ماذا ستطبخين اليوم آنستي، سيدتي؟ **42**

الحالة
مغلق ولا يسمح بالمزيد من الردود.
رد: ماذا ستطبخين اليوم آنستي، سيدتي؟ **42**

قال أم رزق الله:
جبتلكم شوية قلب اللوز باش تسهرو سبيسيال لصحاب الماريكان :p

do.php
إضغط للتوسيع...
هههههههههههه بيسيال لصحاب المريكان بصح موصلنيش وعلاش دوختينى بيه
 
رد: ماذا ستطبخين اليوم آنستي، سيدتي؟ **42**

علالالالالالالالالالالالالالالاه ياشهرزاد تقتلي فينا بالعرق خرجت بسبوسة هايلة ياشاطرة
والله غير خرجت رغودة بصح مكاين والو حذايا جو مايترطاش
امممممممممممممم على البيتزا الصباح حبوبة وضرك ام ندى بصحتكم يالحرة ونزيدك مكنتش عندي حاجة فى البيتزا انت لحببتهالى
الله الله ايمان اطباق تشهي اسخفوووووووووووووووووو
ربي يبارك ام سراج ويسلم يديك على الاطباق وتصغير الصور
انا الصباح نطيب في الرخساس تفكرت صومو نهار لي قالت راهي متجينيش مدورة الرخساس والغدوه دراتو مدور اهبل
 
رد: ماذا ستطبخين اليوم آنستي، سيدتي؟ **42**

السلام عليكم
اخت ابتسام نعم انا راني ف ليسبان احنا هنا عندنا اللحم حلال بانواعو عندنا الجزائريين جزارين يخدمو المرقاز 444444444
شهرزاد الطاجين شوفي جطيت قطع الدجاج مع البصلة والملح والزيت فلفل اسود وشوية زبدة قليتهم مليح ومرقت بشوية ماء
حوالي كاس وخليت الجاج يطيب نص طياب
من جهة اخرى قطعت البطاطا دوائر متوسطة ودرتلها الملح والفلفل لكحل والمعدنوس وظفتها للجاج ودرت فوقها شرائح تاع الطاطم وخليتو على نار هائة جدا لانو مافيهش الماء بزاف بطيب على البخار برك منين شفت البطاطا طابت زدت قطع من القارص والزيتون وشوية معدنوس
وشهية طيبة
 
رد: ماذا ستطبخين اليوم آنستي، سيدتي؟ **42**

ايه يا بسومة مكاش كما النار و الله يا كتكون بدون عازل (الزجاج) تحسي بدفئ حنين
خطرة واحنا هنا في البلاد مالغري عندنا الغاز نحبو نطيبو بالحطب طياب الحطب لا يعلى عليه
في نهار مسحب مبرد هه يما حطت طيب الكسرة طبعا في الهواء الطلق
و نا طيبت القهوة و تلمينا على النار جا عمي يرفد حاجة ريح معانا و خلى شغلو عجباتو الحطة:-r
************
بسبوسة باينة خفيفة وبيان معسلة بصحتكم شهرورة
ام سراج طاجين يهبل و رخساس على الصح
ندى حسبت روحي غير انا نبيتزي و نساربي مالا رانا في الهوى سوا
ايمانو داك الحوت ريحتو راها عندي
ام اياد لويت محجوبة بصحتي و بصحتكم

العشا خبز الدار و شطيطحة بطاطا مفلفلة صحني مرستو شويا و عطرتو بزيت الزيتون و الحشيش
و لكن ان تتخيلو المذاق و الواحد يغطس و ياكل بصباعو ههه ...أخيرة ارواااااحي تقطسي معايا:d
العشا وعرفتوه ما تسالوني ما نسالكم ههه بصحتكم وش تعشيتو
سفرة هنية دائمة ..سلامي للحاضرات و الغائبات.​
 
رد: ماذا ستطبخين اليوم آنستي، سيدتي؟ **42**

خخخخ علي متسلوني مانسالكم
لعشا جاجة في الفرن
خخخ فتح حدانا باطوار كل يوم نذبح ونعاود
بصحتك تغميسة رغود
بصحتكم لعشوات لبنات
 
رد: ماذا ستطبخين اليوم آنستي، سيدتي؟ **42**

الله الله عليكم
مشاء الله ديما مزهيين و منويين الكوزينة يعطيكم الصحة
كامل
فردا فردا
و بلا ما ننسى نهني سامو بازدياد ملاك
هدا الاسم شحال يعجبني
الف الف مبروك تتربى في عزكم
و ربي ينوظك بالسلامة

​
 
رد: ماذا ستطبخين اليوم آنستي، سيدتي؟ **42**

اهلا انروسة واش اخبارك
نخليكم على خير تهلاو في رواحتيكم سلام وليلتكم سعيدة
 
رد: ماذا ستطبخين اليوم آنستي، سيدتي؟ **42**

مساكم بالخير لبنات صح عشاكم راني جمجمتكم الكل يعطيكم الصحة كل شئ فوررررا يالفحلات
 
رد: ماذا ستطبخين اليوم آنستي، سيدتي؟ **42**

مساء الخير لبنات سامحوني على هذا التقصير والله ملقيت روحي خلاص ما بين الخدمة والدار و الاولاد راني غير نجي نطل و نروح يعطيكم الصحة كامل و تصبحو على خير
 
رد: ماذا ستطبخين اليوم آنستي، سيدتي؟ **42**

مساء الخير اسما راني وحدي ندور من كلوار لكلوار مزية طليت شوية خير من مكانش
 
الحالة
مغلق ولا يسمح بالمزيد من الردود.
العودة
Top Bottom