مدونتي ,, حرفٌ كتب له الوجود ,, من هنا وهناك .

[aljentel]

تصبحوا على خير

 

[aljentel]

هل لاحظتم طغيان العنصريه في بلاد بيني يعرب ؟!

 

[aljentel]

هل لاحظتم كيف يصطفوا طوابير لمساندة المتسابق الأدنى مستوى لأنه من القبيله او من الولايه ؟!

 

[aljentel]

هل لاحظتم كمية المهايطه والتجمهر لدعم عنزة فلان لأن فلان من قبيلتنا وكيف يتفاخرون بالعنزه الفائزه ويدفعوا بها ملايين لشرائها ؟!

 

[aljentel]

بالله عليكم هل هذا شعب يهتم لوطنه وتقدم وطنه على كافة الاصعده

 

[aljentel]

هذه العنصريه في الامور التافهه هي جزء من كل لأنك لو تتبع السياق تجد إن عضو البرلمان والوزير فاز لدعم تلك العنصريه لا لكفاءته ..

 

[aljentel]

ياقليبي لاتحزن ..

 

[aljentel]

على قولة الزلامي الله يرحمه

إستعن بالله والنار من قدح الزنود
وإترك اللي مبتلش بالفلوس يعدها

 

[aljentel]

سقا الله زمان قبل لايطلع الجوال
زمان القلوب البيض والنيه الزينه

 

[aljentel]

لا صاروا العقال مثل المجانين
وأصبح ردي العرف يأمر وينها

 

[aljentel]

صباح الخير …

 

[aljentel]

بدأت الأجواء تزداد حرارة وعسى خير …

 

[aljentel]

وإني لأهوى النوم في غير حينه
لعل لقاء في المنام يكونُ
تحدثني الأحلام إني أراءكم
فياليت أحلام المنام يقينُ

 

[aljentel]

طاروا أصحاب الشائعات بموت ( ترامب)
والحقيقه تراب يلعب القولف ومافيه إلا العافيه

 

[aljentel]

ثم ماذا أذات مات ترامب يتولى نائب الرئيس الحكم والأمور كماهي عليه ،

 

[aljentel]

لأن ترامب في تقديري الشخصي ليس إلا الناطق الرسمي بإسم الدوله انما الحكم تتحكم به الدولة العميقه وهي مستمره بترامب وغيره ..

 

[aljentel]

أمس ذهبت على السياره ( صهريج ماء) نحن بلهجتنا نقول تنكر ماء والبعض يقول وايت ماء
المهم رحت بغية تغيير زيوتها وتنظيفها من الاتربه وأعشاش الطيور وعندما دخلت المدينه مع الزحمه حصل لي حادث بسيط والحمد لله سلامات
كانت الساعه العاشره صباحا وكان حر شديد والصهريج او التنكر ماكو مكيف ههههه
قلت لصاحب السياره اللي أنا دعمته من الخلف ياخي كم تبي اعطيك وروح صلح سيارتك أنا أخطيت عليك والحين الحمد لله سلامات كم تبي أعطيك كاش وخلنا نخلص بدل الوقفه بهالحر ..
قال ياخي سيارتي جديده ومؤمنه ولازم يجي المرور وانا اتصلت بالمرور وكلها ساعة زمن ويجون ..
سيارته جديده موديل 2025 وانا دعمته من الخلف لأني مسكت بريك والبريك معي فلت لان سيارتي قديمه وصار سنه في البر ويمكن يكون زيت البريك ناشف ما ادري المهم بريك ماكو
ودعمته لكن الحمد لله سلامات

 

[aljentel]

جاء المرور طلب الرخص أعطيناه الرخص وراج جلس داخل سيارة النجده يطقطق كمبيوتره
ثم خرج علينا وقال خلاص توكلوا على الله واعطانا الرخص وقال كل واحد يراجع شركة التأمين ليأخذ تقدير تصليح سيارته ..

 

[aljentel]

قلت للشرطي يعني امشي خلاص قال خلاص تجيك رساله على تيلفوني فيها كل التفاصيل قلت جت الرساله لكنها موجهه لشركة التأمين قال صح روح لأي كراج تصليح او ورشه وشركة التأمين تدفع التكاليف والورقه تطلب نسخه من الرساله بس .. توكلوا على الله

 

[aljentel]

قال صاحب السياره المدعومه ياخي انت قلت اعطيك اللي تبي قبل يجي المرور قلت نعم قال عطني فلوس أنا فقير وسيارتي إقصاد وانا كنت اظن ماعندك تأمين لأن سيارتك قديمه وسيارة بر وصحاري نعم قلت اعطيك فلوس لو وافقت قبل يجي المرور حتى لانقف تحت لاهل الشمس لكنك رفضت الحين انت تأخذ فلوس التأمين وتبيني اعطيك مايصير هذاك قبل لاتوقفي بالشمس والحر اما الآن لا التأمين يتحمل كل شيء في أمان الله