ماذا ستطبخين اليوم سيدتي انستي الجزء40

[انريس]

رد: ماذا ستطبخين اليوم سيدتي انستي الجزء40

دليلة انا نروح الرد نتاعي هههههه

 

[ام ايناس]

رد: ماذا ستطبخين اليوم سيدتي انستي الجزء40

الله يبارك ندوش راكي شطورة راهو يشهي مع سخووووون اممم بصحتكم ورائد الزين الله يبارك عليه زدملك على الصحن وخلا تاعو
اممم عيشوش عشا خفيف ويشهي بصحتكم
​

 

[ام ايناس]

رد: ماذا ستطبخين اليوم سيدتي انستي الجزء40

انروسة راني قريت راني فاهمة واش راكي تعاني دانا حساسة هههههه
ندووش الوصفة انتي ولا بسوم على السرييييييييييييييع راني نستنى
​

 

[om mimi.mili]

رد: ماذا ستطبخين اليوم سيدتي انستي الجزء40

السلام ///هاجر هاني ديت حبات قارص نموت عليه///دليلة اييه مليح يدير البنا مغلوق مايقيسوش الريح حتى تحلي الشكيورة الصغيرة//سندريلا زماني يحيا الخفيف سورتو الهمبورغر اممممممممم ///ندى الله يارك كلش يشهي وربي يحفظلك البوبون صار مات اعزبا شهيتينا ///اسما الحمد لله كي ريحتي والوالدين ما ينشبعوش ///الحبوبة على السلامة مساء الحب والهناء صح عشاكم نعشي الشيشوان ونرجع دوك شوي

 

[ام خديجة1]

رد: ماذا ستطبخين اليوم سيدتي انستي الجزء40

مساء الخير خياتي بصحتكم ما شاء الله كل شيئ يشهي

 

[نور الحبوبة]

رد: ماذا ستطبخين اليوم سيدتي انستي الجزء40

ام ايناس علاه حتى لجوان وين ساكنين اهلك ان شاء الله تزوريهم عن قريب
انريس ربي اجيب الشفاء لكارت ميموار انتاعك شتي ولفنا اللمة منقدروش نستغناو عليها
ندوشة ربي يحفظ البوبون انتاعك الله ابرك اهببببببببببببببببل راكي شهتيني في في بومفور بصحتك
ساندي على سلامتك يعطيك الصحة المرقاز يبرق اكيد بنييييييييييييييييين بصحتكم واش كليتو
نعيمة ان شاء الله تكوني وصلتي عند ماليك بخير سالي عليهم
مليكة وين غاطسة
ام فيروزا اين انتي توحشتك اليوم

 

[ام ايناس]

رد: ماذا ستطبخين اليوم سيدتي انستي الجزء40

بصحتكم العشا مليكة رانا نسناو فيك
ايييه نور الحبوبة راني بعيدة على دارنا 800 كيلو الغربة تاع الدزاير ههههه
صح عشاكم لبنات انا سخنت الطعام وراني نسنا في الموسيو
​

 

[nada242008]

رد: ماذا ستطبخين اليوم سيدتي انستي الجزء40

البومفور ولا السفة يجي متوسط اخشن من البربوشة واصغر من العيش
تغسليه وتخليه ينشف وتفوريه كيما لبربوشة
بعد ما يفور الفورة 1 تحطيه في القصعة تملحيه وتررشي عليه الما وتخليه يشرب ومن بعد تفوريه الفورة 2 وتزيديلو شوية زيت وتحركي مليح وتخليه

تقطعي البصل كيما انا درت كمية صغيرة ..حبة بصل كبيرة تقطعيها مربعات صغيرة مع شوية زيت و جزر مقطع ورشة ملح ..نخليها تذبل شوي
ومن بعد نزيد راس الحانوت فلفل احمر حار وطماطم مصبرة وحبة طماطم مرابية تقلي مليح ومن بعد امرقي بكاس ما وغطي عليها ..5 الى 10 دقائق وطفي عليها

ارجعي لقصعة البومفور لوحي لاصوص فوقها وخلطي وزيدي لاصوص عينك ميزانك
هو يجي ناشف مش مسقي
وتحبي تحطي لاصوص في التقديم لي حب يزيد
تزينيه بالزيتون المرقد والفلفل وشهية طيبة

ممكن طريقة ابتسام ولا رغود زايدة ولا ناقصة حاجة خخخخخ كل دار كيفاه تتفنن

 

[nada242008]

رد: ماذا ستطبخين اليوم سيدتي انستي الجزء40

الله يسلمكم نور الحبوبة وام ميمي
صحا عشاكم

 

[نور الحبوبة]

رد: ماذا ستطبخين اليوم سيدتي انستي الجزء40

ايه ربي اصبرك انا والديا نسكن في نفس المنطقة وروح من الجمعة للجمعة نطول شوية نموت بالوحش عليهم

 

[om mimi.mili]

رد: ماذا ستطبخين اليوم سيدتي انستي الجزء40

ام خديجة صح فطورك حنونة//دليلة مازال ما رحتش بلاك الاحد ولا الاثنين ان شاء الله

 

[انريس]

رد: ماذا ستطبخين اليوم سيدتي انستي الجزء40

ميرسي نجربو بصح لازملي نفتلو ما شكيتش يتباع عندنا على العموم نورمال انا اصلا نفتل
عفوفة نخليه بين البربوشة و العيش يخي
وبالاك يجي بالقمح خير و لا لالة؟ اييييه تفكرت انت ديري 2 برابش نتاع القمح للجماعة والنورمال ليك شوفي راني متابعة دروسي

 

[ام ايناس]

رد: ماذا ستطبخين اليوم سيدتي انستي الجزء40

الف شكر ندوشة على الوصفة جارتي بسكرية قبل بعتتهولي قريب هبلت عليه انا كيلتو مانموتش عازبة هههه راهي ساهلة مافيها والو
ام خديجة صح فطرك صيامك في الجنة
​

 

[نور الحبوبة]

رد: ماذا ستطبخين اليوم سيدتي انستي الجزء40

انريس راه يتباع انتاع عمر بن عمر مكتوب فيه خشن
انا تاني نحب الينفتل بيديا مي ملي تكسرت خياتي الي يفتلولي

 

[ام ايناس]

رد: ماذا ستطبخين اليوم سيدتي انستي الجزء40

على سلامتك نور الحبوبة وينتا تكسرتي
انريس راهو ينباع الطعام لخشين انا نشريه
مليكة زيدي معانا نهارات
​

 

[nada242008]

رد: ماذا ستطبخين اليوم سيدتي انستي الجزء40

هيه يا انريس يجي متوسط
نظن بالقمح تتبدل بنتو .ديرييه بالسميد العادي
...
دليلة والله الماكلة البنينة هي البسيطة كيما الباطوط والبومهراس هههه غيرر كسرة مع طماطم وفلفل وثوم وهرسي هههه وبنتها تهبل
اما الوصفات المعقدة المودارن والله انا شخصيا مانتشههاش كيما لحوايج تاع بكري
ههههه وهذاك تعبير مجازي كي عدت مانيش عايشة في بلادي ...نتوحش ماكلة دارنا

 

[ام سراج الدين وملك]

رد: ماذا ستطبخين اليوم سيدتي انستي الجزء40

مسائكم بالخير واش راكم نتمنى تكونو بكل بخير وماعليكمش طيابك يهبل

 

[nada242008]

رد: ماذا ستطبخين اليوم سيدتي انستي الجزء40

تاع عمر بن عمر ما يعجبنيش نحسو معجن شوي
والمفتول يتباع في بسكرة بالميزان شفتو مرة

 

[ام ايناس]

رد: ماذا ستطبخين اليوم سيدتي انستي الجزء40

هههه ندوش يهبل التعبير المجازي والله انا كرهت من الماكلة مودارن كيما قلتي احنا مانديروهومش هادو بصح انا نحب ماكلة تاعكم وتشهيني سيرتو البطوط والبومهراس مح الحاااار
​

 

[prncess fifi]

رد: ماذا ستطبخين اليوم سيدتي انستي الجزء40

بصحتكم لبنات

ندوشتي هاتي مغرفة شطيطحة ممممم راهي تشهي وبصحتو رائد هديك الماكلة، تلفتوهالي خطرة بومفور وكاين بومهراس والزفيطي و الباطوط والله حرف عييت نفهم ههههههه

شهرورة ماراكيش تحلبي ختي كاش ما غلطنا؟؟ بصحتك القهوة ولحلوى
ام ايناس يتوحشك الخير حنونة واش راكي ،والله راني هنا بدلت السيكتور هدا ماكان راني مع البريفي، تاع الحكومة ماخرجتش علينا هههههههههه
بسومتي القهوة نشربها على 10:30ولعشا على السحور والرقاد على 3 صباحا راني مديريقلية كيما قالت خيرورتي

ايا خلاصو دراهمكم ،ادفقو ههههه​