تحضيراتكم للمولد النبوي الشريف

انريس

:: عضو بارز ::
أحباب اللمة
إنضم
30 أوت 2013
المشاركات
1,181
نقاط التفاعل
6,721
النقاط
71
السلام عليكم كيف الحال و الاحوال;)
حبيت نفتح هذا الموضوع بمناسبة المولد النبوي الشريف واش راكم موجدين للمولد من اطباق نعرفوا بلي المولد تزهى فيه الاطباق التقليدية وواش درتو حلويات و اش شريتو لاولادكم و بناتكم :up:
وكيفاه تعقبوالمولد كل وحدة تحكيلنا و تنعتلنا واش شرات ههههههه نبدا بروحي ضرك نروح نصور و نجي و لعشية راني خارجة في الليل كشما نزيد نشري و بالعربية راني خارجة نقرعج هههههه قالولي الحالة هايلة في الليل و عين الفوارة كاااامل ضاوية قلت نروح نشوف:d
انا ناوية ندير شخشوخة هذا العام وندير شربة و خبز الدار هذو نهار المولد ايلا حب ربي نحط الصور ههههه الشخشوخة هاني رايحة نبلها ضرك:)
هذي انريس ميتة بالفرحةكنت نحكيلها على الرسول عليه الصلات و السلام و علاه نحتافلو بالمولد قاتلي يعني هذا لانيفارسار نتاع الرسول شوفو النية نتاع الولاد
do.php

do.php

do.php

هذو يهبلو يدورو كبي الزربوط ههههه تفكرت العام اللي فات كرشي لفمي وانا نشري فهذو لحوايج ههه
do.php

شوفو الشمعة هذي وش مليحة

do.php

و الجماعة نتاع حرام الاحتفالات نقلهم سامحوني والله ولاتلي عادة مقدرتش نحبسها تربينا على هذا الشي والنية هنا ندخلو الفرحة لقلوب ولادنا يحبو هذو الحوايج بزاف ونعلموهم ونعرفوهم بالرسول حنا عادة بعد الاحتفال نديرو حلقة ولا جماعة ونقعدو كاااامل العايلة ونحكيو على الرسول حياتو بناتو ازواجو كلش كلش هكذا باه عمرنا ما ننساو حنا ولا ولادنا قصة حياة رسولنا الكريم
هيا صلو على رسول الله قبل ما تروحو
و ارجو التفاعل
 
آخر تعديل:
رد: تحضيراتكم للمولد النبوي الشريف

يا هلا باسماء وبمواضيعها الجميلة والبشوشة كيما هي هههههههههههه
انا والله يا اسماء راهي باحرتلي المسيو دا دموند تاع راحة حب اروح لدارهم ومزال ما بانش وفقتاه وبقيت حاصلة نوجد ولا ما نوجدش منا لغدوة تبان
ان شاء الله نستفادو من الموضوع
على العموم اليوم وجدت سميد الطمينة حمصتو في انتضار المزيد
 
رد: تحضيراتكم للمولد النبوي الشريف

في البداية يعطيك الصحة على الموضوع حبيبتي //والصلاة والسلام على نبينا المختار//انا تاني نحب هادو المناسبات سورتو المولود احنا نديرو رشتة بالجاج مع الشمع والنوالات للولاد والمحارق والبومبات للكبار يعني ليا//نموت عليهم ولادي دايرين حالة بالبكا وانا نفرقع:p:d///وتاني كاين لي يديرو الحنة للولاد المهم وللصباح نديرو الطمينة كيما قالت نعيمة ااحنا نقولو الليل سبق كيما هادى العام ان شاء الله لعشى لثنين فليل والثلاثاء الصباح الطمينة وكل واحد وعوايدو الله يعاودو علينا احنا والامة الاسلامية بالخير والهنى //امين صح عواشيركم
 
رد: تحضيراتكم للمولد النبوي الشريف

يا هلا باسماء وبمواضيعها الجميلة والبشوشة كيما هي هههههههههههه
انا والله يا اسماء راهي باحرتلي المسيو دا دموند تاع راحة حب اروح لدارهم ومزال ما بانش وفقتاه وبقيت حاصلة نوجد ولا ما نوجدش منا لغدوة تبان
ان شاء الله نستفادو من الموضوع
على العموم اليوم وجدت سميد الطمينة حمصتو في انتضار المزيد[/
مالا راكي بين وبين نعيمة المهم متنسايش تصوريلي كل حاجة تديريها متفاهمين انا راني غير ببورتابل محمد عليها راني عاطلة هكذا الله غااااالب
 
رد: تحضيراتكم للمولد النبوي الشريف

في البداية يعطيك الصحة على الموضوع حبيبتي //والصلاة والسلام على نبينا المختار//انا تاني نحب هادو المناسبات سورتو المولود احنا نديرو رشتة بالجاج مع الشمع والنوالات للولاد والمحارق والبومبات للكبار يعني ليا//نموت عليهم ولادي دايرين حالة بالبكا وانا نفرقع:p:d///وتاني كاين لي يديرو الحنة للولاد المهم وللصباح نديرو الطمينة كيما قالت نعيمة ااحنا نقولو الليل سبق كيما هادى العام ان شاء الله لعشى لثنين فليل والثلاثاء الصباح الطمينة وكل واحد وعوايدو الله يعاودو علينا احنا والامة الاسلامية بالخير والهنى //امين صح عواشيركم
هههههههههه عجبتني غزوة البونبات انا لا روماركيتي شريت غير الصغار ههههه نخاف منهم نموووووووووت بصح نشتي ريحتهم تجيني هذيك هي ريحت الاعياد
وبصحتكم الرشتة و الطمينة وماتنسايش الضور ههههههه
 
رد: تحضيراتكم للمولد النبوي الشريف

بووووسة كبيرة لانريس الزينة راهي تهبل تقول راهي في حفلة تنكرية هههههه
انا قلت انشاء الله ندير طعام بالمرقة والصباح الطمينة
مازال ماشرينا والو بالاك لغدوة انشاء الله
اللهم صل وسلم على سيدنا محمد
 
رد: تحضيراتكم للمولد النبوي الشريف

اللهم بارك وصلي وسلم على اشرف الخلق سيدنا محمد صلى الله عليه وسلم
الله يباررك على انريس تهبلللللل هههه ندوش ثاني قاتلي في عيد ميلادو اخدميلنا طارطة واكتبي عليه محمد صلى الله عليه وسلم وقاتلي هكا باش يفرح بينا هههه شوفي هذاك التفسير البريء
نوافيكم بالصور لا حيانا ربي ان شاء الله
 
رد: تحضيراتكم للمولد النبوي الشريف

السلام عليكم
يعطيك الصحة انريس على هاذ الموضوع راه في القمة اولا الصلاة والسلام على نبينا الحبيب
بالنسبة للمولد هنا في اسبانيا مش موجود كما يعلم الجميع لكن في داري ومع ولادي زوجي نحتفل بيه نعمل شخشوخة دايما وحاجة معاها شربة ولا حاجة فالفور مع سلاطة وديسير طبعا
اما الطمينة مانديرهاش مايحبوهاش الدراري
فالسهرة ندير الحنة لبنتي ملاك ولولاد الذكورة (سيراج الدين وفادي) مايحبوش الحنة يحشمو كي يخرجو برى ولا في المدرسة يسقسيوهم بزاف واش هاذا ههههه
وهذا هو المولد عندي
ومولدكم مبروك وصحى ليكم كاملين واش راح تطيبو
 
رد: تحضيراتكم للمولد النبوي الشريف

انريس الصور ما كانتش باينة الخطرة الاولى الله ابارك راكي قايمة بيها وانريس ربي يحفضهالك هي وريناد
وعجبتني الشمعة الاخيرة ابعثيلي واحدة راني نستنى فيها نضوي بها بوسعادة
 
رد: تحضيراتكم للمولد النبوي الشريف

بووووسة كبيرة لانريس الزينة راهي تهبل تقول راهي في حفلة تنكرية هههههه

انا قلت انشاء الله ندير طعام بالمرقة والصباح الطمينة
مازال ماشرينا والو بالاك لغدوة انشاء الله
اللهم صل وسلم على سيدنا محمد​
يعيشك دليلة وبووووووووووووووووووسة اكبر لانوستي اشريلها هي تاني ماسك هكذا باه يديرو الاميرة سندريلا و ربانزل انريس تشتي ربانزل تقلي طوليلي شعري باه نولي كيفها هههههه
وبصحتك البربوشة حتى قبل ما توجد مطرح ما يسري يمري
كي تشري ان شاء الله شاركينا بالصور كشما نديولك شمعة ولا محريقة هههههه على سيرة محريقة ريناد بنتي نعيطولها محريقة معندهاش الشعر و بسيف باه نحكملها قطوشة تجي زي محريقة هههههه
 
رد: تحضيراتكم للمولد النبوي الشريف

اللهم بارك وصلي وسلم على اشرف الخلق سيدنا محمد صلى الله عليه وسلم
الله يباررك على انريس تهبلللللل هههه ندوش ثاني قاتلي في عيد ميلادو اخدميلنا طارطة واكتبي عليه محمد صلى الله عليه وسلم وقاتلي هكا باش يفرح بينا هههه شوفي هذاك التفسير البريء
نوافيكم بالصور لا حيانا ربي ان شاء الله
الله يسلمك عفوفة ندوش تاني و رائد ربي يحفضهملك انشاء الله انا مين نشوفهم نقرا عليهم المعوذتين تالمن حلوين بزاف سييييييييرمن داو هذا الشي من ماماتهم الحلوة
مسكينة ندوش والله فكرة مليحة بالاك نديرها مع انا فيها فيها تارتة طاحلي مع عيد ميلاد محمد راجلي هههههه انتظروني راني بالاك وركزو على بالاك نخرج ضرك و نصورلكم سطيف من قلب الحدث نورمالمن قالي نولي ليك نديك منعرف ايلا مانساناش ههههه كيما عوايدو
 
رد: تحضيراتكم للمولد النبوي الشريف

انريس الصور ما كانتش باينة الخطرة الاولى الله ابارك راكي قايمة بيها وانريس ربي يحفضهالك هي وريناد
وعجبتني الشمعة الاخيرة ابعثيلي واحدة راني نستنى فيها نضوي بها بوسعادة
هههههه هاكي شمعة وصلاتك هههه شفتي التمشحيح نمدو غير بالوحدة هكذا باه تعودي تجي وتدي واش حبيتي منهربوش من برا لبرا فهمتيييييييييي;)
 
رد: تحضيراتكم للمولد النبوي الشريف

عليه الصلاة و السلام
مشاء الله على انريس الزينة جات تهبل الله يبارك
من حيت خلقت فالدنيا و وعيت لقيت امي كل عام تديرلنا حفلة في يوم المولد النبوة الشريف و تحكينا على حيات الرسول صلى الله عليه و سلم اييه يا ايام زمان كانت كل حاجة و كل موسم بنسمته
و انا تاني كل عام نحتفل بمولد النبوي الشريف في داري مع ولادي و جيراني ندوقوا بعضانا و نغنوا يخرجوا لولاد يطرطقوا و نجتمعوا حنا الجارات على سني اتاي و نحكوا و نغنوا زاد النبي و فرحنا بيه و نديروا الحنة و نفرحوا بهداك النهار فرحة كبيرة و في الغد نديروا بركوكس حاار و بنين و طمينة هدي لازم تكون و هدا العام قلت ان شاء الله نخدم شوية نتاع مقرود و قريوش راني نقول بلاك غدوة نخدمهم غير شويا برك
و كل عام و الامة الاسلامة بخير الله يجعل ايامنا كلها فرح
 
رد: تحضيراتكم للمولد النبوي الشريف

عليه الصلاة و السلام
مشاء الله على انريس الزينة جات تهبل الله يبارك
من حيت خلقت فالدنيا و وعيت لقيت امي كل عام تديرلنا حفلة في يوم المولد النبوة الشريف و تحكينا على حيات الرسول صلى الله عليه و سلم اييه يا ايام زمان كانت كل حاجة و كل موسم بنسمته
و انا تاني كل عام نحتفل بمولد النبوي الشريف في داري مع ولادي و جيراني ندوقوا بعضانا و نغنوا يخرجوا لولاد يطرطقوا و نجتمعوا حنا الجارات على سني اتاي و نحكوا و نغنوا زاد النبي و فرحنا بيه و نديروا الحنة و نفرحوا بهداك النهار فرحة كبيرة و في الغد نديروا بركوكس حاار و بنين و طمينة هدي لازم تكون و هدا العام قلت ان شاء الله نخدم شوية نتاع مقرود و قريوش راني نقول بلاك غدوة نخدمهم غير شويا برك
و كل عام و الامة الاسلامة بخير الله يجعل ايامنا كلها فرح
ايييه يا فريدة والله غير نشفا كي كانو لبنات يجيو يعيطولي باه نخرجو ونلمو بعضانا ونشعلو الشمع فكرتيني في ايامات هايلين راحو انا راني ما زالني نستنا ما جا ما طل وقيلا نساني السيد انا تاني ندير لمقرقشات باه نشربو بيها لا تاي و قلت ندير حبيبات قاطو خفافي برك بالاك ضرك نديرهم في السهرة
 
رد: تحضيراتكم للمولد النبوي الشريف


اللهم صل و سلم على الحبيب المصطفى

و عليكم السلام انريس
المولد عندنا يجوز عادي من غير العشا لفي الاغلب دائما رشتة
و السهرة طمينة و مكسرات
و بالمناسبة هاهي اول التحضيرات
iiBln.jpg


Czl23.jpg


l6FYg.jpg


و الف شكر على الموضوع الباهي الخفيف .. و خيار الناس .. ناس19 :)
 
رد: تحضيراتكم للمولد النبوي الشريف

ياااا عمري شحال شباب هاد الموضوع
ميرسي حنونة
ماتنسوش الحنة :up:
نشاله تفوتوها غااياا
 
رد: تحضيراتكم للمولد النبوي الشريف

اووووووووو رغود رشتة لحراير يا لالة ربي يحفضك ونشاء الله نعقبوه بخير و على خير و يتعاد علينا نشاء الله وكل عام وحنا بخير وملمومين في اللمة امين يا رب العالمين
 
رد: تحضيراتكم للمولد النبوي الشريف

ياااا عمري شحال شباب هاد الموضوع


ميرسي حنونة


ماتنسوش الحنة :up:


نشاله تفوتوها غااياا
ودي تييييييييgي يالهوي يا لهوي كن ننسى الحنة تنسيني انريس النهار اللي زدت فيه راهي غير تستنا فيها بفاااااااااارغ الصبر:yahoo01:
 
رد: تحضيراتكم للمولد النبوي الشريف

اللهم صل وسلم على سيدنا محمد
موضوع هاااايل اسومتي كيما مولاتو
وانريس ماشاء الله تهببل والله صح يااسماء بنتك عندها واحد الزين والشارم الله يبارك كي تكبر رايحين يتخاطفو عليها ههههه ربي يحفظها من العين
خسارة برك طارولي ساشيات تع رشتة رغود داوها الصحاح ايا ماعليش ادا كتب ربي غدوة ان شاء الله ندير
مالا هكدا المولود عدنا عشا تقليدي مع حنة وطمينة وشمع فالدار لازم
ادا كانت حاجة جديدة راني ندخل خخخ
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top