اختي المراهقة وتصرفاتها ، والله مقدرت عليها

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
اولا اشكركم على فتح هذا القسم ، خليتونا نحكو بدون أي تعقيد
أنا طالبة جامعية واختي الصغيرة تقرى فالثانوية
حرت في تصرفاتها وعييت منها وش نديرلها
هدي العام الي فات اكتشفت من خلال ميساجاتها انها على علاقة مع شاب
تقريبا من نفس عمرها
ضاربت معها وهددتها نقول ليمى وبابا لكنها بقات تخشن في راسها
لما لقيتها ماشية على نفس الحاة ولم تقطع علاقتها قلت ليمى لكن مش هي الي علاقة معه
قلتلها هاتفها ميحبسش وصحاب صحباتها كامل يعيطو للنميرو هدا
كل واحد يحب يهدر مع صحبته يعيط لهذا الهاتف ، ضخمت قليلا الفكرة ليمى
وخليتها تلمح لبابا ، لكن بابا على طول ينظر لها نظرة انها لازالت صغيرة
لانها هي أصغر وحده بالبيت ، قالها ليمى مكانش منها بلك يقرى معها
ومع هذا نزعلها الهاتف وماعادش عندها ، اقنعتنا وأقنعتني انها حبست علاقتها معه
لكن من مدة قصير ة لاحظت تصرفات عليها ، لما راقبتها اكتشفت هاتف عندنا بالسرقة علينا
هزيت الهاتف قلتلها انساي عليه وكسرت الشريحة بعدما اتكأدت انه علاقتها مع دلك
الشاب عاودت حيات من جديد
صدقوني لم أنم من كثرة التفكير ، تكلمت معها وجدتها مقتنعة بالتصرف هدا
قلتلها حتى ولو بقيتي على علاقتك بيه مستحيل يدوم مزالكم صغار
تقولي متواعدين على الزواج ، انا الآن في حيرة هل أقول لامي ؟؟ أو لأبي ؟؟
مع العلم أن أمي مريضة ولا أريد أن أزيد فوق همها أعلم انه الضغظط والسكر ريحين يطلعولها
وأبي اذا هذه المرة تأكد من كلامي ، يبطلها من القراية ولا يقتلها أعرف طبعه في مثل هذه الأمور
حائرة ولم أجد الحل لوحدي ، أريد مساعدتكم ؟؟؟


 
رد: اختي المراهقة وتصرفاتها ، والله مقدرت عليها

تم الاعتماد
ربي يهديها
 
رد: اختي المراهقة وتصرفاتها ، والله مقدرت عليها

اختي لازمك حوار مطول معاها .....باه تقنعيها وحده وحده .. بالحسنى ..

ثانيا : اذا لم تقتنع بالحسنى هدديها باخبار الوالد // وما يترتب عن ذلك من توقفها عن الدراسة الخ.

اذا رفضت ... وما نفعش معاها ...انصحك باخبار الوالدة اولا .....ثم الوالد اخيرا.

*******************

يبقى ان الاقناع خير علاج ...بان طريق هذه العلاقات مصيره الفشل عاجلا ام اجلا .

ومن استعجل شيئا قبل اوانه عوقب بحرمانه.

ربي يهديها ...ويهدينا ويبصرنا.
 
رد: اختي المراهقة وتصرفاتها ، والله مقدرت عليها

نصيحتي لاتعقدي الامور وتحمليها اكثر مما تحتمل تلك نزوه عابره وحاولي كتمها عن امك وابوك وتكلمي معها بهدؤ وعلميها خطورة نهجها بكل اريحيه وشفافيه دونما تضخيم الامر حتى لاتعاند فيه من باب المكابره .. ولا تكلميها عن الموضوع كل ما تشوفيها بل إختاري الوقت المناسب وطريقة الدخول بالموضوع كأنه جاء تلقائيا وليس متعمدا ,, ترى بإمكانك تصحيح الاعوجاج بستر ومصونه ,, فلا تبلغي ابيك ولا أمك حتى لاتزيدي الطين بله ,, شكرا .
 
رد: اختي المراهقة وتصرفاتها ، والله مقدرت عليها

رأي من رأي الأخ aljentel
فقط كمآ قآل اختآري الوقت المنآسب
وهدي أختكـ تعرفي كفآه تهدري معهآ ووآش هي الطريقة الي تقدري تقنعيهآ بيهآ
هي فترة وتزول وأغلبية المرآهقين يمروو بيهآ
فقط التصرف المنآسب فالوقت المنآسب ، وخلي امكـ وأبوكـ آخر حل


 
رد: اختي المراهقة وتصرفاتها ، والله مقدرت عليها

متواعدين على الزواج تبا أرغب في تحطيم رأسي على الجدار
وش يعرفو من الزواج حتى يتواعدو عليه تبا ما أرهف القلوب
ربي يفرج ان شاء الله ويعدل لحوال
 
آخر تعديل:
رد: اختي المراهقة وتصرفاتها ، والله مقدرت عليها

لا اختي ماشي بهاد الطريقة
حاولي معاها بالعقل فهميها وعطيها امثلة على البنات اللي انخدعو
هي مزالها صغيرة راها حاسبة هدا حب معلابالهاش بلي مجرد نزوة عابرة
اذا ماتفهمتش بعدها يجي العنف بصح فالاول سايسيها غي بالشوية
وربي يهديها
 
رد: اختي المراهقة وتصرفاتها ، والله مقدرت عليها

والله يا أختي النصيحة ألي ننصحك بيها أن الطفلة جامي تقدري تعسيها وتوقفيها بالقوة والفعل
أبدا ماتقدريش وكي تمكر فيك ومايهديهاش ربي أدير كلش ونتي ماتفيقيش
هاذي ختك جيبيها بالنصيحة والكلام والواعي وصارحيها بامور بزاف ونحي الحشمة والحياء وفهميها في كلش وربي جيب الخير
 
رد: اختي المراهقة وتصرفاتها ، والله مقدرت عليها

حاولي تعرفي الطفل لي راهي معاه و اهدري معاه بالاك هو يقتنع.
اما هي بيني لها بلي راكي معاها باه تولي تحكيلك كل شئ و راقبيها م بعيد و ما تخليهاش تكبر غلطتهاا.وبما انها مقتنعة لازم وقت و ديجاست يجو من عد الطفل.راقبيها ووجهيها حتي تفيق وحدها.
والله اعلم
 
رد: اختي المراهقة وتصرفاتها ، والله مقدرت عليها

بالفعل هذه هي السن الصعبة والشديدة الخطورة خاصة في هذا الزمن الذي انتشرت فيه المغريات بكثرة وفي كل مكان ولكن تبقى الحكمة مطلوبة للأهل وكيفية معالجة كل مشكلة بماتحتاجه سواء باللين أو الشدة مع مراعاة ظروف هذه السن التي تريد الاطلاع على كل شي ءأسأل الله أن يحفظ بناتنا وأبنائنا من كل مكروه
 
رد: اختي المراهقة وتصرفاتها ، والله مقدرت عليها

الســلآم ع‘ــليكم ..
اللهم إههدينــآ و اغفر لنــآ دنوبنــآ ..
الطريقة للي اتبعتيهــآأ مـآ راهاش حتى لتم ..
آأنــآ نقول تهدري معــآها غير بشوية و تفهميها ..
مـآ توصليهاش لباباك و يمــآك .. باللاك كــآش ما ييدرولها ..
و توصــل الأمور لموصل وحداخر ..
رآأهي في ح‘ــالة مرآأهقة ، والأغلبية يفوتو بهــآ ..
أحسني عونها ، و فهميها .. بلآك تسمعلك ..
و الله يسهل أموركم
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top