عاونوني يا الفحلات

[om mimi.mili]

السلام عليكم حبيت اليوم نحكيلكم على بنتى انتوما يبانلكم عادي بصح انا عييت مع شعرها عندها شعرها فريزي وقاوي بزاف وكل صباح واش نحكيلكم تنوض الحرب باش نمشطلها وتروح تقرى مسكينة تغيطني يوجعها هي تعيا وانا نعيا مالقري نغسللها غير بالشمبوان المليح ولي ماسك والدنيا ومانفع والو المهم حبيت كاش وصفة طبيعية باش ينطاع شوية وما تقولوليش البيض مع زيت الزيتون لاخطرش كرهت وانا نديرولها ما نفعش المهم نحب نقولكم بلي بنتي في عمرها 06 سنين واش رايكم في ديفغيساج والله ما ننسى خيركم لي تدبر عليا المهم حاجة مضرهاش بارك الله فيكم.

 

[أم نورس]

رد: عاونوني يا الفحلات

Gir tamachtilha sbah hatilha azit bach mataouaj3ihach ou hada makan fa lage hada makallah tkhaltilha frassha b les produits mazalha sghira

 

[نور الحبوبة]

رد: عاونوني يا الفحلات

وعليكم السلام حبيبتي انا عندي نفس المشكل مع بنتي وغير vاتيكا الي تنفع معها والطريقة هي اني نبل يديا بشوية ماء ونزيد فاتيكا ةندلكلها شعرها كامل من الجذور حت الخر والنتيجة اتجي هايلة وسمحيلي لبغوديو مننصحكش بيهم لخاطر مزالت صغيرة

 

[ام ريهام]

رد: عاونوني يا الفحلات

يا مخلوقة خلي مريومة على حالها سينو نحرش عليك الحاج عبد الله
ديفريساج ماشي مليح حتى لواحدة كبيرة كيفاه حبتيه ينفع ليها

وانت في الليل ديرلها زيت اللوز ودريلها قردون صباح ما توجعيها ما تبكي هي ما تتقلقي انت ديري كيما راني نقلك كون نسمع درتيلها حاجة نوريلك كيما عام عام في عين امناس تشفاي واش درتيلها

بلا ما نقلك ههههههههههههههه

 

[أفرآح]

رد: عاونوني يا الفحلات

السلام عليكم ورحمة الله وبركاته




بارك الله فيك الاخت ساندريلا زماني
اختي شوفي باذن الله راح تدعيلي اهم شيء متنسنيش من دعاائك

الوصفة هادي انا جربتها وجربوها صحاباتي والله رووعة


وفرق من اول استعماال


الوصفة :
اولا تتوكلي على الله وتساليه التوفيق


ثم تجييبي شحم الخرووف او اللية


تذوبها في حمام مائي حتى يولي كي زيت تدهن بيه شعرها
لمدة 5 او 6 او 7 سواايع لقدرتي المهم مش اقل من 5


ومن باعد تغسليلها بالشامبو المناسب وتحطيلها منشفة حتى ينشف الشعر من باعد ديرلها كريم وديرلها توربيو
وتخلييه 3 ساعات وتفرد يشعررها من اول استعماال للشعرها مائل للنعومة باذن الله ولشوية ..تدي معاها اسبوع اسبوعيين
ومناسب لجمييع مشاكل الشعر طوول كثافة لمعان تنعيم ..
فيها تعب وربلة بصح تستاهل لانه تجييب نتيجة باذن الله
بصح من كثر لفادتني
نهدر عليها منا حتى لعشر سنين ومانكملش
والله استغنيت على السيشوااار ولله الحمد

بشرينا بالنتااائج ان شاء الله ​

 

[om mimi.mili]

رد: عاونوني يا الفحلات

شكرا*لاميشكو**نور الحبوبة**ام ريهام*على الرد بصح والله راهي غايضتني سورتو كي تقولي ماما طلقيلي شعري كيما ختي يسلكوني دايمن الظفاير المهم نجرب فاتيكا والقردون دايمن نديرولها .

 

[om mimi.mili]

رد: عاونوني يا الفحلات

صحيت اختي افراح هدي ساهلة والله ندعيلك الله يعطيك ما تتمناي

 

[om mimi.mili]

رد: عاونوني يا الفحلات

صحيتي اختي افراح هادي ساهلة والله ندعيلك

 

[أفرآح]

رد: عاونوني يا الفحلات

اللهم أمين يااختي وجمييع المسلمين

ان شاء الله ربي يسر امرك ..ربي يفرحك ويفرح بنيتك يارب

بالنسبة ...لسؤال الاخت ام ريهااام

شحم الخروووف العادي كيما لنديروا به الملفووف
واللية هي ذنب الخرووف اي الشحمة لتجي في المؤخرة نتاعه :$ اسمحوولي على الكللاام هذا عذرا