ماذا ستطبخين آنستي, سيدتي الجزء43؟

[ibtesem]

رد: ماذا ستطبخين آنستي, سيدتي الجزء43؟

خيرورتي عجبني توقيعك

 

[prncess fifi]

رد: ماذا ستطبخين آنستي, سيدتي الجزء43؟

تدخلو تقصرو وماتزقوليش اه شفاو ملييح :p

 

[prncess fifi]

رد: ماذا ستطبخين آنستي, سيدتي الجزء43؟

نبدا بسهامو ههه شريكتي الحمد الله لي راكي مليحة وربي يحفظلك لبنية راهي تهبببببل تربى فعزكم ان شاء الله

بسومتي هو فيه حد غيرك يابت دا نتي الكل في الكل هههه تعجبيني تفهميها وهي طايرة مممواح وعلى المواعن ماتخافيش ناكل في الجوتابل هات برك مانغسلش هههههههه

خيرو يالعميرة صار راكي تطلي من البارسيان ادناي خليني نطل معاك تزاحمو تراحمو هههههه نجي معاك خيتي نفص الكاوكاو بصح الا تسلفيلي البوط ديال هاديك الخطرة ههههههه وياعيني على التوقيع ياعيني كان حطيتي قدامو مونش بالي هيهيهي

لويزة بيزا واش راكي حنونة ليك وحشة يابنت عمي ,ما عمباليش الا غسلتي عينك ولا ندتي من الرقاد تكتبي هههههه البنت اسمها مايا ماشي لينا خخخخخخخخخخخ

يعطيكم الصحة كامل لبنات وربي يهنيكم​

 

[ام فيروزا]

رد: ماذا ستطبخين آنستي, سيدتي الجزء43؟

صباح الفل و الياسمين ونهاركم زيييييييييييين

 

[*Mayss*]

رد: ماذا ستطبخين آنستي, سيدتي الجزء43؟

 

[*Mayss*]

رد: ماذا ستطبخين آنستي, سيدتي الجزء43؟

صباح الخير هدا معجون تشينة عملتو بصحتكم

 

[انريس]

رد: ماذا ستطبخين آنستي, سيدتي الجزء43؟

صباح الخير عليكم لبنات
فيفي و بسوم و خيرور ولويزة و لي ناضو و اللي مازالهم راقدين
ام فيروزة انا تاني درت السفنج هههه جا هايل بصح ما فهمتش البورتابل ماحبش يعقبلي التصاور محمد قالي راني علابالي واش بيه قالي مبعدا نجي و نسقمولك يا فرحة متمت نشاء الله برك يسقمولي اهئ اهئ اهئ
ميس يعطيك الصحة يا الفحلة راكي قايمة بيها هههه قلتيلنا ما وسمنيش ميس بصح انا عجبني ههه ايه قبل ما ننسى هذيك العفسة نتاع الكونفتير و الزبدة تهبل عجبتني سقسي نعيمة على العنادة الكبيرة ههههه غدوا نقلب سطيف عليهم ههه يخي يقلك عاند و ما تحسدش
انا ديما ننسا الحاجة اللي نحوس نطلبها منكم لبنات انا معنديش ميزان و حبيت نسقسيكم 250غ صفار بيض يعني قداه صفار بالتقريب لاشتا زايد واحد و لا ناقص معليهش قولوهالي بالتقريب اللي عندها ميزان تتكرم عليا راه كاينة واحد التحلية حبيت نجربها باه نديرها في لانيفارسار نتاع ريناد قلت نجربها ضرك اضمن باه لا معجبتنيش نبدل ماشي نخلي لهذاك اليوم ونعود متبهدلة قدام عجوزتي و سلفاتي و مرت سلفي نتاع دارنا نورمال منخافش منهم مساكن ههههه

 

[ام زين الدين]

رد: ماذا ستطبخين آنستي, سيدتي الجزء43؟

صباح الخير عليكم مرسي لكل ما ظغط على اعجبني طلعتولي المورال مع انو في الماسبقة مازلت صفر صووووووت ما ضحكوش عليا هههههههههههههههههههههههههه
​

 

[انريس]

رد: ماذا ستطبخين آنستي, سيدتي الجزء43؟

وينا مسابقة ياسمين باه نصوتولك

 

[ام زين الدين]

رد: ماذا ستطبخين آنستي, سيدتي الجزء43؟

ربي يخليك ليا انريس
​

 

[ام فيروزا]

رد: ماذا ستطبخين آنستي, سيدتي الجزء43؟

صباح الورد اسماء ميس ياسمين
بصحتك السفنج اسماء

 

[ام زين الدين]

رد: ماذا ستطبخين آنستي, سيدتي الجزء43؟

انريس حسب علمي وتجربتي وزن البيضه حوالى 70 او 80 غم
طبعا الصفار اقل حوالى كل صفار بيضه مايزيد عن 50 غم​

 

[ام شيماء22]

رد: ماذا ستطبخين آنستي, سيدتي الجزء43؟

صباح النووووووووووووووووووووووووووووووووور يا لبنات كيصبحتو احنا راه عندنا وحد البرد غير اسكتو وخلاص فطوري سردين مشويا وسلاطة وديسار ربي يقوي الخير والحمد الله على النعمة

 

[ويبـقى الأمــل]

رد: ماذا ستطبخين آنستي, سيدتي الجزء43؟

صباح الخير عليكم كامل صحة قهوتكم كامل
و بصحتكم الفطاير ام فيروزا اسماء
و صحة غدواتكم مسبقا
حنا غدانا مونشتو (فاصوليا خضرا) و سلاطة و ديسار
الحمد الله على النعمة

 

[ام ريهام]

رد: ماذا ستطبخين آنستي, سيدتي الجزء43؟

صباح الخير والبركة يومكم مبارك سعيد
بصحتكم كامل واش درتو ختيتو نبيلو اسماء نسيمة سارة ميس ان شاء الله راكم بخير والغايبات
مليكة دليلة بيسو امنياتي هاجر من لي بدات الخدمة سمحت فينا ام ندوش روعة حدودة ان شاء الله غياب خير
غدايا مرقة بسباس وسلاطة بطراف
من بعد نوافيكم بالصور
اه شكون لي رايحة تتكرم تستقبلنا في كوزينتها ما بقاش وقت بزاف واش رايك ميس على بالي راكي جديدة بصح اتكرمي وحلي كوزينة جديدة

 

[كوثر الوهرانية]

رد: ماذا ستطبخين آنستي, سيدتي الجزء43؟

صباح الانوار على اللماويات
صحة فطوركم يا الساجيات
ام فيروزا بيتزا هايلة
ياسمين كيك و حلوى اممم الله يعطيك الصحة
سارة كوين بصحتكم يا لحبيبة واش طيبتوا
فيفي و خيرورتي الله الله عليكم الكوطات اللي حطيتهم عينيا عواروا معاهم اممممم باين بلي كل شيء بنبن بصحتكم
بيسوا غاليتي كاش ما راكي تدخلي للكوزينة مع مريومتي ولا غي سالوا و فوفة اللي راهم قايمين بيها هههه نزعق نعرفك فحلة
امينة بصحتك السردينة المشوية
سموا مشاء الله على الغزالة نتاعك تبارك الرحمن شابو بوبية تسخف الله يحفضها و بصحتك واش طيبتي راكي فحلة
هدا اللي قدرت نتفكره سامحوني خوتاتي
نسلم عليكم كامل و نقوللكم احبكم في الله
اليوم الغداء شربة فارميسال و جواز قرنون و عجنت شويا بريوش راه يخمر باش نتقهوا بيه
في امان الله امسية سعيدة للجميع
ميمي و شهرا وين غبتوا علينا ياك ارانا فالويكاند طلوا علينا راني نتوحشكم
سلامي الحار للمتواجدات و لكل الغائبات
حالياً الأعضاء النشيطين الذين يشاهدون هذا الموضوع : 36 (15 عضو و 21 ضيف)
‏كوثر الوهرانية, ‏*Mayss*, ‏نور الحبوبة, ‏المتالقة78, ‏ام ريهام, ‏ام شيماء22, ‏ام فيروزا, ‏انريس, ‏ايمان الهدى, ‏nassima 87, ‏صابرينة 22, ‏Samia Eljazairia+, ‏SaRa QuEeN, ‏s_luna, ‏wassila21

 

[انريس]

رد: ماذا ستطبخين آنستي, سيدتي الجزء43؟

انريس حسب علمي وتجربتي وزن البيضه حوالى 70 او 80 غم ​

طبعا الصفار اقل حوالى كل صفار بيضه مايزيد عن 50 غم​

ياسمين انا يبانلي الصفار هو الخفيف في البيضة اقل من البياض ممكن وحدة فيكم عندها ميزان تتكرم و توزنلي صفار واحد :dقداه يكون يخي ماشي خسارة فيا تكسرو بيضة على جالي :$هيا الفحلات تعيشو راني حابة نجربها اليوم كي راني قاعدة وماعندي حتى فكرة 250غ صفار قداه رايحة تكون عندهم واحد العقلية قالولهم وين راهي وذنك قالو هااااااااااااااااااااااااااااااااهي كن عطاونا الصفار باعدد ولاه التمسخير هذا نتاع 250غ زعما كيميا رايحين نطلعو بيها سوارخ ينقص قرام ما تصلحش انا شفت وحدة في منتدى اخر دارتها بلا بيض طول :sو شنهي معجبتنيش الوصفة نتاعها مقنعتنيش مرة المهم هي خرجتلها بصح انا تبانلي البيض يزيدها في البنة مالازمش نستغناو عليه و250غ كمية معتبرة مفهمتش لاه نحاتلها جد باباها مرة كن غير نقصت برك المهم في انتظار ردكم
اوزنولي صفار واحد برك وانا ندير حسابي من فضلكن ههههه راني نحاول يشري يشري الواحد حوايج الدار و هكذاك و يبقاو حوايج ناقصين انا بويسك وقت فات كنت نخدم القاطو بزاف مشات يدي عليه معدتش نستعمل الكيل خلاص بصح ساعات ساعات يتحكم الواحد:-r

 

[انريس]

رد: ماذا ستطبخين آنستي, سيدتي الجزء43؟

نسيمةونعيمة لاكان راكم هنا وعندكم ميزان والبيض حاضر في الدار ساعدوني هههههه ساعات البيض و ما يحضرش راني شايفة الدار

 

[ام زين الدين]

رد: ماذا ستطبخين آنستي, سيدتي الجزء43؟

اهلا صحا غداكم اسفة انريس والله ما عندي الميزان ولا ماشي خسارة في حبيبتي
​

 

[كوثر الوهرانية]

رد: ماذا ستطبخين آنستي, سيدتي الجزء43؟

انريس راني وزنتلك صفار بيضة و طلعت توزن 20غرام