سلام البنات كاش جديد؟
قولولي الجديد فالمارشي هههه دفعت كوارطي ما تلومونيش
ليسونسيال كي العادة والعوايد نروماركي بزاااف حوايج فيما يخص البنات
لي شفتو بززاف انتشار "الجوكر" فالمجتمع
وعيينا نلقاو باتمان يحاربهم ههههه
رايحة نهدر بالمباشر درك
لي قلقني من الأخر هو الفوندوتان
يا سيدي مين ندور نشوف الوجوه مغبرة بالطباشير ولا كيما قال خالي "مرمدوهم فالفرينة"
يا جماعة الخير الفوندوتان ماهيش مخدومة باش نبيضو وجوهنا الهدف تاعها هو إخفاء عيوب البشرة
مثلا لي عندها حب الشباب احمر لازم دير فوندوتان من نفس لون بشرتها برك باش تخبي الحمورة هاديك
والمفهوم الخاطىء لاستعمالاتها هو لي خلاني نكتب الموضوع
الغرض من استعمال الفوندوتان:
الغرض من استعمال الفوندوتان:
إخفاء عيوب الوجه والرقبة وتوحيد لون البشرة
أنواع الفوندوتان:
كاين تلاتة هوما الأكثر استعمالا فدزاير:
La poudre
هي الوخدة الكبيرة للأسف بزاف البنات يغبرو وجوههم بيها بصح الاستعمال الصحيح تاعها يكون بعد وضع الفوندوتان السايلة بالنسبة لصاحبات البشرة الدهنية باش تتشربلهم الزيت لي كاين في هاديك السايلة ولي تفرزو بشرتهم
La mousse
مليحة بزاف خصوصا لصاحبات البشرة الدهنية خاطر تكون ناشفة وما تبانش على الوجه
La crème
مليحة لصاحبات البشرة الجافة خاطر تكون مزيتة وما تتقشرش على الوجه وتخليه طري النهار كامل
كيفية الاستعمال:
- البشرة الجافة ممكن تحطي كريم مرطب سع
- مبعد تحطي شوية فوندوتان على يدك وتغطسي الفرشاة فيها وتبداي توزعي على وجهك بالتساوي مع رقبتك وناحية وذنيك
maron clair- تحكمي فاغاجو
وتحطي في قرون جبهتك وشوية على الذقن وعلى جناب خشمك
باش يجي وجهك منحوت ماشي سبورة مغبرة بالطباشير
- وأخيرا تحطي le fix
ولا البودرة البيضاء هاديك لي تخلي الفوندوتان حاكم بلاصتو وما يسيحش
ماركات الفوندوتان:
من الأفضل استخدام الماركات العالمية الأصلية كيما
Max factor HD
Dior
Mac
Maybelline
وهادو امثلة لمختلف الوان البشرة وطريق توزيع كريم الاساس عليها:
وهادو امثلة لمختلف الوان البشرة وطريق توزيع كريم الاساس عليها:
نتمنى تكونو استفدتو
راجعة نشوف تعليقاتكم
آخر تعديل بواسطة المشرف:
لا تعليق 
