ماذا ستطبخين اليوم آنستي، سيدتي؟ **42**

[ام فيروزا]

رد: ماذا ستطبخين اليوم آنستي، سيدتي؟ **42**

يسلم يديك يالوردة وبصحتكم
اهلين بام بتول

 

[أم البتول مارية]

رد: ماذا ستطبخين اليوم آنستي، سيدتي؟ **42**

الله الله على داك الكسكسي ابتسام made in usa بصحتكم اختي
و بيك اهلا ام فيروز

 

[ibtesem]

رد: ماذا ستطبخين اليوم آنستي، سيدتي؟ **42**

الله اسلمك اختي ام البتول

 

[هــــيلدا]

رد: ماذا ستطبخين اليوم آنستي، سيدتي؟ **42**

مساء النور،، جبتلك تصاور نتاع دي طارت لقيتهم عندي في الميكرو:

نبداو بلاتارت نتاع لاسوتنونس نتاعي:

وهاذو نتاع صحاباتي:

وهاذي نتاع عيد ميلاد بنت خالي:

وهاذي نتاع عيد ميلاد حبيبة قلبي بنت اختي:love01:

وهاذي نتاع خطوبتي :$

 

[ibtesem]

رد: ماذا ستطبخين اليوم آنستي، سيدتي؟ **42**

الله الله ياهلودة كل شي مبروك من النجاح الى التخرج الى الخطوبة
عاقبة للزواج انشاء الله :$
لكان راهو في صيف اعرضي اختك هههه متوحشة عراس :d​

 

[هــــيلدا]

رد: ماذا ستطبخين اليوم آنستي، سيدتي؟ **42**

الله الله ياهلودة كل شي مبروك من النجاح الى التخرج الى الخطوبة
عاقبة للزواج انشاء الله :$
لكان راهو في صيف اعرضي اختك هههه متوحشة عراس :d​

يبارك فيك لحبيبة، ربي يخليك،،
خخخخ حتى انا معلاباليش عرسي وكتاش لول نورمالمون راني مزوجة في دار، بصح ظروف اجلاتو،،
نشالله هاذ الصيف ولكان نعرضك وماتجيش تشوفي :p

 

[nassima 87]

رد: ماذا ستطبخين اليوم آنستي، سيدتي؟ **42**

صحا عشاكم لحباب
ام ريهام يعطيك الصحة قمتي بضيافك كيما يحب الخاطر
ابتسام اممممم طعام وعليه لكلام
هيلدا بالبراكة السوتنوس او الخطوبة لعقوبة للعرس ان شاء الله
​

السلام عليكم بالاعضاء بالضياف ان شاء الله تكونو كامل لاباس
حالياً الأعضاء النشيطين الذين يشاهدون هذا الموضوع : 52 (18 عضو و 34 ضيف)
anissa 13, ‏أم رزق الله, ‏هــــيلدا, ‏bellafoufa, ‏ام نوسه, ‏ام بسومة, ‏ام ريهام, ‏ام رحاب, ‏ام فيروزا, ‏بنت الجسور المعلقة, ‏hadda0425, ‏ibtesem, ‏maha270385, ‏nono_02, ‏nour inasse, ‏SaRa QuEeN, ‏sarah11

 

[أم رزق الله]

رد: ماذا ستطبخين اليوم آنستي، سيدتي؟ **42**

السلام عليكم صح عشاكم الله يبارك راكم 4444444
ابتسام طعام تاع عراس الله يبارك
ام ريهام يعطيك الصحة كلش بالشان و الطبع عرضة مقيومة الله يبارك
هيلدا باتيسري كامل هايلين ماشاء الله
ام فيروزا بصحتكم لعشا عند خوك
لبنات لي ما دكرتهمش يسمحولي يعطيكم الصحة كامل
هادا عشايا

 

[أم رزق الله]

رد: ماذا ستطبخين اليوم آنستي، سيدتي؟ **42**

نسيمة صح عشاك راهو يشهي و كلشي مبروك على مرت لوسك علابالي راني روطار لعقوبة ليك ان شاء الله

 

[nassima 87]

رد: ماذا ستطبخين اليوم آنستي، سيدتي؟ **42**

نسيمة صح عشاك راهو يشهي و كلشي مبروك على مرت لوسك علابالي راني روطار لعقوبة ليك ان شاء الله

الله يسلمك حنونتي امين يا ربي ماعليه ختيتي ماكيش روتار كل واحد او شغالاتو​

 

[ibtesem]

رد: ماذا ستطبخين اليوم آنستي، سيدتي؟ **42**

ام رزق و نسوم بصحتكم لعشوات اممممممممممم اشهو اجوعو خخخ
وينكم رقدتو مزال بكري راهي 3:15
مولات الدار راحت او خلتنا وين رحتي خيرورتي​

 

[أم رزق الله]

رد: ماذا ستطبخين اليوم آنستي، سيدتي؟ **42**

جبتلكم شوية قلب اللوز باش تسهرو سبيسيال لصحاب الماريكان :p

 

[ام سراج الدين وملك]

رد: ماذا ستطبخين اليوم آنستي، سيدتي؟ **42**

بصحتكم كامل لعشاوات
شهرزاد ياريت حبيبتي ديريلنا طاجين القرنون موضوع مشكوووووووووووووورة

 

[ام سراج الدين وملك]

رد: ماذا ستطبخين اليوم آنستي، سيدتي؟ **42**

وينكم لبنات رقدتو خليتو اساءكم هنا هههههههههه
مازال الحال نوضو نحكيو

 

[shahrazad]

رد: ماذا ستطبخين اليوم آنستي، سيدتي؟ **42**

سلاااام
لبنات الي سقساوني على تارت الشكولا ساهلة
العجينة فيها 125غ مارغارين+2مغارف سكر قلاص+ملح+250غ فرينة تبسسيها وتلميها بحبة بيض طيبيها وكي تبرد فرغي عليها ganache
125غ شكولا+مغرفة زبدة +100غ كرام فراش سخنيها وضيفيلها الشوكولا انا ضفتلها لاجولي
وخليها حتى تجمد الشوكولا
//
نسووووم يامجرمة ارواحي هناااا وااااع هادوك لي كراب يميييييييييييييي وبصحتكم العدس
ابتيسو ماتحبيش شيكولا اهىءء قوليلي واش تحبي باش نولي نغزلك شوية هههه ...والله ياالقصعة تع الطعام راهي تع الي يربعلها فالارض ويااالله تشهي بصحتكم
ام رزق الله امممم القلب اللوز هايل خصو لاتاي
ام ريهام ماهذا ماهذا الله عليك كلشي توب يعطيك الف صحة
ام فيروزا بصحتكم الغرتان والجيي راهم يشهووو
هيلدا الله يبارك لي تارت كامل هايلين وربي يقوي الافراح لعقوبة للعرس ان شاء الله
ان شاء الله مانكون نسيت حتى وحدة
ام سيراج مايكون غير خاطرك دوك نحط موضوع القرنون

 

[SaRa QuEeN]

رد: ماذا ستطبخين اليوم آنستي، سيدتي؟ **42**

آآااااه يا البنات كتبت رد طويييييل زعما درت تقرير علقت عليكم بالواحدة من الصفحة الاولى للاخيرة جا خويا قالي روحي حطيلي نتعشى رحت و جيت لقيتو طفا الميكرووو ااااييي شقى عمري راااح

المهم راكم كامل فور ليوم نرقد بالقنطة خخخخخخخخ
حبيت برك ندي الطبسي تاع قلب اللوز يخي نتوما ريجيم خليوهولي نحي بيه الزعاف :d يخي معليش هههههه والله غير سخفني وانا بزااف نحبو بصحتكم حنونة و مادابيكم زيدولي شوية باتيسري منتاع هيلدا اي تبان بنييينة الف مبروك حبيبتي ربي يهنيك
هيا خلاص ما نكثرش عليكم
البنات كاااامل كاممل راكم فالقلب والله نعزكم كاامل
شهرورة شفتي التقييم!
سهرة ممتعة حنا عندنا النو ممممم

 

[oumniati]

رد: ماذا ستطبخين اليوم آنستي، سيدتي؟ **42**

السلام عليكم لبنات
شفت غير الحاضرين الله يبارك ويزيد وربي يدوم هاذ اللمة الزينة
راني ماشفت والو لبنات، هذا وين دخلنا والله، وقلبي عندكم قلت نسلم عليكم برك
نطيب حاجة خفيفة للعشاء، ونتفرغلكم من بعد ان شاء الله

اكيد تعشيتو، صح عشاكم

انا فطرت كسكروط قرنطيطة برا خخخخخ
راني رايحة للكوزينة ان شاء الله مانلقاهاش مقلبة برك

نراجع من صفحة 8 ونجي

 

[shahrazad]

رد: ماذا ستطبخين اليوم آنستي، سيدتي؟ **42**

صحا عشاكم لبنات اليوم عشانا درت بيتزا ولاسوب

خيرورتي اهلييييييين
سرسوور اهلاا حرام عليه خوك ربي معاك حتى يفرج خخخخخ راني حاسة بيك
ايييه شفت التقييم كي ندخل راني ناجوتيك ان شاء الله
لبنات اتفضلو

https://www.4algeria.com/forum/t/394683/

انا راني كااااو ميتة تصبحو على خير حبيباتي
​

 

[oumsif]

رد: ماذا ستطبخين اليوم آنستي، سيدتي؟ **42**

مساكم بالخير لبنات صح عشاكم الله يبارك راكم في القمة اطباقكم وحلوياتكم كلها تشهي يعطيكم الصحة
هيلدا مبروك اعليك التخرج والخطوبة ولعقوبة للعرس كيكات يسخفوا

 

[oumniati]

رد: ماذا ستطبخين اليوم آنستي، سيدتي؟ **42**

كملت نعشيهم ونجي نياهاها
بونوي شهرة خخخخخخخ بسوم تقتليها بالشخاشخ، البطوطات، البومفورات هيهيهي