هاذيـ مدّة مادرتشـ فيها ميْضوعْ
اليوم قرّرت نحكيلكمـ وآش صْراليـ في السبيطار
امّالا مْرضت بالأنفلونزا كُحبة و جماعتها.......
وأنا كون ماناكلش الدْ وا مانرتاحش
رحت للسبيطار مع اخْتي قعدت نستنّا حتان لحقت دالْتي
وكانت المفآجأة
نلقا الطبيبة فم الباب ومن وجها تبان واعرة
قاتلي شحال في عمرك
قلتلها بكلّ نيّة 20 سنة
وتبدا تعيّط تتمسخري بيا نتي عمرك 20
لوقيلا تدريني نقرا في الليسي وكنت غايبة ونحوّس نجيب المبرر.
وأنا كي الجايحة نحلفلها ومانيش قادرة نهدر بويسك gراجْمي:$
قاتلي هاتي la carte natinal نتاعك
قلتلها ماجبتهاش
قاتلي امالا امشي تروحي على روحك وتعيّط عليا
في هاذيك اللحظة حسّيت روحي مانسْواشـ
و أصلا الصوت ملعنديش باه ننقاشها ولا نهدر معاها
حكيت لاختي واشـ صْرا
قاتلي الهدرة ماشي معاها نروحو direct للمدير
هه ورُحنا لعمّو المدير ومن زهرنا لقيناه
وحْكينالو القصّة
قالي ونتي لاه ماجبتيش la carte نتاعكــ?
قتلو نهار ندير جريمة هذاك النهار عندكم الحق تشوفو بطاقة التعريفـ نتاعيـ
واللحظة الحاسمة
ادّاني عند الطبيبة وجهاً لوجه ولْقاها بلّي هي الغالطة
هاوشها و حطلها علاش تحزن
وأنا راني نفرح hhhhh
وبعد مدّة سمعت بلي بدلوها من مكان العمل
أنا و الله ماكان قصدي انّي نكون السبب أنها تخدم على بلاصة بعيدة لى دارهم
بصح لازم تدّي العبرة
الملخص في هاذي القصّة
*قبل ماتتعلم انك تكون طبيب وتداوي المرضى لازم تتعلم كيفاه تتعامل مع الناس.
*وكيما يقيسكم شخص ويهينكم اسكتو عليه روحو للشخص اللي مسؤول عليه كيما انا رحت للمدير.
في أمآن الله
آخر تعديل:
