ياو عمريـ 20

[FATIMA 19]

رد: ياو عمريـ 20

السلام عليكم ورحمة الله وبركاته
اختى نتى ما عنذك حتى ذنب فى هذا الموقف والطبيبة هذا لى تستاهلو
باه تعرف انو قبل العمل كاين الاحترام والتربية
ومعاملة المريض بالكلمة الطيبة
باه تخفف عليه مش تزيد تكمل عليه
ربى يوفقك اختى


​

و عليكم السلام
صحيحـ انو الكلمة الطيبة هي شفاء للجراح
بوركت على الرد
​

السلام عليكم
المرا الجاية كي تروحي لسسبيطار تفوتي ادي معاك S12

وعليكم السلام
هههههههههه ضحكتني شكرا لك
​

السلام عليكم

خير مافعلته اختاه مع انو مش قصدك

ربي يشفيك ​

و عليكم السلام
الله يسلم ايديك اختيتو مرسي
​

الذنب لس ذنبك اختي و لازم كل واحد يتحمل مسؤولية افعالو
الله يشفيك و يعافيك
​

الله يحفظك شكرا على الرد
​

وعليكم السلام
كما تدين تدان
هادي سير قاست الناس بزاف
جيتي انتي جبتيلهم حقهم
العِبرة هنا لي يحقر الناس بسبة المنصب تاعو تخلاص عليه مال
​

ايه صح بويسك على حساب ماشفت اللي يخدمو ثم كامل قالولي تستاهل
المنصب ماهوش كل شيء الاخلاق هي الصح
شكرااااااااا على الرد ساندي.
​

 

[FATIMA 19]

رد: ياو عمريـ 20

هناك مواضيع جميله رغم بساطتها فهي تعرف بشكل جلي عن كيفية الحياه في الجزائر ...
نتمنى للجزائر واهلها كل خير وان يحميهم الله من كل مكروه ...

ان شاء الله كما نتمنى لبلدكم كلّ الخير
شكرااااااااااا

لباااااااااارح ليااااااااااارح كان في عمري عشريييييييين عشرييييييييييييييين

انا تاني في مارس ندير 20 و اله يحسبوني نقرا في المتوسط ميامنوش بلي نقرا جامعة

​

هههههههههه تخافي على نهار عرسك مايعرفوكشــــــــــ
يقولو وين راهي العروس

Soubhan allah khtitou wa3lach tatlablak bita9at ata3rif ouwach tasstafadi anti loukan takadbi 3liha f l'âge ta3ak
Sahih balagha assailou azouba m3ahoum 3andak alha9 li chkiti biha ou tahmad rabi li makharjouhach wallah loukan jat falblad li rani sakna fiha ghir loukan jabouha barra
Wa achahada dialha dirha tizana ou tachrabha

لاه نمدلها بطاقتي حتى و تعود في يدي و الله ماتشوفها شكون هي
ايه اصلا الاجانب مثقفين علينا تلقاي مستواهم عالي وقمة في التواضع.

ماشاء الله..(أفكر أحسدكم هههه تقدروا تشتكوا وينصفوكم ثاني )هههه مااااشاء الله يعني..

اختي انا أذكر في يوم مرت علي دكتورة..قسما بالله حسيت نفسي تحت التعذيب مو العلاج هههه لا بعد أسلوبها الله لايوريج..ماقدرت غير أتحسب عليها كل ما أذكرهالحد الآن ) ( بعدين سمعت انه

نعم يوجد بعض الاطباء عندهم اسلوب منحط و متدني
وايضا ماننساوش اخرين قمة في الاخلاق
​

سلام عليكم
نورمال عملتي مليح
أملا لي جاي عندي الطبيب و ما باقيلو والو على الموت و ماوش جايب لا كارت يخلزه يموت
انتي درتي مليح و اذا مش انتي كان يجي لي يحطلها الحدود
و ربي يهدي كاين طبه يشفو العباد المرضى ناس ما تسواش و ناسين بلي الشافي ربي و السبب هو الطبيب
و كاين طبه الله يبارك ما شاء الله دين و أخلاق و معاملة و زيد تشوفه تريح و عارف بلي الأمور عمرها و لا تنتحل بالعصبية و القلق و عارف انو الناس بأعذارها و ممكن لي يصرا للمريض يصرالو ,
ايا سلام عليكم ​

و عليكم السلام
ايه صح امالا كي تروح الطبيب ماتنساش لا كارت راني نبهتك
والله كاينين صح اطباء روووووعة ويدخلو للقلب غير بالكلمة الطيبة
شكرا لكـ
​

 

[FATIMA 19]

رد: ياو عمريـ 20

مش ذنبك تستاهل وش صرالها بالاك تتعلم شوي
نقولك ربي يجيبلك الشفا
​

الله يحفظك ان شاء الله
شكرا لكــــــــــــــــــ

لاتتركوهم يفعلون لا تتركهم يهينكٌوم عندك لحق مرني ناشفة أحد الخطرة رحت فيها لطبيبة هنا في هادي البلد تعم فيها رحمة والحمدلله كنت عين نبكي أو اشكي هي تسمع لي أو واللهي دموعها على خذا هى أو غير لحقت أدار عيتات تسصسي إلى لحقت مليح أو مرة سمعت بابي فالمستشفى جريت حكمت طيارة به الجزاءىر والحالة النفسية الله لا يشوف حبيب من الماطار للمشفى لقيت بابا فحالة وغير حبيت برك نسقسي حاجة صغيرة المو مرضة حسبت روحها د هاوس و بدبات تشنف علي لا رحمة لا شفقة انا ازعاف حكمني ومرمدت ها لو ماحكمونيش عليها لو كان قتالتهبا حبيت نشكي و شكون ياسمع رفعت يدي للما ودعيت عليها دعوة المسافر و المضلوم و ربي ياخد الحق9

ايه صح دعاء المظلوم و المسافر مستجابة هاذو العباد ما تلاقلهم غير الدعاوي
ما عندهمش ذرة احساس

ربي يخليلك الوالد نتاعك
​

وعليكم السلام و رحمة الله،.
قال محمود أيوبي:
والمَرْءُ بِالأَخْلآقِ يَسْمُوا ذِكْرَهُ
وَ بهَآ يُفَضّلُ فِي الوَرَى ويُوَقّرُ

يا ختي أنا نشوف بلي وحدة كما هذي كانت عايشة في الشر وما صدقتش روحها بلي ولات طبيبة، ألوغ ولات تتكبر على النآس وتعاملهم بهذي la façon، الطبيب normalement يستقبل النآس بوجه بشوش، باش المريض هذاك يرتآح نفسياً، مآشي يستقبلو بوجه عبوس و العياط والحالة...الله غآلب الطّبّة في هذا الوقت عاد يهمهم الدراهم وخلاص (حآشآ البعض)،.
- عملتي مليح لي رحتي ديراكت للمدير، ما هدرتي معاها ما فخّرتيها،. على خاطر عباد كما هذو مالازمش تقيميهم وتجاوبيهم، لازم تاطاكيهم بشوية بلا ما يفيقولك،.
أنا لوكان جيت في بلاصة هذا المدير راني وقّفتها ماشي غير نبدللها بلاصة الخدمة،.
المهم ما عندنا ما نقولو غير ربي يهدي وخلاص،.
ربي يجيبلك الشفآء إن شاء الله،.
سلآم.
​

ربي يهدي خلقو
مشكوووووووووووورة على الرد المميز

سلامو

يا ختي النموذج هادا راه par tout ماكانش بلاصة مافيهاش عبااد كيما هاك sur tout السبيطار تلقاي المنكر هادي غي القليل ختي

اليامات الي فاتو رحت للسبيطار حتى انا كي دخلت نلقا البيرو تاع هاديك الطبيبة معمر بالبنات و في وسطهم راجل " يا سعدي و يا فرحي "

هي كانت لاهية بالجماعة b1 sur

donc مركاتلي دوا لا علاقة له بالمرض تاعي هادي بلا ما نحكيلك على هاديك المعاملة الهايلة psk قطعتلهم الجماعة :p

الله يهدي ما خلق هادي هي . . . الناس يتقدمو و احنا غي رايحين و نآفونسو للاريار
​

هههههه ان شاء الله برك تكوني ماكليتيهشـــــــ

قليل اللي عاد يهتم لمشاعر المريض ويحسن عونه

صحيح مازال كاين ناس ملاح
بصح قلال

وحتى المرضى خطرات من كثرة وجعهم يردوه في الطبيب
ويمكن انتي جيتي في لحظة غضب
مالا استلمتي الشحنة
ههه

ربي يشافيك اختي
لازم الانسان كي يتعب ولا يحس روحه عنده ضغط من العمللا يواجه
ولكن احيانا تكون هذه المواقف

والمريض لازم يلقى احسن رعاية
واحسن استقبال
لانه يبقى هو اللي يحتاج المساعدة
​

صحيح الاطباء راهم يعانو بزااااااااااف مي مالازمش يفرغو غضبهم على المرضى
لأنهم عندهم مشاعر وراهم عباد الله
مرسي على الرد

صصح يقولك هم يضحك وهم يبكي

نفهم بركـ وآشش تدير بعمرك ولآ لآركآت يآخي لي سونسيال تدآوي وتسكت ربي يهدي مآ خلق

خخخ احمدي ربي لي حسبتكـ صغيرة شوفي خييتك صغيرة ويحسبوني كبيرة

ههههههههههه هاذي الحاجة اللي تحير واش يهمها في عمري
هاذي الخطرة حسبتني صغيرة الخطرة الجاية تحسبني عجوز
​

 

[الزهرة الحمراء]

رد: ياو عمريـ 20

السلام عليكم اختي
انت مغلطتيش في واش درتي كاين شي طبة كي تروحيلهم ويحكوا معاك تقول عليهم السبيطار تع باباهم يعيطوا على المرضى ومنعرف واش ديجا قبل مايعودوا طبة لازمتلهم يقراو كيفاه يتعاملوا مع الناس
يعطيك الصحة اختي وتقبلي مروري الزهرة الحمراء^-^

 

[ماكانش]

رد: ياو عمريـ 20

أهلا بيك فطيمة يعطيك الصحة على الموضوع المهم
الواحد لازم يخدم خدمتو ومايتبلاش الناس ولا يدخل فيما لا يعنيه
وربما الطبيبة ثاني كرهت من المشاكل هادو وفاتو عليها بنات كذبو عليها ودارولها مشاكل ولات ادير احتياطاتها
صح ماعندهاش حق تعيط وماتترباش بصح ربما توسوست شوي من السوابق الي فاتو عليها

والسؤال الغريب علاه حارت في عمرك هههههههه
​

 

[FATIMA 19]

رد: ياو عمريـ 20

السلام عليكم اختي
انت مغلطتيش في واش درتي كاين شي طبة كي تروحيلهم ويحكوا معاك تقول عليهم السبيطار تع باباهم يعيطوا على المرضى ومنعرف واش ديجا قبل مايعودوا طبة لازمتلهم يقراو كيفاه يتعاملوا مع الناس
يعطيك الصحة اختي وتقبلي مروري الزهرة الحمراء^-^

وعليكم السلام أهلا بكـــــــــــ
وشكرا على المرور العطر
​

أهلا بيك فطيمة يعطيك الصحة على الموضوع المهم
الواحد لازم يخدم خدمتو ومايتبلاش الناس ولا يدخل فيما لا يعنيه
وربما الطبيبة ثاني كرهت من المشاكل هادو وفاتو عليها بنات كذبو عليها ودارولها مشاكل ولات ادير احتياطاتها
صح ماعندهاش حق تعيط وماتترباش بصح ربما توسوست شوي من السوابق الي فاتو عليها

والسؤال الغريب علاه حارت في عمرك هههههههه
​

أهلا بيك
هاذي مدة ماشفتش مشاركتاكـــــ
يعني احتمالاتك في محلها
ههههههه عجبني السؤال الغريب نتاعك انت اللي جاوب عليه
ههه ممكن نبان صغيرة بالنسبة ليها أخاااااه هذا مزية راني طويلة ماشي قزومة
وممكن كانت مقلقة تدير غير في الاسباب باه تتخلص مني
​

 

[عفيفة الحبوبة]

رد: ياو عمريـ 20

هادي هي نكهة العيش في الجزائر
ناس تعيط عليك على والو ناس تبغي تعدبك و نتي بريئة كل شيء ممكن هنا
بالاك كنتي نتي القطرة لي فرغت الكاس كيما نقولوا
يكونوا هبلوها المرضى و كي جات فيك خرجت كلشي
و بالاك هي هاك ناقصة تربية و مانعرف
المهم
ربي يشفيك​