: ماذا ستطبخين اليوم سيدتي انستي الجزء **34 **

هايلة سوسو منظرها يشهي اممممممممممممممم شطورة
بصح حنا لبكبوكة هي المصارن ولكرشة طايبين في صوص حمرا خاثرة شوي
والعصبانة هي لي درتيها نتي مع بعض الاختلافات ..حنا منكرطولهاش نخلوها كيما راهي نغسلوها مليح برك بشوي جافال ههه نكرطو غير ريسان ولادنا ههههه

 

[بوح المشاعر]

رد: ماذا ستطبخين اليوم سيدتي انستي الجزء **34 **

مساآآآآآآآآآآآآآآآآآآآآآء الخيرات
قبل كل شيء نقولك صح عيدكم كل عام وانت بخير وينعاد عليكم بالخير والصحة
راني فوق الروطآآآآآآآآآآآآآآآر بزاف مي الله غالب والله غير راني مشغولة
بزاف تخلطت عليا خلاص و الوقت مكانش خلاص
المهم واش راكم والله ليكم وحشة كبييييرة كبيرة في قلبي كل وحدة باسمها
قاع توحشتكم يآآسر ياسر يالغاليات ان شاء الله تكونوا بخير وفوتو عيد مليح
وكليتو اللحم والشواء بيا
ياعمري ياعمري على ذوك الزنييييييييين بوسة كبيرة ليهم واحد واحد
ادم و الهندية ربي يحفظهم ادم كي كان صغير جابوني ماشاء الله عليه او يشبهلهم احدة
و ندوشة الزينة ورائيدو ياقلبي عليه خموس وجبرين
الملايكة لي دايرة لحنة ياعيوني ربي يصونها
ويحميها مبروك عليك اختي ابتسام تتربى في عزكم
ان شاء الله اسمحولي طولت عليك
واختي روعة الغالية تاني نقولها مبروك عليك عارفة بلي طولت
بزاااف يتربى في عزكم واش راكي حبوبة ان شاء الله تكوني بخير والبيبي تانا
و منصف ماشاء الله عليه كبر ولا راجل بسلامته
اختي ام ندى وام منصف و حاملة المسك و ابتسام و سميرة وحدة وندى الورود
وروعة و شهرة حبوبتي كي راكي ان شاء الله
تكوني بخير وميمي الحلوة الزينة وعفاف الجزآئرية
ميس سوسو حبوبة لي بدلت اسمها عيدك مبروك
واختي ام ايناس و الغالية روز وحلوة وينها ميش تبان
شفت غير شوي صفحات الاخيريين وماسمعتش حسها
ان شاء الله تكون بخير الحلوة
سانديرلا زماني و اختي ام خديجة و سمورة و ايمان حبوبة
كامل نقولكم عيد سعيد ينعاد عليكم بالخير والهناء بصحتكم
الدوارة والكبدة والمشاوي و البوزلوف والعصبان
وكي لعادة اطباقكم كامل ماشاء الله
في القمة القمة شيفات كلكم ماشاء الله
ان شاء الله مانكونش نسيت وحدة والله القائمة طويلة و الاسماء بزاف
ميش حابة ننسى وحدة ولا تزعف مني باسك الكل الكل نعزكم
ونحبكم وتوحشتكم مي الله غالب
اختي راجية العفو نقولها ربي يهنيك وبالبراكة عليك زواج الهناء ان شاء الله
لعقوبة لكل العازبات ياآآرب وربي يفرح كل قلب بلي يتمناها
الرد تاعي مخلط دخلت كل شيء في بعضاه معايدة وتباريك
مي معليش اسمحولي
الكل الكل ناجميكم في قلبي
ونقولكم بصحتكم كل شيء وبصحتكم القغدات العائلية و الفرحة وربي يدومها
الفرحة والهناء علينا وعليكم
والله لي نسيت اسمخا تسمحلي بزاااف
بزااااااااف ميش عمدا برك الذاكرة راهي مخلطة

​

 

[imane27]

رد: ماذا ستطبخين اليوم سيدتي انستي الجزء **34 **

صح عشاكم لبنات
اممممممممممم راكم شهيتونى هدا عصبان وشوا الله الله راكم زاهين
بصحتكم
ندى انتى لسا صاحيا يلهوى​

 

[prncess fifi]

رد: ماذا ستطبخين اليوم سيدتي انستي الجزء **34 **

صباح الخير عليكم لبنات
جيت متاخرة مي معليش نعايد عليكم
عيدكم بالصحة والهنا كامل ويعطيكم الصحة على الاطباق يا شاطرات
حنا جوزناه العيد في لي صال سامممممممممممط يقتل والكبش مايعطونا لادوارة لابوزلوف شكون تبعتلي عصبانة ههههه
تهلاو فروحكم وربي يهنيكم كامل​

 

[روعة2005]

رد: ماذا ستطبخين اليوم سيدتي انستي الجزء **34 **

صباحو رايق وفايق على اللماويات
صراحة راجعت واستمتعت بصح والا نسيت حاجة ولا حويجة العتب ع الزهايمر هيهيهيه
المهم نبدا باحباب الله ندوشة القمر تاعنا وبنت اللمة راهي معانا تجووور ونموتو فيها ربي يحميها ورائد الزينوش بصحتو التحفيفة صراحة انا في عيني كان بشعورو احلى واحلى رغم انو مزالو امووور
و نزيد نروح الادومي الزين الله يبارك عليه يهبل ان كان عربي ولا هندي ربي يصون
ومنصف تاعنا ولا رويجل تبارك الله ربي يصون وندوشة راهي مركزة مع النار يادرى فاش كانت تخمم ههههه
نرجع لطيباتكم سمورة الله يبارك جبتي الخمير والخير كلو بصحتكم لحبيبة
سميرة اطباق تشهي بصحتكم الحبيبة
حدة الاطباق هاايلة تاعك كانت ولا تاع مرت خوك واللي عجبني الحق تقريرك والله نقرا ونستمتع وحابة غير نعرف نهاية الجاجة وعروستكم خخخخخخ عرضة مقيومة لحبيبة تبارك الله عليك
لويزة قاطوات هايليت عجبني الكروكي يبان مقررررمش روعة
دليلة يادلولة والله ليك وحشة قد هكااااك الحمد على سلامتك وتحية ليك ووليداتك وبصحتك الشخشوخة
عفوفتنا 28 الله يبارك لفاميلتك ولعقوبة ليك لحبيبة كلش هايل وشخشوتكم تباااان هااايلة
شهرا الزينة طيابكم اكل ممممممم والبيني يمي يمي هاااايلين بزاف لازم نجربهم
ام خديجة طيباتك بكل روعة والتحليات توعك يقتلوني عندك فيهم لمسة فنانة ممممممممم
فريدة لحبيبة بصحتكم التحويسة وان شاء الله نحطلك الوصفة قريبا راهي تاع الاخت لينا ممممم تجي هايلة بزاف
عفوفة ام ندوشة كي لولو كي ميمي هههدلع مقرونة يهبلو من يديك واش نحب طيابك وبصحتك الصابلي ًسلميلي على عروس الزيبان وقلها توحشتك عمرك باغية نشوفك خخخخخ
بسومة الغالية طيابك فوووووور ياسر لحبيبة بصحة والهنا وبوسة مني لمريومة
روز حبيبتي شخشوختك مممممم والمسمن صح شفاف تاع سميد ولا فرينة راكي حررررررة الله يبارك والشواء تاعك دارلي عقدة فن كبير جمال وبنة مممممم وتصويرك ممتااااااز
شريفة الغالية هلا ةغلا توحشتك يالالة طيبات فوووور وبصحتكم الشواء ع الجمر
رغووود حبيبة القلب وشكون ميحبكش يارغد الوزان خخخخخخ والله كنت نعم الاخت وانا نقرا كنت نلقى سؤالك عني دايما وعلى الغايبات بارك الله فيك ياطيبة وطيباتك كانو فووور خص نص الشخشوخة والبربوشة تاع حرة
ندى الورود اهلا بيك وصحا عيدك وربي يفرجها عليك اخيتي
ميس سوسو الطيوبة الحبوبة مممم اجواء عية تهبل عشتها معاك وطيبات في القمة ومبروك لاختك بزيان السعد
ام اروى عاش من ترسك خخخخخخخ توحشتك تحياتي
توحشت الغالية الجميلة بنت سطيف العالي خيرة وينننك ياحبي طلي ان شاء الله تولي لينا
نسيمة اجواء العيد هايلة وان شاء الله تفوتي وقت مليح عند بيت شيخك
سيرين طيبات هاايلين رغم صغر الصور بصح المضمون باين
عيشوش طيبات هايلين وبصحتكم العيد لحبيبة
بلا ما ننسى صديق اللمة الاخ معتز ان شاء الله يكون بخير
ميمي الغالية اين انت ياجميل طل علينا
نور الرحمان وينك حبوبة دهبية صافيناز انيسة ووووووووو وين رحتو

 

[روعة2005]

رد: ماذا ستطبخين اليوم سيدتي انستي الجزء **34 **

الغدا بحول الله نويت على رشته باللحم اول مرة راح نجربها بلحم الغنمي مالفة نطيبها غير بالجاج وتعجبني المرقة البيضاء بيه يادرى كيفاش تجني
وديكونجليت عصير تشينة نروح نسكره
نلتقي مباعد

 

[روعة2005]

رد: ماذا ستطبخين اليوم سيدتي انستي الجزء **34 **

حسينة عيدكاسعد وكل عام وانت بخير ان شاء الله العيد الجاي يجيك هااايل
تحياتي لكل من تدخل بعدي

 

[ام خديجة1]

رد: ماذا ستطبخين اليوم سيدتي انستي الجزء **34 **

صباح الهناء عليكم حباباتي ان شاء الله تكونو اصبحتو بخير اليوم تودرتلي واش نطيبلهم اليوم !!!!!!!!!!!!!!!

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

صباح الانوار
بصحتكم يا خوتاتي واش طيبتوا
دعواتكم ليا بالشفاء راني في حالة من ضهري

 

[حاملـة المسك]

رد: ماذا ستطبخين اليوم سيدتي انستي الجزء **34 **

السلام عليكم
فووور بزاف بنات بلادي رفزيت كلشي مشاء الله
سوسو ولي لاسمك الاول علاه تكمليها على روحك بالتسمية لازمي نفسك بالفال الطيب ترتاحي و نرتاح معاك
مرة غلقت الفيس غير من منشورات لبنات .. منشورات تخلي مورال يسيح مشي غير يتكركر
كماقالت حبيبتي ندى الورود .. ربي يرفع عليك ختي و يسرلك امورك و كل عام و نت بخير
دخلت نعلق على ام منصف كقالت طلقت كلشي و هجمت ههه شبهتكم لجيراني
حنا تاني لونتراج ديالنا اكل شوا في الهواء الطلق و في وسط الاخضرار
و كشواو تعرفي الدنيا مقلوبة غاشي كبير
جيبي الهريسة ..مدرليش الكبدة ..راك حرقتها ..مامااااا ههه وووو..و كلما نقولو تمو تزيد تطلع هجاجة اخرى ديال دخان المهم لمنتصف الليل
جاتني وحدة حبيبتي كسمعت قاتلي محسوب ملمومين بمحبة مشي نصهم نفاق
قتلها الصح في الشوا :d ههههه
مالا نهار جات دالتنا و شوينا نقول لدراري اتعايطو قولو كلمة ديرو انبيونس
تعرفو والوههه.. بنتي في الجعلولة تتمرجح و تصور .. وليدي التنهيدة مكاش
انا نروح و نجي و ديفوا نمروح ..ابو الشباب على قولة ام ناصر لنحييها و نقلها عيدك مبارك و العايلة ..ماحضرش حتان وجدت الميدة
وككنا نشو الدنيا ظلمة و اللحم ميبانش وين وصل في الطياب استعملنا البورتبلات
..كانت اجواء رائعة و كملت عندي كحطيت الصور في اللمة و شاركتكم السهرة حسيت بلي فعلا كنتو معايا... صور لايف و لا احلى من المباشر

العالم قرية صغيرة :-h

العشا كانت بيتزا متبانش قدام ديال ام منصف الغدا لوبية خفيفة غير بالطماطم لا لحم لا غيرو راهي تفور
جبتلكم براج سخونين حلفت يا هد العام ساعة ساعة بربي نطيبو فالحين في البيتزا و التمر لفيه منافع كبيرة تكبرنا عليه
رابور كبير كتبتو .. اتقو لسان الساكت حين يتكلم :s..ساعة ساعة راني ندخل نعلق و الصور انا و النفحة..
سميرة راح نجاميك مقدرتش من الصور الكبيرة و راحت معاك في الطريق حدة :-oهههه :p

صح غدواتكم.​

 

[wedad]

رد: ماذا ستطبخين اليوم سيدتي انستي الجزء **34 **

روعة يا ريت تعطيني و صفة حلوى الطبقات تشهي و مشكورة حبيبتي

 

[ام خديجة1]

رد: ماذا ستطبخين اليوم سيدتي انستي الجزء **34 **

اختي فريدة ربي يشفيك ويعافيك ان شاء الله يبعد عليك المرض
اختي زهرة اي سوسو علاه بدلتي اسمك غاليتي والله الاول كان حطة والثاني علاه راكي خير من الوردة المتفتحة
اختي ندى الورود طلي علينا حبيبتي باذن الله تعالى تروح عليك الغمة غاليتي والله الله عليك يا الزينة ربي يفرج عليك
اختي روعة بصحتكم الرشتة تاكليها بالربح
اختي ام منصف بصحتكم المشاوي وربي يحفطلك الوليدات والوالدة الكريمة
احتي حدة بصحتكم طيابكم يشهي وحكاية مرت خوك الجديدة ربي يسعدها وحدها
اختي عفاف توحشناك طلي عليما
اختي سميرة بصحتكم طيابك يشهي
اختي حاملة المسك بصحتكم المشاوي والبراج هايل
اختي وداد الف مرحبا بيك غاليتي
اختي برانسس بصحتكم وصح عيدكم وكل عام وانت والعائلة الكريمة بالف خير
اختي ام ايناس ربي يحفظك وينورك حبيبتي راني لاباس يسقسي عليك الخير
اختي ابتسام طيابك يشهي ما شاء الله
اختي سماح وينك وكيفك مع الحمل ان شاء الله تكوني لاباس
اختي روز لمساتك رائعة بصحتكم
والقائمة طويلة وننتظر عودة اخوات الفناهم معانا هنا وتغيبو علينا ربي يرجعهم على خير
تحياتي للجماعة كامل وتسمحلي كل واحدة ما وضعتش اسمها اسمائكم في القلب منقوشة

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

بوح المشاعر

زينوشة عاش من شافك منورة يالغالية طالة خيبتك اكتر من غيبتي اتمنى يكون خير وصح عيدك وكل عام وانتي بالف خير ينعاد عليكي وعلى جميع المسلمين بالخير والصحة

nada242008

فوفويتي راني عادا نتعلم وجدنا وحدة وزوجناها وخلاتلي بلاصتها باش ندير ستاج مليح هههه
انا حتى لاسومات الي فلخروف مانعرفهمش بشويا بشويا نتعلم
بنسبة لدوارة ممكن سؤال ؟ علاش ماتكرطوهاش ؟

ام ايناس

العفو يالغالية موفقة ان شاء الله في التجربة ^_^

روعة2005

اوووه عييت بلاصتك كتبتي براقراف كبير قالك لا تتجاوزي 8 اسطر :d
الحمد لله على رجعتك بالسلامة لينا ختيتي منورة الركن بتواجدك وباطباقك الجميلة بالصحة والهنا والله يديمك لينا ولاحبابك ياربي

حاملـة المسك

رغود حبوبة راني نسالك 3 حبات حقي مانتسايش راكي دايرة بزاف

ام خديجة1

هلا بختيتي ام خدوجة منوره بتواجدك وأطباقك المتنوعة والكثيرة :-r

بالنسبة لإسمي خلاص لعيونكم راني رجعت النظر في القضية وطالبت بتغيير الإسم :d

والله يسلمكم وينوركم ويعطيكم على قد نياتكم ^____^

تحياتي للجميع

حتى أنا كتبت نص إشهاري :p
​