تحية معطرة بالحب و الود
لناس اللمة الكل الملاح صغير وكبير
هيا على بركة الله نبداو
***
كنت مشغولة في كوزينتي كي العادة
شوية طياب , شوية تخمام :s و شوية طلان على الأنترنيت :d
وراكم عارفين يا سيدات شغل الكوزينة
ما يتمش كون طاوعي روحك ما تقعديش خلاص و ما ترتاحيش من الشغل
هذا غسيل مواعن وهذا طياب
جاب ربي الواحد عندو وين يرفه على نفسو ويفرغ قلبو
أكيد راكم عارفين وين ؟؟؟
*
*
*
وين يا حلوين
*
*
طبعا هنا نقولها بلا تخمام وبلا تردد
واش راك تهدر
المهم راني راح نهدرلكم :$:$
ونفكركم شوية في ذكريات الطفولة و عفويتها :
رن جرس الباب مرتين و سمعت ضحك أولاد و جريهم بسرعة
راح مول بيتي يفتح قتلو
مكان لاه تفتح راهم أولاد الجيران يلعبو ..:p:p
في آك اللحظة جاني فلاش باك ورجعت بي الذكريات للصغر
بصراحة
كي كنا صغار كنا نستمتعو بهاذو المشاكسات :d
ما نعرف قبل نلgاو في هاذو الطوايش على رأي شيباب اليوم
لذة و إستمتاع ..
هاذي أكيد طريقة طيش صغر و لعبة كانت تبان مسلية
و أنتم قبل واش كنتو تعملو مع أصدقائهم بخلاف هاذي الحركة الطفولية البريئة
تحياتي ليكم يا أحبابي
