ماذا ستطبخين اليوم سيدتي انستي الجزء **34 **

[ام ايناس]

رد: ماذا ستطبخين اليوم سيدتي انستي الجزء **34 **

الله يسلمكم لبنات ههه راهم تحطو واخيرا ومازالو كي نقعد نحطهم
سوسو وصلني بخير هههه
​

 

[ibtesem]

رد: ماذا ستطبخين اليوم سيدتي انستي الجزء **34 **

omhaneen اهلا اهلا زارتنا البراكة واش راكي
​

 

[ام ايناس]

رد: ماذا ستطبخين اليوم سيدتي انستي الجزء **34 **

وهادا العشا نتاع النهار اللول شوينا لي ستاك وسلاطة وشوفلور كان باقيلي

وهادا الفطور نتاع النهار التاني درت طعام
واحد نتاعنا وواحد مديتو مع الطعام

​

 

[ام ايناس]

رد: ماذا ستطبخين اليوم سيدتي انستي الجزء **34 **

لبنات وينكم انا حطيتلكم وقعدت ناكل وخدي ايا راكم معروضين كااامل وين راكم
​

 

[ibtesem]

رد: ماذا ستطبخين اليوم سيدتي انستي الجزء **34 **

راني جيت انوس نتعشا بصحتكم يالفحلة

 

[انريس]

رد: ماذا ستطبخين اليوم سيدتي انستي الجزء **34 **

انا والله غير راكم قتلتوني بالسخفة ماكلتكم تهبل و حكاياتكم ثاني هايلين وليتو كيما دار وحدة
انا خانتني الكاميرا نتاعي فسدلها الشارجور راني غير نشوف بالعين و تيليفوني داهلي راجلي و جابلي واحد شينوي مايصور مليح ما والو تصاورو فلو هذا كامل باه منحيلوش تيليفوني و كي يدخل للدار يبدا ياكل طول مايخلينيش نصور وقيلا صدعتكم بحكاياتي
غدوا نشاءالله نشري شارجور للكاميرا و نعرض حباباتي راكم:up::up::up::up:

 

[ام ايناس]

رد: ماذا ستطبخين اليوم سيدتي انستي الجزء **34 **

مرحبا بيك بسوم النهار تاع الصح لي جي ليا للدار ونديرلك واش تحبي
انريس مرحبا بيك انا تاني البورتابل هبلني في النهار يخرجو لي فوتو هايلين وفي الليل فلو رانا نسناو في العرضة :d
​

 

[انريس]

رد: ماذا ستطبخين اليوم سيدتي انستي الجزء **34 **

لازم لازم نديرلكم عرضة ولا عرضات نريقلي المشكل تاع الكاميرا برك و تعودو كل يوم في داري:d وشنهي كاين مشكل ضغير انا ندير غير العشا راجلي ما يروحش وقت الغدا و انا خدمتي قريبة لبيت بابا نروح نتغدا عندهم نهار الجمعة و السبت برك ندير الغدا كيما الناس

 

[ام ايناس]

رد: ماذا ستطبخين اليوم سيدتي انستي الجزء **34 **

ههههه انريس ما تخميش مانجوش الصباح نجو غير العشية ههههههههه :d الوقت لي تقدري صوري المهم نكونو مع بعضانا
​

 

[انريس]

رد: ماذا ستطبخين اليوم سيدتي انستي الجزء **34 **

علااااااااااااااااه انا كن نعرف بلي تجيوني صح نحللكم داري ليل و نهار ماشي خسارة فيكم ارواحو في كل وقت مرحباااااااااااااااااا بيكم حبيباتي

 

[shahrazad]

رد: ماذا ستطبخين اليوم سيدتي انستي الجزء **34 **

مسااء النوور
وشراكم
الله يبارك عليكم راكم فووووور
والله يالبنات كلشي يشهي وبالطبع
ماقدرتش ندير جرنان التعليقات سامحوني ههه
نعلق على
انريس مرحبا بيك حنونة مرسي على كلامك وان شاء الله تشاركينا ونتعرفو عليك وعلى طيابك :regards01:
ام انوس واخييييرا راكي تحطينا طيابك كيما بكري امممم يالفحلة كلشي هايل وراني جايا دوك تلقايني عند الباب
ميس سوسو تحويسة تغيييير تغييير فوور بصحتكم ويعطيك الصحة على الجاست تاعك وانتي اسمك مكتوب في قلوبنا
رغووود حنا القهوة تع لعشية مقدسة بمعنى الكلمة يعني نديرولها قعدة ههه على هاديك ديما معاها حاجة كيما قلتي اضعف الايمان خبز محمص مع الزبدة اممم سيرتو وقت الشتا
تحية مسائية الي راهم التحت اعضاء وزوار والي بزوج عيون والي بنص عين :d
ليلة سعيدة
​

 

[ام ايناس]

رد: ماذا ستطبخين اليوم سيدتي انستي الجزء **34 **

ربي يخليك انريس غير كلي جينا وكلينا عندك
​

 

[ام ايناس]

رد: ماذا ستطبخين اليوم سيدتي انستي الجزء **34 **

اممم شكون رايحة دقدق شهرورة راني فتحتو وقاعدة عند الباب نسنا مرحبا بيك في كل وقت حنونة
​

 

[hasna23]

رد: ماذا ستطبخين اليوم سيدتي انستي الجزء **34 **

السلام عليكم صباح الخيرات

بنات لو سمحتوو اعطوني روابط ولا وصفات لحم محمر ف لاكوكوت بسررررعة تعيشو رح نطيبها للغداء​

 

[ام ايناس]

رد: ماذا ستطبخين اليوم سيدتي انستي الجزء **34 **

حسنا هاي ليك الوصفة هادا وين شفتك
حطيهم في كوكوطة ملحيهم وديري مغرف كبيرة خل ماتديري لا زيت لا ما
حطيهم في على نار هادئة المينيموم خليها 20 دقيقة وطلي عليها حتان تلقايه طاب وطلق ليدام تاعو
يجي يذوب في الفم ومافيهش ليدام خلاص
​

 

[hasna23]

رد: ماذا ستطبخين اليوم سيدتي انستي الجزء **34 **

حسنا هاي ليك الوصفة هادا وين شفتك
حطيهم في كوكوطة ملحيهم وديري مغرف كبيرة خل ماتديري لا زيت لا ما
حطيهم في على نار هادئة المينيموم خليها 20 دقيقة وطلي عليها حتان تلقايه طاب وطلق ليدام تاعو
يجي يذوب في الفم ومافيهش ليدام خلاص
​

شكرا اختي العزيزة على الرد .... طيبتو بطريقتي وجاء بنييين وطايب يهبل

 

[hadda0425]

رد: ماذا ستطبخين اليوم سيدتي انستي الجزء **34 **

مساء الحلو والحامض ولمسكر ولمنعنع يعطيكم الصحة يا حرات اللمة
كانت النت مقطوعة عندي
نحطلكم وش خطفت
شخشوخة الظفر

مقرونة بالجبن الطازج

بيتزا لي طيب طير حتى شبعو كي لحقت على القرصة اللخرة صورتها ودرت راي

وهادي لمحبي الهريسة :p

​

 

[أم نيفين]

رد: ماذا ستطبخين اليوم سيدتي انستي الجزء **34 **

السلام عليكم ...صح غاواتكم و يعطيكم الصحة يا حراير كلشي يسخف ممممم ....و الله الوحدة معاكم ماتقدرش دير ريجيم هههه
سلام حار لجميع احبتي .... لي تعرفني و لي مازال ماتعرفنيش هههه ....

 

[nassima 87]

رد: ماذا ستطبخين اليوم سيدتي انستي الجزء **34 **

على السلامة اخت حدا اممم كلش يشهي خصوصا هاديك البيتزا اممممممممممممم :up:

 

[nassima 87]

رد: ماذا ستطبخين اليوم سيدتي انستي الجزء **34 **

السلام عليكم او يعطيكم الصحا على اطباقكم
جبتلكم من عندي عدس او بدنجال محشي بالبيض