سلسلة تجارب تربوية

رد: سلسلة تجارب تربوية

فكرة رائعة و تعود بالمنفعة على الجميع
بارك الله فيكِ و جزاكِ من كل خير
تحياتي ♥♥♥
​
 
رد: سلسلة تجارب تربوية

يعطيك الصحة ام منصف علي الموضوع الرائع انا بنتي 4 سنوات اجتماعية

وبذلك المشكل الاول تتكلم بزاف ممكن المفيد مع الغير المفيد

الصحيح والتخيلات ..........في وقت وغير الوقت

مع تشتت الافكار وقلة التركيز

ساعات نكون ام مركزة علي سلبيات فقط او ممكن نخليها للزمن

اراءكم
 
رد: سلسلة تجارب تربوية

هذه الأفكار النيرة التي يحتاج إليها كل إنسان عاقل ينظر إلى المستقبل نظرة صادقة ويفكر في الأجيال القادمة التي سيكون أبطالها فلذات أكبادنا إن أحسنا نشأتهم وهذا ماهو منتظر من كل عائلة مسلمة غيورة على دينها ووطنها .نسأل الله التوفيق والرشاد لكل المساهمين
 
رد: سلسلة تجارب تربوية


موضوع جميل جدا و فكرة رآقية و مفيدة ..

ان شاء الله يكتب النور لهاذ السلسلة الحصرية ... و ننتظر مشاركة الجميع حتى تعم الفائدة


​
 
رد: سلسلة تجارب تربوية

السلام عليكم
بارك الله فيكم
مشروع جد مميز وخيري
اعانكم الله وسأكون في المتابعة اكيد
تحيتي
 
رد: سلسلة تجارب تربوية

جزاكي الله خيرا اختي ام منصف وأحسن إليكي على المبادرة الطيبة النافعة ان شاء الله وأسأله سبحانه أن يعيننا على حمل هذه الأمانة والقيام بها حق القيام
في المتابعة
 
رد: سلسلة تجارب تربوية

شكرا لك أختي العزيزة على هذا الإقتراح ولكني عضوة جديدة ممكن توضحيلي كيف يمكنني المشاركة و شكرًا لك
 
رد: سلسلة تجارب تربوية

ام امين
يمكنك المناقشة
كلما نحطو موضوع رح يكون الخط مفتوح للاعضاء حتى يكلمونا عن تجاربهم و كيفاش قضاو على المشكلة
او اذا ما نجحوش مثلا يمكنهم الاستفسار و الكل يمد نصائح و تجار بحتى هذا يستفاد من هذا
 
رد: سلسلة تجارب تربوية

قال أم محمد وأمين:
شكرا لك أختي العزيزة على هذا الإقتراح ولكني عضوة جديدة ممكن توضحيلي كيف يمكنني المشاركة و شكرًا لك
إضغط للتوسيع...

اهلا بيك اختي ام محمد وامين
سعداء جدا بانظمامك الينا
كيما قالتلك راضية حامدة
كل مرة نطرحوا موضوع ويفتح باب النقاش فيه للاعضاء لطرح تجاربكم ومشاكلكم واقتراحاتكم
اتمنى انك تشاركينا
​
 
رد: سلسلة تجارب تربوية

فكرة طيبة ومفيدة ان شاء الله اوفق في المتابعة والمشاركة
 
رد: سلسلة تجارب تربوية

السلام عليكم حقا ام منصف موضوع جميل ومفيد وخاصة مع هاذ الجيل الصعيب اللي يعرف كلشي
وينتبه لكل شيء
انا حقيقة عييت وانا اعتمد اسلوب الرفق واللين مع اولادي او اسلوب الكلام بالعربية والله يفهمو غير بالحيلة او بالعنف مثال ابني الكبير 8 سنوات اذا فرغ حوايجو تاع اللعب او تاع الدراسة ما يلمهمش يا لوكان واش كان نقولو نعطيك جائزة نعطيك حاجة نخوفو نرغبو ...والو وليت كي يفرغوهم وما يحبش يلمهم نجي طول نقولو راح نكسرهم ومرات كسرتلو اصبح نجي نطل نلقاهم نقولو راني جاية نكسر
تم تم يلمهم ههه وتعلمت عليه اختو ولات تلم حوايجها
وتاني لما يتقابضو على التابلات او الكومبيوتر او التلفاز نحيهم ونعاقبهم قداه من يوم ولاو يخافو ما يتقابضوش خلاص
وابني الكبير نطل عليه بالخفاء ونرجع لمكاني ونقولو راني نشوف فيك مثال حط هاذيك الجاجة او اي شيئ ... كان يدير فيه
اصبح لحد الان يظن اني عندي القوة السحرية ونشوف من وراء الجدار
 
رد: سلسلة تجارب تربوية

السلام عليكم ....... انا لا اتفق معك على هده الطريقة.... المفروض انك تربى باه ترسخ تربيتك كونى صديقة ..كيف .. كى تشفيهم بعثر العابهم ولا حويجهم ما ترفديهمش خليهم ومن بعد اطلبى منهم انهم اجو يلعبو معاك العبى معاهم شويا واقولهم ..ايا درك نجملو الحوايج رانا كملنا بلهجة نتاع صحاب مرة مرة يتعودو انهم يلعبو ويضمو حويجهم عادى انا نستعمل هاك وادا ما نضموش حويجهم انقلهم هايا نتعاونو ادا ماقدرتوش وحدكم لاخطرش رانا فى وقت لازم تقربى اولادك ليك حتى على حساب راحتك لانه البيت اربى والشارع اربى والمدرسة اتربى والصاحب اربى وتاكدى انه كل واحد عندو فكرة معناها ادا ما احتويتيش اولادك فى الامور الصغيرة اللى تقدرى عليها الان اتاكدى بلى كى يكبرو رايحة تتفاخىء لانه وقتنا هدا صعب فى التربية لازم تكونى فيك عشرين شخصية باه توفقى وتضمنى بلى راكى ربيتى
 
رد: سلسلة تجارب تربوية

قال يعقوب 1967:
السلام عليكم ....... انا لا اتفق معك على هده الطريقة.... المفروض انك تربى باه ترسخ تربيتك كونى صديقة ..كيف .. كى تشفيهم بعثر العابهم ولا حويجهم ما ترفديهمش خليهم ومن بعد اطلبى منهم انهم اجو يلعبو معاك العبى معاهم شويا واقولهم ..ايا درك نجملو الحوايج رانا كملنا بلهجة نتاع صحاب مرة مرة يتعودو انهم يلعبو ويضمو حويجهم عادى انا نستعمل هاك وادا ما نضموش حويجهم انقلهم هايا نتعاونو ادا ماقدرتوش وحدكم لاخطرش رانا فى وقت لازم تقربى اولادك ليك حتى على حساب راحتك لانه البيت اربى والشارع اربى والمدرسة اتربى والصاحب اربى وتاكدى انه كل واحد عندو فكرة معناها ادا ما احتويتيش اولادك فى الامور الصغيرة اللى تقدرى عليها الان اتاكدى بلى كى يكبرو رايحة تتفاخىء لانه وقتنا هدا صعب فى التربية لازم تكونى فيك عشرين شخصية باه توفقى وتضمنى بلى راكى ربيتى
إضغط للتوسيع...


مشكورة اختي يعقوب على المداخلة المفيدة بصح واش نقولك حاولت كلشي مع ابنائي حقيقة حقيقة ابنائي حقا صعاب وانا الحمد الله مثقفة ونطالع بكثرة وحتى في تربيتي في اولادي اعتمد على الاسلوب العصري في الحديث وفي التربية لاكن احيانا يصبح هاذ الاسلوب لا ينفع ولازم احيانا شوي :mad::mad::mad::mad::mad::mad:
وايضا بعد مداخلتي هاذا لا يعني باني قاعدة غير نضرب ونكسر بالعكس انا متفاهمة جدا مع اولادي
ونلعب معاهم كي الاولاد واحيانا نتشاجرو حتى على اللعب والحلويات ونجريو مع بعضانا وكلشي لدرجة انو لما نعودو نلعبو ونتهارشو يعيطولي باسمي ...
 
رد: سلسلة تجارب تربوية

سلام انا لا اشك بانك غير مثقفة ولا اظن انك عصبية لانو باين من كلامك ميش بشرط اتوضحى لانو بناتى مثلك فى تعاملهن مع اولادهم لدا طرحت عليك الفكرة لانى وضحتلك بلى اولاد اليوم اصعاب فى التربية فايقين اكثر لدرجة انى ساعات انشوف نلقى بلى من جيل الثمانيينات وجيل التسعينات فرق وجيل التسعينات وجيل الالفين فرق اكبر جيل الثمانينات هادىء وطموح جيل التسعينات متمرد وجيل الالفين فايق ياسر على هدى اللى قتلك لازم تكونى فيك 20 شخصية فقط لا غير لان عينتك عندى فى بناتى ويغضونى
 
رد: سلسلة تجارب تربوية

على فكرة لما كتبتى نلعب معهم ونجرو ونتهاوشو قعدت نتخبل فيك يعنى جات صورتك بين عيني شكرا على الاهتمام
 
رد: سلسلة تجارب تربوية

شكرا ام يعقوب على المداخلة الجميلة واللطيفة
 
رد: سلسلة تجارب تربوية

قال يعقوب 1967:
عفوا ....اتمنى تقوليلى طاطا احسن هدا لقبى يعقوب وتاريخ ميلادى 1967
إضغط للتوسيع...
:$:$:$:$خلاص طاطا انا تاريخ ميلادي 1986
ومشكورة على النصيحة:up::up::up::up::up:
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top