ماذا ستطبخين اليوم سيدتي انستي الجزء **34 **

[SAMIRA25]

رد: ماذا ستطبخين اليوم سيدتي انستي الجزء **34 **

حالياً الأعضاء النشيطين الذين يشاهدون هذا الموضوع : 3 (1 عضو و 2 ضيف) ‏SAMIRA25https://www.4algeria.com/forum/members/141047/
صباح الخير عليكم
واينكم لبنات راكم توجدو في السكاكين؟؟؟؟ و الا الحلويات ؟؟؟​

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

زهرة بلا اوراق انا نشتي نعيطلك سوسو الحمد لله على شفاء الوالد ربي يحفظهولكم ومبروك زواج اختك حلويات روووعة والعشا هايل لعقوبة ليك ان شاء الله

هلا وغلا بالغاية منوره بيتك من جديد انتي والحاضرين حياكي الله

ايه القسم راه يعاني مسكين المطبخ لازمو حكة وقليع لخبال الرتيلة سكناته

الله يسلمك ويخليك يالغالية ويشفي جميع المرضى يارب

يعطيك الصحة ختيتي

بصحاتكم جميعا
​

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

‏روز

تحية كبيييييييييييييييرة لختيتي روز
منورة والله احوالك يالغالية
واش رايك تسيقي معايا المطبخ
وهومان يمسحو لغبرة
​

 

[ziassia]

رد: ماذا ستطبخين اليوم سيدتي انستي الجزء **34 **

سلااام
صباح الخيير عليكم
من فضلكن شكون عندها الوصفة نتاع كعيكعات الورد لي دارتهم في قناة سميرة

 

[ام ايناس]

رد: ماذا ستطبخين اليوم سيدتي انستي الجزء **34 **

السلام عليكم لبنات واش احوالكم انشا الله بخير وبصحتكم واش فطرتو
زياسيا دوك نشوفلك ايلا لقيتها نمدلك الوصفة

​

 

[ziassia]

رد: ماذا ستطبخين اليوم سيدتي انستي الجزء **34 **

السلام عليكم لبنات واش احوالكم انشا الله بخير وبصحتكم واش فطرتو
زياسيا دوك نشوفلك ايلا لقيتها نمدلك الوصفة

​

اووك تعيشي

 

[ام ايناس]

رد: ماذا ستطبخين اليوم سيدتي انستي الجزء **34 **

زياسيا راني غير نحوس ماخرجليش متاكدة من العنوان نتاعو

 

[روز]

رد: ماذا ستطبخين اليوم سيدتي انستي الجزء **34 **

‏روز​

تحية كبيييييييييييييييرة لختيتي روز
منورة والله احوالك يالغالية
واش رايك تسيقي معايا المطبخ
وهومان يمسحو لغبرة ​

خلاص ..مشات هههه
يادرا نسيتي تصاور لي وصيتك عليهم ولا لالا ؟

انا اليوم بر كملت القاطو وكملت الميناج خدمت حوايج خفاف
راكم عارفين مايلزمش نكثرو السكاكر واللحوم حفاظا على الصحة والقوام :-h
غدوة يوم عرفة ماتنساوش تصيموه

تحياتي للبنات كاملين يعطيكم الصحة راني نسنى في قاطوكم بفارغ الصبر :-r

 

[samah06]

رد: ماذا ستطبخين اليوم سيدتي انستي الجزء **34 **

مساء النور على الغوالي
واش راكم حباباتي
واش بينا لبنات بدلنا العتبة ومازلنا حابسين في الهبطة تبانلي كاش عقاقر واعرين بخرولنا بيهم
عموما يعطيكم الصحة وكاش ميعنات في الكوزينة را ني مستعدة نغسلهم
والله ياسميرة اختي انا درك نحيت يديا من طياب القاطو تاعي
كنت مع الثريدة عليها ما تشوفونيش خلصتها ولميتها ورجعت للقاطو وغدا نمضيو السكاكين والشواقر انا عندي منشار تاع اللحم مانستعملش الشاقور اللحم كي نقسمو بالمنشار ما يكونوش فيه العضام ومنضطوش نصفي المرق تاعو
هيا لبنات انوض لداري تعيط عليا وانتم اتهلاو في رواحكم وفي الكوزينة
وصحى عيدكم انتم وعايلاتكم الكبير والصغير دون ان انسى اصغر عضو معانا وانا قلبتها عضوة مع ماماها وهي مريومة الصغيورة بنت بسومة الغالية

 

[imane27]

رد: ماذا ستطبخين اليوم سيدتي انستي الجزء **34 **

السلام عليكم لبنات واش راكم كاش توجاد للعيد
يعطيكم الصحة على ما قدمتوه
اهلا ندى نورتى دارك من جديد
انا كونت مشغولة هاد ليومين درت كروكى وغربية ومعولة على مقرود غدوا انشاء الله
تعب شغل ميخلاصش
ولعشاء لبارح درت بركوكس
حامى يرقص على قولة فريدة لى توحشنا نشوفو طيابها​

 

[samah06]

رد: ماذا ستطبخين اليوم سيدتي انستي الجزء **34 **

والله العظيم عندك الحق لويزة الدار مثلها مثل الغولة تحبك دايما واقفا سيرتو اللي عندها الاولاد الصغار
انا ثاني شيطتني الدار
وبصحتكالكروكي ولغريبية والمقروض وثاني العيش اللي يرقص
باللمناسبة تعرفي ترقصي والا زيي الشطحا في راسي كون عرفوها رجليا ههههههههههههههههههه
انا درت غريبية اللبلاتي ومقروض الترك وثاني قاطو مولات السليكون وقلت غدوا اذا كملت التسياق بكري نزيد شويا مقرقشات
والبراكة انا راني ضد عيد اللحم ما نديرش القاطو
واذا جاوك ضياف وقت القهوة راح نحلف عليهم يشربوها بطرف لحم هذه فكرتي ومنعرف
ومنحتش سينيتي تاع القهوة تكون اقل من 3 انواع قاطو

 

[الاوركيد الزرقاء]

رد: ماذا ستطبخين اليوم سيدتي انستي الجزء **34 **

وااااااو يميميميميمي
سخفتوني يا جماعة
ميرسي طبخات روعة
شكرا للجميع

 

[sousou david]

رد: ماذا ستطبخين اليوم سيدتي انستي الجزء **34 **

يعطيكم الصحة يا الفحلات على الماكلات اللى درتوها
تاكلو بالصحة و الهنا
و صح عيدكم كااااااااامل
و ربى يقبل صيامنا انشاء الله غدوا
وربى يعينا على الخدمة تاع نهار العيد
​

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

مساء الخيرات
بصحتكم حباباتي الحلويات الي خدمتوهم و الميناج اللي درتوه الدنيا هدي غير شقى و تعب
لويزة ربي يحفضك يا اختي شاندير حكم القوي على الضعيف محبش يصنعلي صوارتي راني صابرة حتى يفرجها ربي وببصحتك بركوكس حامي يرقص
روزيتا واش راكي بصحتك الحلويات
وين راهم باقي لبنات وقيلة اليوم م الكوزينة مخرجوش
اليوم صبحت على الميناج مكملتش حتى لزوج نتاع لعشية الغداء درتلهم شربة و تورت و لميت الحلوى
بصح رانا في مشكل كبري نت الماء العين راهي قليلة ياسر
قولوا مزيا راني رايحة ندبح عند خويا
تحياتي للجميع

 

[nour inasse]

رد: ماذا ستطبخين اليوم سيدتي انستي الجزء **34 **

مساء الخيرااات ماشاء الله عليكم كلشب بالطبع
الصباح خرجت شريت شوي حوايج كانو ناقصيني للقاطوا ولغذاء سباقيتي


زووووووووووووم للتعذيب ههههههههههههه

هذي ماصبرتش باه نذوووق مممممم


وهذي صور حصرية للصابلي نتاع اماني في طور الانجاز هههههههههههه

هنا درتلو النيستلي راهو ينشف




هذي زوووم للتعذيب والله جاني رووووووووووووووووعة

وهذي غريبية ام كوثر صارة اختي عجبتها كيما درتها هذيك النهار واليوم انا نخدم قاتلي ديريلنا منها قتلها مايكفينيش الوقت مالا كيما جيت لعشية لقيتها دارت شويييييييي

وهذا بساط الريح

 

[nada242008]

رد: ماذا ستطبخين اليوم سيدتي انستي الجزء **34 **

مساء الخير جيت نقرعج ليل ليل هههه
هذا وين قعدت مع هرج لولاد وقضية الدار لي ما تفضش
زاد جابلي الزيتون حصلت فيه ورائد يلاوح بيه وندى المخلوقة هازة ساشي وتلم :d
كملتو ودرت القطايف وخليتها تشرب عسلها بقالي شوي لوز قلت لا كفاني الوقت غدوة نزيد كشما ندير بيه والله القاطوات مشكلة عندي ماكانش لي ياكلهم في الدار تغيضني نطيب ويقعدو
وراني مدايرة بروغرام كبير لغدوة ان شاء الله ميناج وتوجاد ونطيب خبز الدار للعيد و تدواش لولاد ووو ربي يقدرنا ان شاء الله
للغدا ليوم درت فريت اوملات وسلاطة
ربي يعينكم جميعا تصبحوا على خير
لبيك اللهم لبيك .. لبيك لا شريك لك لبيك .. ان الحمد والنعمة لك والملك لا شريك لك

 

[حاملـة المسك]

رد: ماذا ستطبخين اليوم سيدتي انستي الجزء **34 **

السلام عليكم
وشراكم لبنات ان شاء الله في خير و صحة و عافية
ابتسام روعة وشراكم ..بوسة لمريم و ناصر
سوسو نتمنى الوالد ريح شويا ..
راكي تغلطي في روحك بزهور بلا اوراق.. انظري لحالك و شوفي راكي تاكلي تسمعي تشوفي تمشي ..؟ يعني راكي حية
باقي الامور ربي يفرج استعيني بالدعاء هو يكفيك
عفاف المسيلية ديفوا ندخل نطل نصيبك مكاش وش نقلك ختي الله يسر امورك و يفتحها في وجك
فريدة ختي وشراكي خف عليك الضغط شويا .. يلاااا كوراج
امنيتي طلي اليوم و شاركينا بالتكبيرة و ينعاد عليك بالخير
باقي البنات ام منصف روز نسرين لولا ... الجمييييييع نهاركم مبروك .

الحلوة مكسرتش راسي كروكي و صابلي النوتيلا لندى الورود شحال من حبة تكسرتلي من الهشوشا
مقادير ناجحة :up: الكمية نقصتلي مالا زدت مقروط الجلجلان مخلط بشويا لوز
و اكييييد بربي غد او بعد غد نشارك بالصور

تقبل الله صيام الجميع و غفر الله لنا و لكم.


لبيك اللهم لبيك
لبيك لا شريك لك لبيك
إن الحمد و النعمة لك والملك
لا شريك لك.
​

 

[shahrazad]

رد: ماذا ستطبخين اليوم سيدتي انستي الجزء **34 **

صباااااح الخييير عليكم
صبحت مع التبعبيع تع لكباش هههه

زوزو امواااح :love01:
مع دخلت قابلتني رغووود وشراكي والله ليك وحشة
يعطيكم الصحة كامل لبنات حلويلات هايلة نور الايناس
ربي يقدركم ان شاء الله اليوم رانا مع الميناج كيما قالت ندوشة ربي يعنيكم سيرتو نتوما الي عندكم ولاد صغار
البارح درت غريبية وقاطو اسبانيول راهو فالفريجيدار والله يا ام ندى رانا كيف كيف حنا تاني فالدار مايكلوش كيفاه القاطو غير انا ويما شوية يعني نديرو لضياف الي يطلو وخلاص
واليوم ان شاء الله راني مع الميناج و نوجدو لفطور لعشية وتاني صوالح تع العيد غدوة
مادابينا اليوم كامل الغاليات يطلو علينا
ربي يتقبل منا ومنكم الصيام ان شاء الله
لبيك اللهم لبيك لبيك لا شريك لك لبيك ان الحمد ونعمة لك والملك لا شريك لك

​

 

[عفاف الجزائرية]

رد: ماذا ستطبخين اليوم سيدتي انستي الجزء **34 **

صباحكم مربع كيما راهم كباشكم مربعين
ان شاله راكم بخير ربي يكون في العون مع الي راهم مع الميناج والقاطو والتدواش نتاع الاولاد ونتاع الدار
هاذا وين كملت الميناج وحطيت الفراشات والريدوات وستيكيت الحالة
درك ننصب الفطور ونروحنستيكي روحي عند الحفافة يخي يقولو اعطي لدارك هدة واعطي لراسك شدة الهدة نتاع الدار كملتها مازال الشدة نتاع الراس
القواطو درك غريبية وبلاطو بسبوسة ما ياكلوش في الدار سيرتو كي عاد العيد نتاع اللحم يعني نحطهم كشمن يجي برك مع شوي قهوة ولا اتاي
نتلاقاو من بعد مع صورة الخرفان نتاوعنا من بعد كي تقعدو كل واحدة تصورلنا خروفهم نشوفوه خلي نزهيو شوي الموضوع
من بعد اذا كنا منا لحيين
رغود ليك وحشة اقسم بالله ربي عالم بيها الحمد لله كي سعمت كتيبتك:d
​

 

[nassima 87]

رد: ماذا ستطبخين اليوم سيدتي انستي الجزء **34 **

السلام عليكم صورة من عندي لجميع الصائمين تقبل الله منا ان شاء الله