التليفون ما بكم يا شباب

[amel al3lm]

السلام عليكم ورحمة الله وبركاته

التليفون والشباب

انتم معي ان ظاهرة التكلم في الهاتف في السنوات الاخيرة في ازدياد مستمر

لكن فلنسلط الضوء على المهم في هذا الامر

ما التفسير المقنع لكثرة تكلم الشباب في الهاتف لساعات طويلة

تدخل للمكاتب تلقى الشباب يتكلمون في الهاتف تتسائل سر المشاغل الكبيرة التي لديه

حتى في الجامعة نجي نتكلم مع وحدة حتى نستاذن منها باه تنحي الكيتمان

التاسعة ليلا الكل مشغول طبعا الهاتف بنسبة 70 بالمئة

في كل الاوقات البنات بالكيتمان والاولاد كذلك

وتعلمون من دون ان اتحدث سر هذه المكالمات لانكم جزائريون وتعرفون المظمون

من السبب في اعلاء هذه الوتيرة هل

موبيليس والكل يتكلم

دجيزي عيش حياتك

نجمة

بسبب الامتيازات التي تضعها في خدمة الشباب طبعا المكالمات المجانية

ام الاستغلال الخاطئ لشبابنا

ام الفراغ

ام......

ام......

ام......
وهل هذه الظاهرة تؤثر على الشباب من حيث حياته اليومية ام مجرد ***راني نفوت في الوقت****

تساؤلات عدية هنا لكن اكتفي هنا
​

 

[Ma$Ter]

رد: التليفون ما بكم يا شباب

السلام عليكم ورحمة الله وبركاته

الهاتف هدا ابتلاء ولى والف بحكى بيه بزاف وخاصة فى الليل
ما يقدرش يبطل الطبع هذا
وزيد شركات الهاتف سهلت الامر
50 دج تحكى 50 دقيقة
والهاتف هدا كاين لى يفوت فى الوقت وكاين لى يخدم بيه وكاين وكاين
شكراا اختى اسماء على الموضوع الراقى
فى انتضار جديدك
​

 

[Ryry_Ndj]

رد: التليفون ما بكم يا شباب

موضوع قيم يستحق فعلا النقاش
اظن السبب هو الفراغ بالاضافة للامتيازات

 

[amel al3lm]

رد: التليفون ما بكم يا شباب

شكرا لمرورك نورت الموضوع
اكيد اخي
هذا سلوك غير اخلاقي
لاننا رانا نشوفو اغلب الشبان يستعملوه فالحكي مع البنات
ربي يهدينا ويبعد علينا ولاد الحرام​

 

[ام نوسه]

رد: التليفون ما بكم يا شباب

السلام عليك بنتي او اختي
نقولك عندك حق والله اصبح عادة خطيرة وادمان عند شبابنا ما تشوفش واحد يمشي ولا وحدة غير يتكلم تحسب مهبول مرات ما تشوفش الكيت مان نظن الفراغ ورخص المكالمات هو لي رجعونا عايشين بالبورتابل

 

[السلطانة]

رد: التليفون ما بكم يا شباب

وعليكم السلام


نظن الهاتف قريب يولي ديمودي


الناس درك تستعملو باه تهدر في السكايب مباشرة


عقولهم مع النت




كريثة لي يحكي في الفراغ باه غير يعي وقتو ويخسر دراهمو




شكرا امال


سلامي​

 

[امونة الشاوية]

رد: التليفون ما بكم يا شباب

حقا كلام في مكانه
الهاتف اصبح من الحضارة ههههه
شكرا على الطرح الجميل

 

[amel al3lm]

رد: التليفون ما بكم يا شباب

شكرا لارائكم مروركم العطر
بورتكم على الرد​

 

[حسان]

رد: التليفون ما بكم يا شباب

بكري كان وحد كيتكلم وحده في شارع يقولو عليه الناس هذا مهبول ..............

و يوم الناس كلهم تتكلم وحدهم و لي يشوفهم و ما يديرش كيما هما يقولو عليه هذ مهبول

ياو لي يتكلم في الهاتف بزاف أو ليتكلم وحده بكري كلهم مهابل

​

 

[دعاء19]

رد: التليفون ما بكم يا شباب

كولشي ولا عندو تيليفون حتى قاصرين ولاو يتكلمو وعندهم بورطابلات اخر موديل انا بعد حتى شرفت عاد درت بورطابل هههههههه ومكنفهم فيه والو من غير نستقبل مكالمة ونقطع ومع هاد بروموسيو ولات الناس تجمع في تليفون مدة طويلة حتى حاجة تافهة اقولوها باش تغديتي باش تعشيتي هههههههههه ايوا تيكنولوجيا راهي ولات في الدم فهاد زمان

 

[أوصاف الصافي]

رد: التليفون ما بكم يا شباب

السلامـ عليكمـ ورحمة الله

في الحقيقة هذي ضاهرة انتشرة في الاونة الاخيرة
وتسع نطاق الإستعمال كما قال ماستر هو إبتلاء
يعين من باب موجهدة النفس
وانا لا اوطيل في الوعض
حتى لا أكون مثل المنافقين

عندي 3هواتف
وحد دوبيس وزوج لخرين بيس بيس
وبصراحة بديت نكرهو

غالقة زوج وما زالي واحد
وراني نشوف بلي نزيد نطيشو مع لوخرين ونتهنا
خطرش بصراحة عيت من تنقريش

وجيل هذا ما يهفك حتى وحد إلا من رحم ربي
ناس راهي عايشة حياتها في تلفون

نعرف واحد راهم قريب علقلون انتين نتاع نجمة في ضهرو
نهار كامل وهو يرغي: يا جدك حرت في جد البنادم آدا

موضوع قيمة

إختير موفق

شكراً

خيتووو
​

 

[أبو خديجة]

رد: التليفون ما بكم يا شباب

خاصة التمسخير
كاينة وحدة كل يوم تكلمني وكل يوم تقولي الو ناصر الو توفيق الو ريمة الو سندس
حتى اني كثير من المرات كوبي عليها ولا نطفي البوطابل
في2009كان عدي بونيس في جيزي تفليكسي20الف يزيدولك عليها30 ألف
هذاك الوقت صح كنت نهدر بيه بزاف
وحاب نشري نتاع كاميرا

 

[عليلو 24]

رد: التليفون ما بكم يا شباب

كل واحد وكيفاش يشوف فيه

​

 

[amel al3lm]

رد: التليفون ما بكم يا شباب

لا حول ولا قوة الا بالله
ياك قالو
مبقاش لمان في هاذا الزمان
امالا معندنا ما نقولو
كي عدنا نشوفو اولاد فالبريمار عندهم لي برورتابل
ربي يهدينا يا اخوتي الكرام ​

 

[amel al3lm]

رد: التليفون ما بكم يا شباب

السلام عليكم
ايه يا خاوتي
كي اليوم جيت جايزة على وحدة تقرا معايا صبتها تحكي في البورتابل ومبعد شكيت فيها خاطرش كي وصلت تبدل لونها

قاتلو انا بنت فاميلية يا ولد الحرام (عفانا الله )

جا ليها قتلها بالضرب خلاها عبرة لمن يعتبر
ودرك راهي في دراهم بدون مستقبل ولا حتى قراية



يا خاوتي هادا عيب وعار وربي يهدينا​

 

[علي الفاضلي]

رد: التليفون ما بكم يا شباب

الجماعة راهم في سكرات مع الهاتف ...

ويجي الوقت اللي يفيقو ...

 

[amel al3lm]

رد: التليفون ما بكم يا شباب

ان شاء الله
شكرا لمرورك​

 

[Amira28]

رد: التليفون ما بكم يا شباب

السلام عليكم
أنا اضن انوا السبب هو الفراغ لانوا لوكان الشباب مشغولين مايقدروش
يحكيوا بزاف بالتليفون حتى ولو كاين الامتيازات بزاف

مشكورة
​

 

[amel al3lm]

رد: التليفون ما بكم يا شباب

ميرسي ع المرور

رايك صائب
نورتي

​