ماذا ستطبخين اليوم آنستي، سيدتي؟ **42**

[nassima 87]

رد: ماذا ستطبخين اليوم آنستي، سيدتي؟ **42**

نسوم واش احوالك توحشت طيابك وتفنن ديالك فيه وخص نص ادا كان قدام هاداك الكرسي نتاع الحطب هههههههههههههههه

السلام علسكم ختيتي ميمي هادي غيبة توحشناك او حتى الكرسي توحشك قالي حتي تجي ميمي باش نتحرك​

:d:d:d

 

[s_luna]

رد: ماذا ستطبخين اليوم آنستي، سيدتي؟ **42**

لونا حبيبتي واش راكي توحشتك يا لزينة انشاء الله بخير

أهلين بميمي حتى أنت ليك وحشة حنونة رانا مع الوقت و المورال لي راه يتكركر :down:
حنا قلنا صايي تهنينا منك و اعتزلت العزوبية و التحقت بالركب أتاريك كيفنا :p واععع الحمد لله لي راكي بخير و مبروك عليكم الأنفرسارات ربّي يدوّم الأفراح :-r
***
ابتيسوو أنا قلت ننضم ليكم باه نساندكم أمّا لاطاي تاعي هيهيهي ماراحش تزيد حتى و إذا كليت كلّ أكلكم اممم لي ياخذ العقل ضربة وحدة :d ( هيا راني درتلك القلب اشطاري :-o )
***
أختي خيرة يسقسي عليك الخير أنا خاطيني الطياب راني نتعلّم من عندكم و زيد الوقت مكاش يا دوب هذوك لسويعات نريّح فيهم و نجي نقابلكم
***
نبارك لسهامووو ملك و نقوللها تتربّى في عزكم إن شاء الله و لعفاف تروح و ترجع بالسلامة و ماتنسايش تدعيلنا
***
نرحّب بكلّ لي التحقت بكوزينة أمّ زكزوك ،، كاش أخبار على الحلوة و عفاف 3 و كلّ الغايبات إن شاء الله يلحقونا و يطمنونا عليهم

هيا راني هدرت بزاف صحا فطوركم و يعطيكم الصحة على واش راكم تقدمو و يا من عاش :regards01:
​

 

[mimi53]

رد: ماذا ستطبخين اليوم آنستي، سيدتي؟ **42**

ههههه نسومتي تعيشي حنونة اهملا اتهلاي فيه حتى نجي هههههههههه
لونا نخليكم مورايا وادي تيجي نروحو كيف كيف ولا نقعدو ههههههههههههه
تعيشي اختي لونا ربي يخليك

 

[hadda0425]

رد: ماذا ستطبخين اليوم آنستي، سيدتي؟ **42**

مساء الخير يا طباخات
بصحتكم غداكم حنا غدانا هو عشانا تع البارح غير انا وبنتي مادرت والو اليوم درت زوج قرصات كسرة وريحت دك بصح راهي جات العين وجا الما وخرجت الخدمة
هيلدا بصحتكم التجغبيلة هههه
ندوش لمحاجب على كيف كيف وهريسة وكوكا وين بتو هههههههه
سارة جلبانة وكسرة مفشفشة تع حرات ربي يبارك سخفتوني نت وندوشة في الكسرة انا عندي سميد مخصوص ما يصلحش وععععع
دلول ريحتي من ظهرك
سمورة وفريدة تسلمولي يا احلى غاليات
نور بصحتك القعدة مع الوالدين ربي يحفظهم
نبيلة بصحتكم التراب ههههه قصدي الاولاد ولعبهم وبصحتكم عشاكم
خيرة والخبز العربي يم يمي بصحتكم يا السمرا هههه
مليكة بصحتك العدسون ومبروك لاختك وربي يرجع ماماك بالسلامة
لاسوري شربت الحار ههههه

 

[حاملـة المسك]

رد: ماذا ستطبخين اليوم آنستي، سيدتي؟ **42**

مساء النور
محجوباتي هذا وش تصح لصوارة
حنا رانا من الطاوة للمعدة:d
و يعطيك الصحة ندودة درت القلب لقلبي
صح غدواتكم لبنات

​

 

[hadda0425]

رد: ماذا ستطبخين اليوم آنستي، سيدتي؟ **42**

رغود ساميتي ندوشة وين هي لهريسة والكوكا ههههه

 

[رونق الزهور]

رد: ماذا ستطبخين اليوم آنستي، سيدتي؟ **42**

يا مليكة انتي تاني نية ديري كيما قتلك تبرد ظربة وحدة
ههههه ياختي حضارات وخليتيه يدلك لعشا ماكيش ساهلة يختي تغريت فيك هههه

 

[رونق الزهور]

رد: ماذا ستطبخين اليوم آنستي، سيدتي؟ **42**

ميمي ههههههه الموت ماتنساني ناوالو راكي غير تكلخي برك ههههه
والله يسلمك على الترحيب وراني لاباس بشوفتكم الباهية
حاملة المسك مممممممممم وعلاه واش تسالي عندي خسرتيلي الرجيم خلاص لطاي راحت انا:yahoo01:

 

[ام فيروزا]

رد: ماذا ستطبخين اليوم آنستي، سيدتي؟ **42**

امممممممممممممم بصحتكم حاملة المسك يسلم يديك
والله ماتفض القضية حدة تقعد تولد ربي يكون في عونك وصح غداكم

 

[حاملـة المسك]

رد: ماذا ستطبخين اليوم آنستي، سيدتي؟ **42**

حدة الهريسة ميشقاش المحاجب راهم تغوا اون ان
شوفي يا لالة... فلفل لحمر و لخضر و القنطس:$
و الكوكا خلفناها بمشروب اناناس
ام هادي اتغداي و نت مطمنة مع محاجب رغود لا تزيدي :d​

 

[mimi53]

رد: ماذا ستطبخين اليوم آنستي، سيدتي؟ **42**

امممم رغود والمحجوبات شهيتونا فيهم يعطيكم الصحة
حدود واش كاش غدا ولا مطيبتيش اليوم

 

[رونق الزهور]

رد: ماذا ستطبخين اليوم آنستي، سيدتي؟ **42**

هههه هذيك عليك يا رغود انا نجرب ونشوف ان شاء الله
الور لبنات انا نروح
att

 

[serinee]

رد: ماذا ستطبخين اليوم آنستي، سيدتي؟ **42**

السلام عليكم
ممممممممممممم يعطيكم الصحة يا الفحلات
اولا نشكر لي سقساو عليا نقوللهم يسقسي عليكم الخير
ربي يخليكم
و نشكر كل من زينت المائدة باطباقها الجميلة
طاطا الغالية حدة
خالتو ابتسام
طاطا ام فيروزا نقولك بصحتك التحويسة
طاطا ام ايناس بصحتكم
ام ميمي نقولك صحا فطوركم
هيلدا
ميمي
كامل صحا فطوركم
حنا اليوم فطرنا برا
راكم عارفين حشمت نصور الغاشي كامل يشوف
نهاركم مبروك
​

 

[ام فيروزا]

رد: ماذا ستطبخين اليوم آنستي، سيدتي؟ **42**

بصحتكم سرين

 

[كوثر الوهرانية]

رد: ماذا ستطبخين اليوم آنستي، سيدتي؟ **42**

مساء الخيرات
خيرورتي خبز امممم يسخف
ام فيروزا بصحتك الخرجة و بصحتهم لولاد اللعب
حدة نوضي شمري على ديك و جبدي المدسوس العين كي تجي تجيب خيراتها نتاع الشقى الله يكون معاك
ام ميم و ام احلى هادي طلعتوا جيران وانا ما دري الله يخليم لبعضاكم
ام رزق واش راكي اختي
سيرين واش راكي يا الزينة بصحتك الغداء برا تهنيتي من غسيل الماعن اليوم
ام نوسة كاش حلوى مع القهوة اليوم
رغود غداك نفس غدايا انا تاني درت محاجب سخونين و حاااااااارين بصح فهميني في هدا قنطس علاش تديريه فالمحاجب و كيفاش بنته فهميني نتي اختي
نسيمة كي مطيبتيش الغداء وجدي على بكري العشاء و نتي ريحيت الله يهنيك اختي
اليوم و كما صبقت ان دكرت الغداء كان محاجب امممممممم بنة لا تقاوم صرالي كيما رغود كي شفت نتاع ندوشة مخليتهمش في قلبي
نهاركم سعيد
سلامي ليكم كامل كامل

 

[أم رزق الله]

رد: ماذا ستطبخين اليوم آنستي، سيدتي؟ **42**

فريدة اختي سوالا عليك ربي يحفضك و يشفي زوجك امين يارب

 

[نور الحبوبة]

رد: ماذا ستطبخين اليوم آنستي، سيدتي؟ **42**

مساء الخير لبنات ليكم وحششششششة كبيرة قولولي انتم تاني عندكم المشكل انتاع لكونيكيسون نهار تجي وعشرة لالا منقدرش نتواصل معاكم المهم بصحتكم واش طيبتو وبصحتكم التحوايس وربي اكون غي عون الي جاه الما ء اليوم درت قليان شكشوكة وشيفلور وفريت وسلاطة وحوت كانت عندي اختي وبنت خويا مقدرتش انصور مع الزرب اختي حبة تسوق خلتلي ولدها وبنت خويا تقرا املا انا نحط وهوما ياكلو ملحقتش على التصوار

 

[راضية حامدة]

رد: ماذا ستطبخين اليوم آنستي، سيدتي؟ **42**

يعطيكم الصحة يا البنات
شهيتوني
و كملتو عليا بالمحاجب
صحيتو

ندوش اختي يا ريت تعطيني وصفة الرولي
كل ما نعملو ما ينجحليش يتكسر كي ندورو
يا ريت تعطيني وصفة ناجحة

 

[mimi53]

رد: ماذا ستطبخين اليوم آنستي، سيدتي؟ **42**

على سلامتكم سيرين وام رزق انشاء الله تكونو بخير

 

[ام ايناس]

رد: ماذا ستطبخين اليوم آنستي، سيدتي؟ **42**

مساء الانوار عليكم لبنات
حدود والله ارتحت من ظهري خير من قبيل وانتي راكي مليحة منو
فريدة راهو باقيلي الصابلي قد غدوة الصباح دوك نبدا نخمم واش ندير هههههه
امممممم على المحاجب تاع رغووود يهبلو يعطيك الصحة
مليكة صح ربي يجمعك بيهم انشاء الله الغربة صعيبة
بسوم من تركيا مازادتش بانت راهي تودرت
سلالالالالالامي للجميع
​