واشكم يا أحبابي أحباب اللمة الجزائرية في كل مكان
وصح عيدكم و تعيدو بالصحة والهنا
بمناسبة العيد الكبير حبيت نغتنم الفرصة ونحكيو شوية على العادات والتقاليد لي محسوب راحت
و قريب تتنحى بالكل
كل شيء تبدل حساب العباد و الوقت كل واحد عاد غير لاهي بدارو و ولادو
الناس نسات صلة الرحم نسات زيارة الأقارب و الأحباب
بكري الواحد مستحيل ما يعيدش على مواليه البعيد منهم قبل القريب
بلا ما ننساو هاذيك الولائم لي يجتمعو عليها الأهل والأقارب في المواسم
كل يوم في دار واحد
تلقا الكبير لي يلم خيوتو وخواتاتو الناس الكل تتلم بالضحكة و الفرحة وكلشي يفوت
اليوم تعكست الدنيا و أصبح الواحد يخاف يطبطبو عليه الباب.
بكري العيد ما يفوتش بلا عيدية للأولاد
يفرحو بيها و يزهاو
وينهيا العيدية ومصروف العيد اليوم
والحنة و نقشها عاد جيل اليوم يحشم بيها
بكري العيد بلا حنة ما يحلاش
يقولو *جدادنا حنيو يحن عليكم ربي *
و ينو الحلو التقليدي نتاع بكري
هذا مقروض و هاذي غريبة الحمص و هذا قاطو المحgن
هذا مقروض و هاذي غريبة الحمص و هذا قاطو المحgن
بنة على بنة
اليوم عادت قاطوات أخرى أشكال و ألوان
وتنحات بهاوة حلو زمان
بكري في الأعياد و المواسم مستحيل تدخل دار ما تشمش فيها ريحة البخور و الند
يا سلام على هاذيك الريحة الزكية الطيبة
وترشيقتو في كانون الطين
وترشيقتو في كانون الطين
بخور يتعمل و يتخلط بيدين جداياتنا الحراير
اليوم راح بخور بكري و ريحتو وراحت الذكريات معاه
يا من درا تشاطروني الراي كي نقول
راحت بنة و زينة الأعياد
وما بقاتش كي عياد بكري
تقبلو تحياتنا نحن أعضاء
آخر تعديل:
