الغربة تجمعنا هنا

[أم نورس]

رد: الغربة تجمعنا هنا

rani nchouf fbnat jdad marhba bikoum binatna

 

[ام سحر و لؤي]

رد: الغربة تجمعنا هنا

السلام لاميشكو واش راكي ايه يا ختي الحالة راهي تقرب. و ماما حتى هي تاني تسلم عليك راهي قدامي علاخاطر راني بايتة عندهم
شفتي لاميشكو جاو عضوات جدد و ما حبيتش نعرف روحي باش ما تضحكيش عليا

 

[أم نورس]

رد: الغربة تجمعنا هنا

ouallah manaddhak matkhafich ouana li haira kifah ma3araftich rouhak:shi hi hiiiiii

 

[ام سحر و لؤي]

رد: الغربة تجمعنا هنا

شفتي ختي راكي عرفتي السبة وتش راكي واش راهم الدراري

 

[مينة آلاء الْقُدُّوس]

رد: الغربة تجمعنا هنا

السلام عليكم زينات واش راكم إن شاء الله بخير

 

[مينة آلاء الْقُدُّوس]

رد: الغربة تجمعنا هنا

لاباس الحمد لله ياسو. الله يهنيك يسال عليك الخير حنونة ونتي كيف حوالك راكي قريب تسهلي أن شاء الله ربي يسهل

 

[ام سحر و لؤي]

رد: الغربة تجمعنا هنا

واش راكي ختي و الله راني نتوحشك كي ما نشوفكش واش راهم صحاب البلاد و ناس تلمسان
قوليلي مينة عندك فاميلية راجلك تما

 

[ام سحر و لؤي]

رد: الغربة تجمعنا هنا

ايه قريب نجي راكي تعرفي راني مع الشريات و التوجاد راني متوترة بزاف هاذ ليام

 

[أم أمين23]

رد: الغربة تجمعنا هنا

يا ضلام 23 صفحة وانا لا خبر كون ماشي سميرة الي ولهتني راني مازالني راقدة في الدار القديمة ههههههه

 

[أم أمين23]

رد: الغربة تجمعنا هنا

راني شفت بنات جدد مرحبا بيكم كامل نورتونا عرفونا عليكم

 

[fifi27]

رد: الغربة تجمعنا هنا

الغربة صعيبة بزاف يمكن رايحينلها

 

[fifi27]

رد: الغربة تجمعنا هنا

ماهي مذكراتكم

 

[ام الحلوين]

رد: الغربة تجمعنا هنا

مساء الانوار
واش اخباركم و احوالكم ؟؟؟؟؟
نرجس و فيفي مرحبا بيكم معانا و ربي يهنيكم
ياسمين شفتي جوهرة نسيبتي بدات تخرف و تنسى بصح علبالك بلي دار العجزة راهم متهليين فيهم مليح ،و بنتي ماتحبش لي يقلقها في الدار ههههههههه نورمالون راكي فهمتي

 

[fatouma2012]

رد: الغربة تجمعنا هنا

مبروك عليك يا ختي مليح سعداتك يماك راهي جاية تحوس عندك فطومة
البنات خطرت علابتلي فكرة نديرو موضوع جديد وسمو قعدات ناس الغربة و كل يوم نديرو ساعة فالنهار و نختارو كامل الساعة اللي تناسبنا و كل مرة وحدة تقترح موضوع و ناقشوه و كاننا رانا قاعدين مع بعض و دايرين صنيوة قهوة يعني فهاذيك الساعة برك نروحو لهاذاك الموضوع و باقي اليوم نكونو هنا واش رايكم

الله يسلمك ونشالله انتي تاني تزورك يماك ، بصح ماما غادي تقعد 20 يوم بارك 10 أيام قبل منولد و-10 أيام بعد الولادة ونكونو في جانفي الدنيا معمرة تلج ف ألمانيا ومع سارة والبيبي وراجلي يخدم منضنش نخرجو خلاص ، بصح هي المهم تكون معايا وتشدلي سارة كي نكون ف سبيطار ، قاتلي نجي ،
الموضوع لي 9tara7tiih راني معاك

 

[ام سحر و لؤي]

رد: الغربة تجمعنا هنا

هههههههه ضحكتيني ام امين راكي روطار راني نقول ماله ام امين نساتنا خلاص دروك عذرتك حنا الغالطين ماشي واش راكس واش راهي صرصورة
ام الحلوين راني نضحك غير وحدي نورمالمو راها فهمت سنو تفهم كي تروح تما انا نتمتم و نت تفهم هههه
وتش راكم البنات

 

[ام سحر و لؤي]

رد: الغربة تجمعنا هنا

ربي ينورك فطومتي و يجيبلك وقفة ساهلة يااااااااااا رب و ما تنسايش تدعيلي و مليح اللي تجي يماك على الاقل ترفدك و كي نجو نباركو نلقاو اللي يحطنا القهوة و الطمينة ههه

 

[fatouma2012]

رد: الغربة تجمعنا هنا

سلام بنات
ياسمين ارقدي واشبعي رقاد و اذا مراكيش حابة تطلعي لدارك خلي الخطابة يجو بلا بيك ههههه
فطومة مبرك على يماك الفيزا ،انا حتى للربيع باش نبعث ليما و ختي بسكو درك في العطلة تاع الشتا يكون البرد بزاف و لميس مازالت صغيرة مانقدرش نخرجها ،وانا حابة نحوس بيهم ماشي نجيبهم يبقاو في الدار
حوستي الاسم و لا مازال ؟؟؟؟؟

عندك الصح الربيع أحسن ، علابالي غادي نفوتوها غير ف دار psq التلج البيبي يكون ف اسبوعه الاول بصح معليش أنا لي دايما نولد في وقت مودر سارة في رمضان وهادا في التلج ، المرة الجاية لازم نخططلها من قبل ههههههه
الاسم راني نقول ياسين واش رايكم مليح ؟ فالحقيقة هاد الاسم عمره ما جاء في بالي بصح قبل منحمل شفت منام كانه حقيقة ، شفت روحي ف غرفة الولادة وجبت ولد وسميته ياسين ، وبعد شهر حملت وكي حكيت الماما قاتلي خلاص متبدليهش
أيا قولولي رايكم ف إسم ياسين

 

[fatouma2012]

رد: الغربة تجمعنا هنا

ربي ينورك فطومتي و يجيبلك وقفة ساهلة يااااااااااا رب و ما تنسايش تدعيلي و مليح اللي تجي يماك على الاقل ترفدك و كي نجو نباركو نلقاو اللي يحطنا القهوة و الطمينة ههه

الله يفرحك نشالله وأكيد ندعيلك نشالله ومرحبا بيكم على العين والراس

 

[ام سحر و لؤي]

رد: الغربة تجمعنا هنا

الله يسلمك ختي ربي يفرحك و اسم ياسين شباب ماشاء الله يعجبني هاذ الاسم ربي يفرحك بيه

 

[SAMIRA25]

رد: الغربة تجمعنا هنا

فطومة مليح اسم ياسين راه سورة في القران الكريم ياسين و القران الكريم
اتوكلي على الله و ربي يجيبلك وقفة ساهلة ان شاء الله و تهلاي في سرسورة من الغيرة