سباقيتي باللحم المفروم ، سهلة ولذيذة

[Only me]

السلام عليكم سيدات وأنسات منتدى اللمة رائدات قسم المطبخ الجزائري

ان شاء الله تكونو كامل مهنيات

اليوم جبتلكم وصفة حصرية سهلة ولذيذة

المقادير
- سباقيتي حسب الحاجة
-بصلة مقطعة قطع صغيرة
- لحم مفروم ( زوج بولات ولا 3 )
- 2 بيض مغلي
-ثوم
- ملح ، فلفل أسود وكمون
- كسبر اخضر

الباقيتي تحبي تقطعيها تحبي تخليها طويلة

طريقة التحضير :

نقلي البصل مع التوابل في شوية زيت

وبعد مايتقلى امليح نزيد اللحم المفروم والكسبر

خليه يطيب شوية

تكوني غليتي السباغيتي في الماء والملح ،، قطريها امليح وادهنيها بالزبدة ولا زيت الزيتون

بعد مايطيب اللحم زيديه للسباقيتي ورابيلهم البيض لي غليتيه

وهذا هو الشكل النهائي

في الفوطو ماتبانش تشهي ،،

جربوها وماتندموش ،،

بصحتكم

 

[السلطانة]

رد: سباقيتي باللحم المفروم ، سهلة ولذيذة

وعليكم السلام
يمممم عجبتني الطريقة
وخرجتلك هايلة
يعطيك الصحة حبيبتي
​

 

[Only me]

رد: سباقيتي باللحم المفروم ، سهلة ولذيذة

مارسي حبيتي على المرور الطيب

تقبلي ودي

 

[ام خديجة1]

رد: سباقيتي باللحم المفروم ، سهلة ولذيذة

اممممممممممم جاك يشهي حبيبتي بارك الله فيك

 

[عاصفة الورود]

رد: سباقيتي باللحم المفروم ، سهلة ولذيذة

امممم يعطيك الصحة جاتك روعة
انا من عشاق السباقيتي ان شاء الله نجربها

 

[Only me]

رد: سباقيتي باللحم المفروم ، سهلة ولذيذة

اممممممممممم جاك يشهي حبيبتي بارك الله فيك

يعطيك الصحة أختي على المرور العطر وتشجيعك

موفقة

 

[Only me]

رد: سباقيتي باللحم المفروم ، سهلة ولذيذة

امممم يعطيك الصحة جاتك روعة
انا من عشاق السباقيتي ان شاء الله نجربها

مرسي على مرورك الطيب اختي

ان شاء الله تعجبك

 

[sousou david]

رد: سباقيتي باللحم المفروم ، سهلة ولذيذة

يعطيك الصحة اختى على الطريقة

و حبيت نقترح عليك انك تضيفى حبة طماطم نقيها و ارحيها و ورقة رند و شوية برك تاع طماطم مصبرة و امرقيها بالماء نورمال و خلي اللحم تاعك يطيب و كملى كيما قلتى

و الله العظيم تجى تقتل
و بالصحة انشاء الله
​

 

[Only me]

رد: سباقيتي باللحم المفروم ، سهلة ولذيذة

يعطيك الصحة حبيبتي ،،

لكن حبيت نبعد شوية على لاصوص تومات

مرسي

 

[Bouchra zarat]

رد: سباقيتي باللحم المفروم ، سهلة ولذيذة

mmmmm tchahhhi ya3eti saha 3la hadi oukela

 

[Only me]

رد: سباقيتي باللحم المفروم ، سهلة ولذيذة

merci 7abibti 3la lmorour

 

[كافيري]

رد: سباقيتي باللحم المفروم ، سهلة ولذيذة

ساهل وباين مليح في نفس الوقت
راني نجربو و نردلك بالخبر
شكرا على الوصفة:up:
​

 

[ايمان الهدى]

رد: سباقيتي باللحم المفروم ، سهلة ولذيذة

شكرا اختي على الوصفة الرائعة

 

[أم رزق الله]

رد: سباقيتي باللحم المفروم ، سهلة ولذيذة

يعطيك الصحة اختي طريقة جديدة و تبان خفيفة لواحد يبدل شوية من ليصوص يسلمو يديك

 

[Only me]

رد: سباقيتي باللحم المفروم ، سهلة ولذيذة

شكرا لمروركن غالياتي

تقبلو ودي

 

[samah06]

اممممممممممممم شهتيني مع انا نحب العجاجن ونموت عليهم
يعطيك الصحة