ماذا ستطبخين اليوم آنستي، سيدتي؟ **42**

[hadda0425]

رد: ماذا ستطبخين اليوم آنستي، سيدتي؟ **42**

حالياً الأعضاء النشيطين الذين يشاهدون هذا الموضوع : 67 (26 عضو و 41 ضيف) ‏hadda0425, ‏Ahlem&mou, ‏أم انس عبد الله, ‏أم رزق الله, ‏bellafoufa, ‏ام نوسه, ‏ام بسومة, ‏ام سراج الدين وملك, ‏ام فيروزا, ‏انريس, ‏بنت الجسور المعلقة, ‏ibtesem+, ‏imen ahmad, ‏حورية الجزائر, ‏miss cool, ‏nada242008, ‏nassima 87, ‏nassima88, ‏om mimi.mili, ‏SaRa QuEeN, ‏sarah11, ‏s_luna, ‏كوثر الوهرانية, ‏عاشقة الوردة, ‏عفاف الجزائرية, ‏ wassila21

اهدري برك معانا والسلاك عليا بالاورو بالدولار العملة لي تحبي ههههههه ​

 

[hadda0425]

رد: ماذا ستطبخين اليوم آنستي، سيدتي؟ **42**

فريدة السوال عليك ختي رانا الحمد لله والله حيرتينا غير الخير
وش راه زوجك ياخي قلتي راه لاباس
​

 

[shahrazad]

رد: ماذا ستطبخين اليوم آنستي، سيدتي؟ **42**

مساااء النووووور
احبسوو شوية كل مانجي نرد نلقاكم تجروو ههههه
نقلب فالصفحات و نضحك ربي يحفظكم ياام ندوش وخيرة على خفة دمكم
خيرة ههههههه والله غير صح هادي هيا الام المدبرة يدها جيب الخير و حاجة ماتنقاسش ماشي كيما انا خخخخخخ
ام ندوش طلبت الوصفة وطبقتيها انتي والله يعطيك الصحة جاك اممممممممممم
حدووود خرجة من الكبار ياااه فوور فوور فوور يعطيك الصحة.. مادبرتيلي والو معاك فهاد الغيبة ؟؟الستاج راني قريب نكملو هههه .....حدود ميمي ماتزوجت ماندبت خخخخ راهي مسلمة عليكم وتوحشتكم برك راهي مشغولة بزاف مع خدمتها
نسيمة طحتي على قلبي بالبانكيك والشكولا يميييييي يعطيك العافية
ام رزق الله بصحتكم الروز حبة حبة ماطرح مايسري يمري
ام فيروزاا على السلامة صحة عشاكم الجلبانة تشهي
ان شاء الله مانكونش نسيت حتى وحدة
عفااااااااااااااف اهدري واشبيك ان شاء الله تكوني بخير ياالزين

اليوم درت المطلوع مانيش متمكنة فيه مليح مليح بصح اليوم عجبني الحمدلله
وكرمب

​

 

[انريس]

رد: ماذا ستطبخين اليوم آنستي، سيدتي؟ **42**

حببيت نصقصي على انريس في قائمة المفقودين ...وينك يا طفلة ارجعي لمنتداك ولا عفاف المعلمة صاحبتك نساتك فينا هههه

مساء الخير لبنات عفاف هاني جيت كنت في دارنا عندي بزاااااااااااف مقعدتش مع ماما قعدة مسقمة كل يوم نمدلها الاولاد ونروح نخدم من الباب ولعشيا يجي يديني من المدرسة و تهبطلي البنات تاني تمدهملو في الباب ساعات حتى منشوفهاش تهبط اختي و محسوبة عليا راني كل يوم في دارنا اليوم قتلو منيش مروحة حتى الليل هذوين دخلت حطيتلو تعشى وغسلت لماعن وطوووووووول جيت ليكم متهنية اناكل يوم نضرب طلة عليكم منخليش حباباتي وصاحبتي عفاف راهي رجعت فرحت بزااف بيها كي ولات الاخرين انا والله منخدمهم الحمد لله كي رجعت
المهم ميرسي لحبيبة كي سقسيتي عليا والله يا عفاف غير نحبكم كاااااااامل :regards01:
وشنهي راهي سامطتلي كي الميكرو مهوش يعقبلي في لي فوتو زعمة نشري اباراي فوتو يخي البارح كي شفت البيتران نتاع نعيمة حكمتني الغيرة رحت شريت واحد اليوم جبتو وراني مخبياتو في البلاكار حتان نشوف كيفاه نديرلو المقدمات علابالي ضرك يسمع يندبلي يقلي حنا حاصلين في البنية وانت راكي تفسدي في الصوارد اللي عندها سبة مليحة غير تلحقني بيها راني حايرة واش نقلو
حدود و خيرةونعيمة ومليكة و ام رزقو و دليلة و ام سراج وملك و ام شيماء و سارة السطايفية و بيسو والثلج و شهرور كاامل هاكم بيزووووووووو ونحبكم و يعطيكم الصحة
حدة كامل راهم يهدرو على الخرجة نتاعك لكبيرة انا والله ماراهم يخرجولي لي فوتو بصح علابالي بلي فحلة من لكبار منخافش عليك بالاك ضرك ندخل من التيليفون نشوف هذا الميكرو راح فيها كل يوم يخرجلي عيب جديد

 

[shahrazad]

رد: ماذا ستطبخين اليوم آنستي، سيدتي؟ **42**

فريدة حبيبتي غير الخير قلقتينا عليك ربي يهني بالك اموااااح​

 

[om mimi.mili]

رد: ماذا ستطبخين اليوم آنستي، سيدتي؟ **42**

مساء الليرات والخيرات
نسيمة//عشى خفيف ضريف بصحتك حنونة زيدوني في لاليست تاع الشيكولا انا تاني مدمنة ///امنيتي راني نسنى في التونو الموف////حدة صح عشاك///ابتسام الله الله على هداك التلج والماكلة ما عندي ما نقول تشهي سورتو المحجوبة امممممممممم فحلة ونصف///ام هادي لاكونكسيون هادى الوقت قليلة هبطي عندي تسيي بلاك يروحو من عندي//ام فيروز عشاك يشهي بصحتكم انتي ولولاد//الحبوبة وين راكي//نعيمة نوم العوافي ///زينوبة صح عشاك///دليلة وين راكي طلي علينا///والجماعة الكل صح عشاكم اليوم درت طاجين الزيتون وقوارب البطاطا وعجنت شوية خبز والحمد لله

 

[رونق الزهور]

رد: ماذا ستطبخين اليوم آنستي، سيدتي؟ **42**

المشوط خرجلك روعة راكي تمكنتي خلاص ههههه

 

[انريس]

رد: ماذا ستطبخين اليوم آنستي، سيدتي؟ **42**

اممم حدة هاني شفت لي فوتو يعطيك الصحة مرا ونص
ام فيروزة سامحيني لحبيبة نسيتك هذوين وانا نشوف في الماكلة نتاعك قلت يا خاه نسيت الفحلى نتاعنا معلبليش واش صرالي سامحيني لحبيبة مديريش عليا مخي راهو في هذاك البيتران المخبي ملقيت كيفاه نبداهالو خفت يروح يحل لبلاكار و يلقاه لازم نزرب نلقالو سبة باهية المهم نقلك يعطيك الصحة رايي و تعرفيه في طيابك حتى و ننسى منعلقش راكي ديما فوووووووور ربي يخليك

 

[ام فيروزا]

رد: ماذا ستطبخين اليوم آنستي، سيدتي؟ **42**

الله الله عليكم ربي يبارك ويدوم النعمة والصحة
يسلم يديك فيفي اطباق تشهي
امممممممممممممم غرتان تحفة حبوبة بصحتكم
444444444444 يالوردة كلش من يديك بنين تسلمي
ياسلالالالالالالالالالالالام بعودة الغالية حدة ليك وحشة ربي يبارك على اطباقك سخفتنى لوبيا والخميرة بصحتكم
ام ميمي باينا ذوق لايقاوم
ياشهرواد الشاطرة اعطيك الصحة ربي يبارك عليك
اهههههههههههههههههههه على الحرة ام ندوش وعلى هذاك الطجين وحطتو باين بنين يقتل

 

[om mimi.mili]

رد: ماذا ستطبخين اليوم آنستي، سيدتي؟ **42**

الله يسلمك نبيلة اختي//اسما على سلامتك وشرهاي يماك وخاوتك////ام هادي وين شفتي المشوط///على السلامة فريدة وربي يحلي ايامك ويفرج عليك كلشي يجوز والمورال رانا كامل كيف كيف خطرات مع حوايجك تتقلقي المهم تصبحو بخير غدوة ان شاء الله

 

[انريس]

رد: ماذا ستطبخين اليوم آنستي، سيدتي؟ **42**

نسيمة هذوين لحقت ليك الدروس قواو عليا اله غالب هذا حال التلميذ المهمل هههه يعطيك الصحة يا الفحلة كلش من يديك هايل ربي يحفضلك هذوك ليديوات يارب و يرزقك بالذرية الصالحة

 

[nada242008]

رد: ماذا ستطبخين اليوم آنستي، سيدتي؟ **42**

فريدة كيما قالت حدة حيرتينا عليك والله..ربي يسهلك امورك ان شاء الله
شهرا المطلوع يهبللللللللللللل واش راح يزيد يا لالة ..حنا نغبروه بالفرينة ونتوما بالسميد برك والطاجين شفتي هههه نتي طلبتي وانا طبقت عجبني حتى انااا ولقيت اللي تسقسي في بلاصتي ههههه
انريس فرحت كي شفتك دخلتي ..هذو الجماعة القصارة يخلو بلاصتهم كي يغيبو ههه وبصحتك العجانة والله ولات ضرورية وراهي كيفها كيف الماشينة لافي وعادت في كل دار ..كثريلو من الخبابيز واالعجاجين يموت بالفرحة وكل ماطيبي قوليلو كون مش هذي لي مساعدتني مانديرش هههههه
انا ضرك كي يسسخف على حاجة ونقولو تعبانة يقولي يخي نتي ماديري والو هي تديرلك كلش هههههههه
ام ميمي عشا يشهي سيرتو طاجين الزيتون هااايل

 

[رونق الزهور]

رد: ماذا ستطبخين اليوم آنستي، سيدتي؟ **42**

ياخي قتلك بلي المشوط هو المطلوع ولا نسيتي هههه
تصاور ماحبوش يطلعو هبلوني الكونكسيو حبوبة

 

[ام فيروزا]

رد: ماذا ستطبخين اليوم آنستي، سيدتي؟ **42**

الله يسلمك اسماءوالله اعطيك الصحة كي جبتيها وهو يامن ليهليه ولا مشكاك المهم بصحتك وعلاه راكي تخدمي انا شرهلي و فسدهالى هو والله مافرحت بيها قتلو عضم شقى منيش مالفا
على سلامتك اختي فريدة

 

[رونق الزهور]

رد: ماذا ستطبخين اليوم آنستي، سيدتي؟ **42**

هادا وين شفت عشاك مليكة راكي تبدعي

 

[كوثر الوهرانية]

رد: ماذا ستطبخين اليوم آنستي، سيدتي؟ **42**

انريس بصحتك البيتران و شوفي كاش بوقال شقفي بيه راجلك خليه يزعف شويا و تفوتله المهم نتي راكي شريتيه
شهرورتي بستك وصلتني و لاقيتها بالفرح و السرور و لكي بالمثل حبيبتي
حدة يا حدة الحمد الله اللي راكي بخير
زوجي رايخرج من مرضة يدخل في اخرى البارح راح دار التحاليل نتاع السكر و تبين انه طالع بزاااااااااااااااف
قالتله الطبيبة عاود دير تحاليل يومين و رجعلي نهار لخميس تبان النتيجة

 

[انريس]

رد: ماذا ستطبخين اليوم آنستي، سيدتي؟ **42**

الله يسلمك اسماءوالله اعطيك الصحة كي جبتيها وهو يامن ليهليه ولا مشكاك المهم بصحتك وعلاه راكي تخدمي انا شرهلي و فسدهالى هو والله مافرحت بيها قتلو عضم شقى منيش مالفا
على سلامتك اختي فريدة

ه ام فيروزة ربي يعوضك بوحدة خير وعلى راجلي مسكين يامن ليه ليه كن نقلو لقيتها في الطريق يامني خطراكش منيش موالفة نكذب عليه و شنهي هو علابالو بلي انا نكذب عليه غييير في الامور انتاع السعر جامي مديتلو ثمن نتاع حاجة صحيح وديما يكشفني نقلو انا منشتيش نقلقك بالاسعار باه متفسدلكش الماكلة ههههه يعني انا هنا مثلا عندي حل واحد و وحيد انني نقلو العجانة شريتها ب400 ولا 500 الف وهو عاد مايامنيش في مسالة الاثمان هذي كشفني قداه مرة ملقيت منقلو بالاك نقلو شراتهالي ماما برك وخلاص

 

[امينة02]

رد: ماذا ستطبخين اليوم آنستي، سيدتي؟ **42**

مالا نتي طويلا بزاااف الله يبااارك. ههههههي

 

[ام فيروزا]

رد: ماذا ستطبخين اليوم آنستي، سيدتي؟ **42**

والله يا ام ندوش كى شراها قالى ضرك خلاص كان حبيتي روحي لداركم زعما يلعب فيها وانا كون نخليه يعادى الناس ويمرض نفسيا

 

[حاملـة المسك]

رد: ماذا ستطبخين اليوم آنستي، سيدتي؟ **42**

السلام عليكم

اهلا بالملتحقات الجدد .. اهلا بك أم أحلى هادي
بصحتكم البنات لعشا .. دوام النعم

بعد اذنك خيرة الكوزينة راح نجبدو مواعنها الشابين قريبا :-h

قريبا:

[مسابقة] فن اعداد المائدة

انتظرونا​