دبرو عليا الكوزينة كيفاه نشريها

الحالة
مغلق ولا يسمح بالمزيد من الردود.

ام عبد الرؤوف

:: عضو منتسِب ::
إنضم
9 جويلية 2013
المشاركات
87
نقاط التفاعل
120
النقاط
5
السلام عليكم اخواتي من فضلكم بحكم كل من جربت الكوزينة تاع لانبوغتاسيون ممكن تنصحني اذا ملاح ولالا خاتر نحب وحدة تاع الدوم وبعد انتضار طويل واش رايكم نشري تاع الحطب ولا تاع لانبوغتاسيون والي تعرف تقولي كل السلبيات والاجابيات من فضلكن وجزاكم الله الفرودس الاعلى واش رايكم في تاع الالمنيوم ملاح ولل والسلام عليكم
 

المرفقات

  • 1.jpg
    1.jpg
    50.1 KB · المشاهدات: 7
  • 60066497.jpg
    60066497.jpg
    42.5 KB · المشاهدات: 8
رد: دبرو عليا الكوزينة كيفاه نشريها

اختي معنديش فكرة بصح تبانلي تاع الحطب احسن و لامبوغتاسيون لازمها نظافة بزاف ،و سيرتو مع طيابنا السردين مقلي و الزيت تتطاير و المراقي مايليق غير الحطب
و ربي يوفقك اختي و يهنيك
 
رد: دبرو عليا الكوزينة كيفاه نشريها

اختي عن تجربة المطابخ الجهزة مليحة كديكور فقط من الاحسن انك تخدميها من عند النجار تقدري تدي الفكرة او المودال تاع الجاهزة وتديها عند نجار محترف راح يخدمهالك احسن والبوتاجي تبنيه عادي وتخدمي عليه رخامة
اتمنى اني افدتك
 
رد: دبرو عليا الكوزينة كيفاه نشريها

و عليكم السلام اختي
كيما قالولك الاخوات من الافضل تخدميها عند نجار محترف تاع لامبورتاسيون اغلبية الحطب تاعهم مش فري و صوليد لانو عبارة عن ورق مظغوط ، مش متاكدة من المعلومة مي سمعتها من خبير ، كون نقولك كانت عندنا صال ا مونجي سقامتلنا غالية شريناها كي رحلنا مادارش عليها العم الكراسا تاعها طرطقو هاذي اللي ما نستعملوهاش فما بالك بكوزينة اللي الخدمة كامل فيها ، عن تجربة حنا كوزينتنا عندها اكثر من 8 سنين والحمد لله مازالت جديدة ، مالا ياختي تخسري دراهم في حاجة اللي دوم خير من حاجة في عامها تطيح .
تحياتي ليك اختي
 
رد: دبرو عليا الكوزينة كيفاه نشريها

يعطيكم الصحة اخواتي على النصيحة والله راني كنت محتارة بزاف وتعرفو بلي راهم غاليين وخفت نخسر دراهمي على الباطل والي تعرف تاع الالمنيوم ممكن تنصحني
 
رد: دبرو عليا الكوزينة كيفاه نشريها

Khti bsahtak mosaba9an mbassah balaki li tkoun laqué ana 3andi chabin mbassah fihoum atta3b tchoufihoum ghir les tâches i3aiiou nddal namssah
 
رد: دبرو عليا الكوزينة كيفاه نشريها

الا تحبي الشكل المتحوف وتنوع الالوان عندك لامبورتاسيون والا تحبي حاجة دوملك مدة طويلة عندك تاع الخشب جيبي نجار يكون عملو ثقة يدي مقاسات كوزينتك ويخدملك سور ميزور وتتهناي بيها ان شاء الله
ماتنسيش كي تكمليها بالصحة والهنا تصوريهالنا نشوفوها خخخ
 
رد: دبرو عليا الكوزينة كيفاه نشريها

السلام عليكم
حبيت نقولك فقط على المطابخ تاع الالمنيوم هم الاحسن ساهلين للتنظيف و ما يدير ش فيهم لا حشرات لا والو
و ما يرشاوش كيما تاع الحطب
مشكلتهم فقط لازم تحافظي عليهم باه ما يتكسروش خاصة الابواب كي ظلي تحلي و تقفلي و تثبيت تاعهم تاني لازم يكون جيد باه ما طيحش
وتمتاز بقوة احتمال كبيرة للغسل والتنظيف والحماية من دخول الحشرات للدواليب.
و بالتوفيق ان شاء الله
 
رد: دبرو عليا الكوزينة كيفاه نشريها

يعطيكم الصحة اخواتي ونشكركم كثيرا ونوعدكم كي نخلص داري نوريهالكم كاملة خاتر راهي تحت الاشغال الشاقة ههههههههههههه
 
رد: دبرو عليا الكوزينة كيفاه نشريها

تمت الاجابة للغلق
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top