لا احب مصافحة الرجال

[مشكلتي]

انا فتاة، لا احب مصافحة الرجال.. ولكن لدي احد اقاربي ''كبير في السن قليلا'' يجبرني على مصافحته..وانا لا احب ذلك.. واقع في موقف محرج.. فأصافحه.. حتى انه مرة من المرات رفضت ان اصافحه..فكان رده كالآتي'' كي تديري حجة راكي تولي ما تسلميش عليا''..
هنا يوقعني هو في موقف محرج...واخاف عقاب الله تعالى
ماذا اعمل!​

 

[ماكانش]

رد: لا احب مصافحة الرجال

أحسنت بارك الله فيك

يعطيك الصحة المصافحة لا تجوز للرجل والفتاوى منتشرة وكثيرة
بقات الإحراج هذا هوا ألي مايحشمش ماكيش نتي
مالا لازم ماتحشميش منو اطلاقا ولا حاولي اجتانبيه كي يجي ضيف ماتخرجيلوش ولا ماتصافحيش عليه وماتحشميش منو اطلاقا

الحا انك تجتانبيه اطلاقا كي يجي ضيف
​

 

[✿أسيـل✿]

رد: لا احب مصافحة الرجال

خيتي مام أنا مانحبش نصافح الرجـال والله مانحـــب

علاه راكي في موقف محرج قوليلو سلام وخلاص علاه تزيدي تصافحيــــه
​

 

[Ma$Ter]

رد: لا احب مصافحة الرجال

السلام عليكم
اختى اذا كان مش من المحارم تاعك عندك الف حق ان ترفضى مصافحتو
مهما كانت ردت فعلو
ترضى ربى ويسخط العبد احسن من يسخط الله ويرضى العبد
بارك الله فيك اختى
ربى يثبتك


​

 

[الحلم الوردي]

رد: لا احب مصافحة الرجال

الســلآم عليكم
مانحبش نصــآفح الرجــآل
مــآم انا مع الاول كنت
اقع في موقف محرج
مي مع الوقت وليت نقول
السلام وخلاص
مام هما والاو يفهـمو رواحهم
​

 

[la lune rose]

رد: لا احب مصافحة الرجال

عادي مع الوقت يتعود
حتى انا اقاربي يرفضو فكرة الحجاب من غير المحارم خاصة الي قراب مني في السن يعتبرو انو الحجاب او رفض المصافحة تعقيد فبديت اتجنب اللقاء بهم وادا التقينا لاافرط في حجابي مع الوقت تعودوا عليا ورجعت علاقتي بهم عادية وتدكري

( لاطاعة لمخلوق في معصية الخالق ))

 

[ROUAKIMOURAD]

رد: لا احب مصافحة الرجال

انا فتاة، لا احب مصافحة الرجال.. ولكن لدي احد اقاربي ''كبير في السن قليلا'' يجبرني على مصافحته..وانا لا احب ذلك.. واقع في موقف محرج.. فأصافحه.. حتى انه مرة من المرات رفضت ان اصافحه..فكان رده كالآتي'' كي تديري حجة راكي تولي ما تسلميش عليا''..
هنا يوقعني هو في موقف محرج...واخاف عقاب الله تعالى
ماذا اعمل!​

السلام عليكمورحمة الله
اختى المحتشمة من خلا كلامك هذا الرجل قريب من اهلك ويتترد عليكم من اجل الزيارة العائلية الحمد الله على صلة الرحم وربما هو يعرفك منذولدتك وكان يحملك وانت صغيرة (هل هذا الرجل وانا على يقن انو قريب جدا من اهللك لم ياتى الى البيت تكونى انت بلباس شرعى وهل يتكلم معك لم ياتى ) او انك عادى فى البيت بلباس عادى وتحكى معو انت فقط لا تحب المصافحة فقط
المهم انت قالت انوكبير فى السن ومن اهللك
لم ياتى قبلى راسو وبارك الله فبك اختى المحتشمة

 

[imy_amani]

رد: لا احب مصافحة الرجال

السلام عليكم ورحمة الله وبركاته
كنت نتعرض لهاد الموقف كي يجو اولاد خالي
بصح رجعت مانفتحش الباب ليهم
وما ندخلش عليهم حتى يجمعوا
مالا كي يجمعوا ندخل
نقول السلام
واش راكم بخير
ونخرج هاكا ماعادتش عندهم فرصة يطلبوا مصافحتي

مالا ننصحك
ديري كيما هاك

ربي يثبتنا

​

 

[¬Đỉaмơŋđ ✿]

رد: لا احب مصافحة الرجال

السَلآم عليكُم ..


لآ يسْتطيعُ وليسَ لهُ الحقْ في إجبآركِ على مُصآفحتهِ ..
أختِي تقَدري تفهِميهْ باسْلوب ليّن .. أوْ إجِتنبيهْ تفَآديًا لأيّ نوعْ منَ الإحرآج
مآتفْعلينه هو الصوآبْ .. أمآ المُحيطينَ حولكِ بإستمرآركِ على هذَآ النحوْ سيتعَودُون عليكِ ..

رَبي يبآرك فيكِ والله يثبتكْ ويثبتنآ

~
​

 

[SAMIRA25]

رد: لا احب مصافحة الرجال

رانا في مجتمع عانا الكثير من مخلفات الاستعمار و المصافحة من بين هدي المخلفات
ان شاء الله تزول هده الظواهر الدخيلة من مجمعنا و نطبق كتاب الله وسنة رسوله في كل شيء
​

 

[YAHIA S]

رد: لا احب مصافحة الرجال

السلام عليكم

اذا كان رجل قريب من اقاربك اي محرم ليك ليس هناك مشكل

اما اذا كان غير محرم فهذا من حق و جزاكي الله خيرا

لانك حقيقتا انتي صحيحة و ليس هم فلا يجوز ان تسلمي عليه


معكي حق بهذا ولا يهمك كلامه ولا كلام غيره لانك في طريق الصحيح و مستقيم

موفقة باذن الله

 

[محبة الدراسة]

رد: لا احب مصافحة الرجال

انا تاني كيفك ما نحبش المصافحة

قوليلو متوضية برك ذرك يفهم روحو

 

[ЯǾᵯẫḭṧşẰ]

رد: لا احب مصافحة الرجال

أنا تاني منحبش نصافح الرجال
وتعرضت للإحراج ف عديد من المواقف حتى من رجال عماتي ورجال خلاتي خصوصا من ولاد عمتى وولاد خالي
كي يجو لدار منخرجش ليهم حتى يقعدو ونقوف عند الباب ونرمي السلام فقط
أيا هوما فهمو وتهنيت منهم
والله يهدي ماخلق
بوركت اختاه


​

 

[hadda0425]

رد: لا احب مصافحة الرجال

اختي الكريمة اذا مهوش من اقرابك المقربين فليس له الحق على اجبراك للمصافحة
انت حرة في دينك ما تصافحهيش مرة ولا اثنين وهو حيتعود على ذلك ولا فهميه بلي مصافحة المرأة للرجل الغريب حرام
لاطاعة لمخلوق في معصية الخالق
​

 

[Mr mino]

رد: لا احب مصافحة الرجال

احد اقاربي '' كبير في السن قليلا ''

مِنْ جِهَةِ آَلْشَرْعُ

مَدَآَمْ مِنْ آَقَآَرِبُكِ وَ كَبِيْرٌ فِيْ آَلْسِنِ فَلآَ حَرَجَ فِيْ ذَلِكَ

مِنْ جِهَةِ طَبِيْعَتٌكِ

يٌمْكِنُكِ آَنْ تَتَفَآَدِيْ مُصَآَفَحَتِهِ وَلآَ حَرَجْ مِنْ ذَلِكَ


​

 

[أم عبد الله]

رد: لا احب مصافحة الرجال

اولا يااختي راكي اديري في امر الله ورسوله
هدوما الرجال اصلا راهم اجانب و مايحقلكش اتسلمي ولا تخمسي معاهم ولي يقول غير هاك خليه في حساباتو
فكرتيني فوليد خالة بابا عايش لهييه كل عامين يدخل للبلاد يسلم عليا فورص ويقولي ادي 4ميات جمرة واش فيها ياك انا خوك ومالقيت ماندير كي نسمع بيه جاي وليت نغلق باب شونبرتي ونعملها راقدة باه مانسلمش الله غالب مي نرضي ربي خير ملي نرضي عبادو والا لزم الامر ماتخرجيش ليه كي يدخل للدار وتنحل المشكلة

سلامي​