ماذا ستطبخين آنستي, سيدتي الجزء43؟

[prncess fifi]

رد: ماذا ستطبخين آنستي, سيدتي الجزء43؟

يمسيكم بلخير لبنات
يعطيكم الصحة وبصحتكم جوعتونا ههههه نورمالمو لحقوكم الجامات
ناس امريكا الشمالية صباح لخير عليكم
​

 

[SaRa QuEeN]

رد: ماذا ستطبخين آنستي, سيدتي الجزء43؟

مساء الانوار البنات وشراكم؟؟
بصحتكم كامل وش طيبتو
غدانا روز

 

[SaRa QuEeN]

رد: ماذا ستطبخين آنستي, سيدتي الجزء43؟

من يومين خدمت شوية لامونة وخبيتها فالفريجيدار جبدتهالم و درت مسمنات
تفضلو شكون تتبرع و تجيب سنيوة قهوة ولا تاي

 

[SaRa QuEeN]

رد: ماذا ستطبخين آنستي, سيدتي الجزء43؟

والعشا كيما قتلكم الصباح دبرنا وش نديرو

مفرمسسسة سخفو عليها خاوتي
والمرقة اي طيب
مبعد نولي سلاااااام

 

[ibtesem]

رد: ماذا ستطبخين آنستي, سيدتي الجزء43؟

ارز بالخضار بطريقة اخرا من مطبخي​

 

[ام ريهام]

رد: ماذا ستطبخين آنستي, سيدتي الجزء43؟

لينا يا سلام كلشي يشهي بصحتكم قوليلي المقبلات هاذوك واش هوما
صارة بصتكم المسمن ولامونة يشهو

 

[om mimi.mili]

رد: ماذا ستطبخين آنستي, سيدتي الجزء43؟

مساء النور///بارك الله فيكي حورية الجزائر على الاهتمام ان شاء الله يفيدوني الاخوات//ام منصف سفرة دايمة//لينا كلشي يشهي من المالح للحلو يعطيك الصحة///سارة بصحتكم المسمن ولامونة وتاني العشى راكم شاطرين نوض نطيب انا تاني على بكري راح ندير جواز جلبانة صح قهيوتكم//ابتسام هاني ديت الطبسي تاع الروز يعطيك العافية

 

[lina-67]

رد: ماذا ستطبخين آنستي, سيدتي الجزء43؟

الله يسلمك ام ريهام هادوك درت لابات فويتي و حشيت النصف بالطون و لخرين بالفيونداشي و تغلقي و دهنيهم بصفار البيض من فوق و حمريهم في الفور
هادو تاني راهي دايرتهم نسيمة موضوع انا بدلت الحشو خرجو هايلين بنان ربي يفرحها ان شاء الله
هاو ليك الرابط تاعها

https://www.4algeria.com/forum/t/368349/

 

[shahrazad]

رد: ماذا ستطبخين آنستي, سيدتي الجزء43؟

لبناااات باركولي راهو جابلي بابا الشارجور يويويويوييي الاستقال والله :d
وتاني نبشركم راكم خياتي راني لقيت خدمة دعيولي ربي يكملها على خير

هيلدا ختي هادي هيا لاكرام فراش الي نخدم بيها هاااايلة بصح غالية شوية 25 الف فيها 500 ملل
كاين كبيرة عليها دير 50 الف وقالولي كاين صغيرة على تع 25 مالقيتهاش كي تكون صغيرة خير باسكو في 4 ايام لازم تنقاس

​

 

[oumniati]

رد: ماذا ستطبخين آنستي, سيدتي الجزء43؟

الله يبارك عليكم لبنات
سارة مفرمسة مممممممم رقيقة وشفافة ولماعة وذهبية ممممممم بصحتهم اللي راح ياكلوها

مليكة الله اعلم ماكانش معانا وحدة من تبسة، كون درتي طلبك في المنتدى العام والله اعلم

لبنات جيت نطل برك لقيت بسوم حطت لاروسات، مريومة وعمايلها خخخخخ حتى طاب الزتون، وطاب تليتلي، هاني ضرك نطبق في الروز خخخخخ ده شغلانة

اطباقك روعة جهاد الله يبارك

سارة لامونة خليهالي لعشية لقهوتي

نروح نروح حكمتوني بالهدرة خخخخخ

 

[nada242008]

رد: ماذا ستطبخين آنستي, سيدتي الجزء43؟

السلام عليكم لبنات
بصحتكم كامل
خيرة رولي سيربريز هههه بنانة يعطيك الخير هههه والرولي تاع شهرا ماخلاش ممممممم
لازمني نعاودو مافيهاش ..زعما ماناكلش الحلو بصح الرولي جاني على القوسطو سيرتو لي يتحشى بالكونفتير جاني اخف من تاع الشونتي وفرق في الذوق
جبتلكم غدا لبارح

وغدا ليوم

وقراتان شفلور جا ممممممممممممممم

ماجيت كتبت الرد قريب تخرج روحي
يتعدل الميكررو يحبس اللشارجور
يمشي الشارجور يفسد الليكتور
يمشي الليكتور تفسد لاكاارت ميموار
كي تعدلو هذو كل ههههه راحت الكونيكسيون
رفعت الراية لبيضا وقلت نروح للكوزينة نعشي لولاد
شعلت الميكرووند ..لقيت الويفي شعل هههه رجعت
مات والسلام :down: والحمد لله على كل حاال
قبل ماننسى عفوف المسيلية مسلمة عليكم واحدة واحدة

 

[ام ريهام]

رد: ماذا ستطبخين آنستي, سيدتي الجزء43؟

هاجر مبروك الشارجور ومبروك الخدمة ربي يتمملك بالخير تستاهليكل خير بصح كي تخدمي نولو نتوحشوك تلتهاي في الخدمة وتخلي اللمة ما عليه نلقاوك مع لعشية ولا ويكاند
بصحتك وربي يباركلك في الخدمة

 

[nada242008]

رد: ماذا ستطبخين آنستي, سيدتي الجزء43؟

شهرا بصحتك الشارجور ..هكا بعد في الكرطونة الصغيرة هذيك جابوهولي من العلمة ماكملش سمانة دار بووووووووووووم ونشم في ريحة الشياط ههه خفت لا يطربق الميكرو معاه هههه عسي روحك
ومبروووووووووووووك الخدمة ربي يهنيك يالزينة تستاهلي والله

 

[shahrazad]

رد: ماذا ستطبخين آنستي, سيدتي الجزء43؟

جبتلكم شوية اطباق
بطاطس قرش قرش لام ندوووش مع شاورما جاج
ولازانيا وديسار كرام شانتي قسمتها على زوج نص خلطتو مع كرام ديسار بنينة نص كراميل ونص الباقي شوكو وفالوسط بنان كراميليزي

 

[oumniati]

رد: ماذا ستطبخين آنستي, سيدتي الجزء43؟

خطيرة شهرة، يسلمو دياتك

ندوش سبع ارواح خخخخ، هكذاك وما طلقتيش، كي فطور البارح كي اليوم ممممم ما عندي ما نخير
انا وراسك راني غليت الشوفلور، وقاعد يستنى باه نقليه، مزال ماوصلتش ليه، اذا كان لغراتان سسسسسسااااهل اعطيني لمحة عليه، ماديريش كي بسوم، انت لوكان طولي نروح نرقد طول خخخخخ

 

[shahrazad]

رد: ماذا ستطبخين آنستي, سيدتي الجزء43؟

ياااا حي عليااااااااااا ياعفاااف مافرحتش بيه حتى
جبتيلي سيرت الحريق والشوااااط هههههههههههههه ....ربي يبارك فييييييك
الهمبرغر اممممم وغراتان شوفلور لونو يشهييييي ياسلاااام بصحتكم
ربي يسلمها ادا عاودت عيطتلك عفاف بلغيها سلامنا كاااااامل ربي يحفظها وقولها تكثر من الدعاوي
ام ريهام تعيشيييي يالعزيزة يبارك فيك لالا نطل عليكم كيفاه هادي ان شاء الله تكون كاينة النت فالخدمة خخخخخخخ بديت من دوك ....مرسي حبيبتي
​

 

[أم رزق الله]

رد: ماذا ستطبخين آنستي, سيدتي الجزء43؟

مساء الخير عليكم لبنات كامل يعطيكم الصحة
ام ميمي بالشفاء على محمد ما يكون غير الخير ان شاء الله
شهرازاد بصحتك الشارجور ومبروك عليك الخدمة بالربح ان شاء الله يا زينة
ام ندوش يعطيك الصحة و الحمد لله لي عفاف راهي بخير قوليلها ما تنساناش بالدعاء

 

[oumniati]

رد: ماذا ستطبخين آنستي, سيدتي الجزء43؟

اخاه نسيت عفاف حتى قريت رد شهرة، يسال عليها الخير، وانت ثاني سالي عليها بزاااف، خليها تركز شوية لاه لاحقتها لثم خخخخخخ، قداه رايحة تقعد

 

[nada242008]

رد: ماذا ستطبخين آنستي, سيدتي الجزء43؟

https://www.4algeria.com/forum/t/395748/#post5281163

 

[SaRa QuEeN]

رد: ماذا ستطبخين آنستي, سيدتي الجزء43؟

شهرورة الزينة مبروك الخدمة حنونة ربي يكملك (لعقوبة لفارس) و يمييي ع الاطباق تسخف بصحتكم . ومبروك الشارجور مام انا جابولي واحد
ام ميمي الله يسلمك اختي
امنياتي ميرسيي اني خليتلك خبزة فالفريجيدار على جالك و الكريم باتيسيير اي فالباطة الصفرا هههههه
ام ندوش امممم اطباق تشهي بصحتك اختي ، لشوفلور بالبيشاميل !!!!