مادا ستطبخين انستي سيدتي الجزء38

[انريس]

رد: مادا ستطبخين انستي سيدتي الجزء38

راني نشوف فيكم ضربتو النح نرووووووووح نشري طواسيري جديد و شوية فراشات نعلقهم في لفريجيدار و خلاص انتوما جاين جاين على غفلة
لبنات مزاللكم 10 صفحات ماتكثروش فيهم الهدرة باه نجيو قدقد انا حتى العشية باه نروح متفاهمين؟:up:
تصبحو على خير:d

 

[نور الحبوبة]

رد: مادا ستطبخين انستي سيدتي الجزء38

لبنات متتقلقوش راني غسلت لماعن ونقيت الكوزينة ومسحت الارض ووجدت شوية ماعن باه كي ترحلو انكون واجدا بلاك ترحلو ومتقولوليش
ام فيروزا مالفا تعاونيني اليوم خلتيني وحدي وقيلة غلبتي من التحويسة بصحتك ايا تصبح على خير الي تنوض الاول توجد لفطور اليوم ماوجدتوش خلاصلي حليب البقرة ونسيت ماشريتش تصبح بخير

 

[ام ايناس]

رد: مادا ستطبخين انستي سيدتي الجزء38

صباح الانوار عليكم لبنات قتلتوني بالضحك هههههههه وحدكم افتحوها وصايي
سلالالامي للجميع
​

 

[نور الحبوبة]

رد: مادا ستطبخين انستي سيدتي الجزء38

صباح الخييييييييييير صباح الندى المعطر برائحة القهوةالزكية صحاااااااااا قهوتكم
ام ايناس انتي لنوضتي الولة ايا نعشينا فنجان قهوة نفحفح بيه الكوزينة
صباح مبارك والجري وراى الشغل الله المستعان

 

[ام ريهام]

رد: مادا ستطبخين انستي سيدتي الجزء38

صباح الخير للجميع ان شاء الله تكونو كامل بخير وعلى خير
دليلة ومليكة راكم بكرتو سلام
غدانا اليوم ارز بالحبار وسلاطة هذا وين درت اطيب وجيت فتحت

 

[om mimi.mili]

رد: مادا ستطبخين انستي سيدتي الجزء38

صبا ح الخير عليكم نبدى بنعيمة لاخاطر هي الوحيدة لي سقسات عليا البارح كي ما دخلتش نقلها يسال عليك الخير وبصحتك التحويسة والميساج وصل شفتو اليوم برك وضحكتيني المهم رانا قريب نودعو كوزينة ميمي ونقلها يعطيك الصحة على حسن الضيافة المهم هادى عشايا شربة بقاتلي من الفطور وبسباس بليبولات وسلاطة وللفطور درت لوبيا قريني راهي طيب صح فطوركم مسبقا

 

[hadda0425]

رد: مادا ستطبخين انستي سيدتي الجزء38

صباح الخير عليكم
بصحتكم وش تعشيتو وش تغديتو ويعطيكم الصحة على الاطباق الشهية
انا البارح رحت لقسنطينة تفكرتك يا اسما نت ما رحتيش خخخخ
المهم رحت عند طبيبة تع العظام رجعتلها التعييرات نهار كامل وحنا نسناو من 11 حتى ل4 باه دخلت ليها والله تعبت واحد التعب الله لا يشوف مومن فيه روحنا تقريب 7 زت حطيت درت لعشا وصليت ورحت طول للفراش
هاذ الصباح عييت نوض وليت درت شوية عدسون بيه وشرينا خبز
وعجوزتي حبيبتي راهي تعيط قاتلي علاه ما حبتيش جي من العيد ما وليتش هههه
قلت بلاك نروح نزورها اذ نفحتلي نخرج
حكيتلكم يوماتي :-r
روعة مرسي على الوصفة تع الحلوى باذن الله باذن الله نجربها اذا ما نسيتش
​

 

[ام فيروزا]

رد: مادا ستطبخين انستي سيدتي الجزء38

صباح الخير عليكم يالفحلات القفزات و الشاطرات انا روحت روطار وكي دخلت لقيت لالة عينى اسماء متكثروش الهدرة مالا قلت الغالية تؤمر مش تطلب
واه نخليك يانور الحبوبة جاااااااااااااااااااااااامي
جبتلك مفاجئة ياحدة
واش راكم ام ريهام ام ايناس ام ميمي

 

[om mimi.mili]

رد: مادا ستطبخين انستي سيدتي الجزء38

على سلامتكم /// ام فيروز/// و///حدة ///اواش محبيتوش تغلقو الكوزينة هوليك فطوري اللوبيا ومريم ماتكلش المراقي هبلتني قليتلها البيض ايا صح فطوركم

 

[ام فيروزا]

رد: مادا ستطبخين انستي سيدتي الجزء38

هدا غدانا فى دارنا جبناه واجد من المطعم نتاع خويا مع الحميس والمشروبات واحتفلنا خطراش بابا دخل الماءالحلو فى الجنان

 

[om mimi.mili]

رد: مادا ستطبخين انستي سيدتي الجزء38

امممممممممممممم يا ام فيروز مالح وبنين مبروك عليكم الماء الحلو لعقوبة لحاجة اخلاف :up::up:

 

[ام فيروزا]

رد: مادا ستطبخين انستي سيدتي الجزء38

صح غداك ام ميمي و بصحتها مريومة الزينة

وهدا ولدى طه

 

[ام فيروزا]

رد: مادا ستطبخين انستي سيدتي الجزء38

وهذي لحدة وللى تحب دقلة نور

وهدوك ولاتى والكبير ولد خويا

 

[samah06]

رد: مادا ستطبخين انستي سيدتي الجزء38

ساء النور لبنات واش راكم ان شاء الله تكونو لاباس
توحشتكم بزاااااااااااااااااااااااااااااااااااااااااااااااااااااف
لبنات راني نشوف في روحي ضيفة جديدة خلاص تلاقيت باسماء جدد
فهمت بلي هم لصاحبات اسماء ميتعارة لكن معرفيش شكون زينب من مليكة من من من ارجو تفهموني
جبتلكم غدايا وهو حاجة حلوة قلت نودعو بيها كوزينة ميمي الحبوبة اللي كفات
ووفات

 

[أم رزق الله]

رد: مادا ستطبخين انستي سيدتي الجزء38

السلام عليكم و صح فطوركم
ام ميمي صح فطورك
ام فيروزا بصحتكم فطور يشهي و هاديك الواحة راهي تهبل
ليوم فطوري رشتة

 

[أم رزق الله]

رد: مادا ستطبخين انستي سيدتي الجزء38

على سلامتك سماح و صح فطورك لحلو يا لحلوة واش راهو البيبي ان شاء الله ربي يسر حملك
زينب هي انا و ام ميمي هي ماليكة و ام ريهام هي نعيمة و ام فيروزا هي نبيلة و اناريس هي اسماء و القائمة طويلة هادو لي تفكرتهم الباقي يسمحولي

 

[ام فيروزا]

رد: مادا ستطبخين انستي سيدتي الجزء38

والعشوة هبطت لبلاد و سوقت و فت لدار شيخى تعشيت و تفكرت سومو يندرا طيبت لغرايف ولا لا

 

[أم رزق الله]

رد: مادا ستطبخين انستي سيدتي الجزء38

ام فيروزا واش هاد الخير تمور تشهي ماشاء الله تبارك الله و اولادك ووليد خوك يهبلو بعدا هاداك الصغير شحال مسرار الله يبارك

 

[om mimi.mili]

رد: مادا ستطبخين انستي سيدتي الجزء38

الله الله يا ام فيروز على هداك الجنان ولا هداك الماءما شاء الله والدراري الله يحفظهم ولادك ووليد خوك الله يبارك والتمر ما نحكيش مشي غير حدة تحب التمر احنا تاني نحبوه :d افهمي روحك وجيبي حقنا :p:p ام رزق الله الرشتة تهبل بصحتكم ويا سماح انتي مولات الدار واحنايا الضياف المهم انا مليكة وكل وحدة تبعث تقلك اشكون هيا لاخاطر درنا حلقة نزع الاقنعة بصح بلاك كنتي غابية نعيمة وين راكي

 

[ام فيروزا]

رد: مادا ستطبخين انستي سيدتي الجزء38

صح غداك زينب انا نموت على الرشة يسلم يديك
واش راكي سموحة مزلتى تبرقى صحن حلو يشهى