طرق تزين لي تارت فقط للماويات

الحالة
مغلق ولا يسمح بالمزيد من الردود.

انريس

:: عضو مُتميز ::
إنضم
30 أوت 2013
المشاركات
1,181
الإعجابات
6,721
النقاط
71
#1
السلام عليكم اخواتي حبيباتي صديقاتي
نبداو بالحلو



اليوم جيتكم بموضوع انشاء الله يلقا تجاوب و قبول منكم هو على كل حال يفيدنا كااااامل الفكرة خطرتلي قبيل وانا قاعدة وحبيت نطرحها ونشوف رايكم من ايام درت تارتة و كنت حايرة في طريقة تزينها جيت دخلت هنا للمة و لقيت اخوات حاطين مواضيع فيها لي تارت نتاعهم و طريقة تزينها و كاين مواضيع جابوهالنا من النت يعطيهم الصحة الاخوات و ربي يزيدهلهم في ميزان حسناتهم ولكن المواصيع كانت متفرقة تعبت شويا كي كنت نحوس في هذاك اليوم اديت الفكرة نتاع التزين :d واليوم جاتني الفكرة انو نوحدو مواضيعنا نتاع تزين لي تارت في موضوع واحد هكذا تسهل علينا عملية البحث و كل وحدة تشاركنا بتزينها للي تارت نتاعها وهكذا نستفادو منها حتى اللي تلقى طريقة مليحة في النت متبخلش علينا بيها وهكذا يكون موضوع موحد و في متناول الجميع:up:
نحاول نبدا بما اني صاحبة الفكرة
هذي تارتة نتاع اللمة درتها وانا مزروبة بصح هنا كاينة فكرة مليحة من اختراعي الشخصي ههههه;) لاحظو انو التارتى مزينة بوردة نتاع شيكولة هذيك الوردة انا خادمتها بعجينة السكر اللي تتباع في المحلات و زدتلها الكاكاو للون و يبستها و خبيتها سبيسيالمن للي تارت اللي نكون مزروبة فيهم ولا معنديش باه نديكوريهم:$ مخبيتها في الكونجيلاتور وكل ما نحتاجها نجبدها هذي فكرة مليحة كي تكونو قاعدين اخدمو الوردة نتاعكم كلي راكم ديرو في الاشغال اليدوية الرسم نتاع التارتة راني درتو بالكريم شونتي فقط لا غير سااااهلة ماهلة

هذا التشيز كيك بلاموس نتاع الشيكولة راجلي وخواتاتي يقوليلي هذا الطعم اللذي لا يقاوم ههههه ديكوريتو بالكاكو ذريتو فوق لاموس نتاع الشيكولة و درت الفرشات اللي خدمتهم كل جناح وحدو ومبعدا كوليتهم بالشيكولة لسقتهم ثنين ثنين و شنهي هنا احكموهم بيديكم ولا كاليوهم لحاجة باه يبقاو حاكمين لافورم وشنهي هنا اخدمو بالشيكولة نوار اومباسادور مليحة و مضمونة و ما تخلطولها حتى اضافات راهي تفسدلكم والشيكولة نتاع الكيلو راهي متصلحش راني مجربتها

وهذي التحلية نتاع حبيبتي ام نيفين كان عندي قاطو مدور وزدت شريت لي سيقار وديكوريتها بيهم عادي حطيت حبات القاطو اللي زينتهم تاني بخطوط نتاع الشيكولة اليكم الشكل

هاكم هذي تاني تارتة اسهل منها مفيش و متديش لحوايج واقتصادية زينتها بلاكريم فريش و زدتلها السكر قلاصي من فوق و بواسطة انا هنا عندي ملعقة خشبية مكسر فمها هههه:$ يغني كسرتو بالذمة علاجال هذي التارتة بصح انتوما تقدرو تشريو هذاك اللي يشبه للمغزل ينفخو بيه الكبش وكاين اللي يقلبو بيه المصور انا منكذبش عليكم منقلبهمش نقطعهم طول بالموس يتحلو وخلاص ههه خرجت على الموضوع اي حاجة مدورة تقدرو ترسمو بيها الخطوط و الوردة شكلتها بالشيكولة وحطيت كريم شونتي في الاتقاء نتاع المربعات و حطيت فيهم شويا كريم شونتيي و بارلا كبيرة والحواشي خدمتهم باللوز ايفيلي وكاين كاوكاو ايفيلي تاني

هذي بعجينة السكر راني قريت الرد نتاعك رنومتي العزيزة عجينة السكر هي نتاع اللوز اللي تتباع برا بصح هنا في هذي التارتة منيش خادمتها بالمشرية راني خادمتها بنتاع الدار و زينت بورود منها فيها هاهي ليكم


هذي التارتة ديكوريتها بالشيكولة وزدتلها لحليب هبلتني محبتش تحكم حتان درتلها لاليمنيوم و قدمتها بيه:p

هذي حكايتها حكاية منحكيهاش خييير المهم شوفو الديكور

وهذا تيراميسو الحق جبتو من النت ونشوف بلي هذا انسب تزيين للتيراميسو

هذي كيكة بالجوز ديكوريتها بقاطو يتباع جاهز هكذاك و شيكولة

هذي تارتة الليمون و الميرانق خدمت الميرانق على شكل بطات و ديكوريت بيهم التارتة





هيا البنات اريد تفاااعل كيما عودتوني

معا نقلبو هذا الموضوع مرجع لينا موسوعة لي تارت نتاعنا كل وحدة تحط ليتارت نتاعها هنا مع شرح بسيط لطريقة التزين وهذا الشي ما يمنعش انو نمدو الطريقة بالتفصيل اذا طلبتها وحدة من الاخوات وهكذا نفيدو و نستفادو جميعا
 
آخر تعديل:

رنيم الصمت

:: عضو شرفي ::
إنضم
13 جويلية 2008
المشاركات
4,197
الإعجابات
2,036
النقاط
351
#2
رد: طرق تزين لي تارت فقط للماويات

اممممم اناريس انا هدا منشتي في الدنيا
الله يبارك تزيينك هايل للي تارت
احكيلنا شوي على عجينة السكر كيفاش دايرة ؟ سومتها ؟ ... الخ .... ياك مش عجينة اللوز ؟
و ربي يحفظك من العين اناريستي
 

انريس

:: عضو مُتميز ::
إنضم
30 أوت 2013
المشاركات
1,181
الإعجابات
6,721
النقاط
71
#4
رد: طرق تزين لي تارت فقط للماويات

اممممم اناريس انا هدا منشتي في الدنيا

الله يبارك تزيينك هايل للي تارت
احكيلنا شوي على عجينة السكر كيفاش دايرة ؟ سومتها ؟ ... الخ .... ياك مش عجينة اللوز ؟
و ربي يحفظك من العين اناريستي
اهللللللللليين بصحبونتي العزيزة علابالك انت اول وحدة تعرفت عليها في اللمة عليها عندك معزة خاضة في قلبي وين راكي تغيبي يا طفلة ماراناش نشوفوك خلاص ماهذا؟؟؟؟؟؟
و بالنسبة لعجينة السكر هيا برك عجينة اللوز ولكن كاينة طريقة مليحة حطتها ام ندوش لصنع عجينة السكلر في البيت ضرك نجيبلك الرابط نتاعها نورتيني

السلام عليكم

جميل باارك الله فيك اخية
ربي يعيشك حنونة نشاء الله يلقا تفاعل منكم يا حبيباتي
 

bellafoufa

:: عضو مُشارك ::
إنضم
5 ديسمبر 2012
المشاركات
274
الإعجابات
440
النقاط
13
#5
رد: طرق تزين لي تارت فقط للماويات

فعلا روعة أنريس ممكن تتكرمي وتعطينا تفصيل لكل تارت وكيفية تزيينها راكي درا فينا حالة لأنك دائما متألقة يا الفحلة ربي يحفظك ويحفظ لك لعزاز
 

انريس

:: عضو مُتميز ::
إنضم
30 أوت 2013
المشاركات
1,181
الإعجابات
6,721
النقاط
71
#8
رد: طرق تزين لي تارت فقط للماويات

فعلا روعة أنريس ممكن تتكرمي وتعطينا تفصيل لكل تارت وكيفية تزيينها راكي درا فينا حالة لأنك دائما متألقة يا الفحلة ربي يحفظك ويحفظ لك لعزاز
تعيشي حبيبتي قتلتيني بالقدر انا راني شارحة شويا وانت الا سحقيتي وحدة من لي تارت نتاعي و حبيتي تديريها معليك غير تقوليلي على التارتة بالصبط وانا تحت الخدمة نبداهالك من طريقة تحظير التارتة للتزين ماش خسارة فيك يا الزين
 

انريس

:: عضو مُتميز ::
إنضم
30 أوت 2013
المشاركات
1,181
الإعجابات
6,721
النقاط
71
#9
رد: طرق تزين لي تارت فقط للماويات

يعطيك الصحة ختيتي اسما دوك نشارك بشويا صور من عندي​
والله يا ريت تشاركي يا نسيمة عندك حلويات هايلين وتعجبني طريقتك في التزين انا حابة هذا الموضوع يولي مرجع اللي تحب تارتة ولا ديكورها تجي هنا تلقاها و تلقى مولاتها بسهولة انشاء الله ينجحلنا الموضوع وماراحش ينجح بلا بيكم
 

انريس

:: عضو مُتميز ::
إنضم
30 أوت 2013
المشاركات
1,181
الإعجابات
6,721
النقاط
71
#11
رد: طرق تزين لي تارت فقط للماويات

رووووعة اسيا ضرك نبداو نطمعو وندومنديو لاروسات باينة اممممممممم شكلا و مضمونا طريقة تقديم بسيطة و رائعة في نفس الوقت متهربيش على الموضوع راني شايفة حوايجك و نعرفهم مليح يا ريت متبخليناش بيهم ولا تلقايني نجري في عقابك من ركن لركن
 

ziassia

:: عضو فعّال ::
إنضم
30 سبتمبر 2008
المشاركات
2,555
الإعجابات
1,882
النقاط
111
#12
رد: طرق تزين لي تارت فقط للماويات

هههههه مكان والوو ألي نعرفو و نقدر نعاون بييه راني اهنا يا أختي
كيما قلتي هذى حكايتها حكاية ههههههه كان الليل و عييت و قاعدا غيير نخمم واش نديكوريها مخدمتلها لا كريمة لا والووو كانت عندي لكرام شنتي و عمرتها بيها ملييييح و درتلها من الطرف فرميسال و في الوسط شكولا هذاا مكاان
 

هــــيلدا

:: عضو متألق ::
إنضم
18 جويلية 2007
المشاركات
4,401
الإعجابات
1,414
النقاط
351
#15
رد: طرق تزين لي تارت فقط للماويات

فكرة مميزة ومتالقة،يعطيك الصحة اسماء ، عن نفسي عجبتني هكذا يكون مرجع للي يحبو يزينو ليتارت،
انا نحب السامبل منشتيش لاتارت يكونو فوقها بزاف حوايج،
حبيت برك نستفسر علا هاذ الوصفة للي حطيتيها
التشيز كيك بلاموس تاع الشيكولا
 

هــــيلدا

:: عضو متألق ::
إنضم
18 جويلية 2007
المشاركات
4,401
الإعجابات
1,414
النقاط
351
#18
رد: طرق تزين لي تارت فقط للماويات

هيلدا اطلعي لفوق راني نشوف فيك هههههه جيبي الخير انتاعك وارواحي رانني نستنا

هههه ميفوتك والو، عندي تصاور تاع ليتارت في الميكرو بصح كامل مشريين اذا نحطهم؟ راني حطيتهم من قبل لهيت في ماذا ستطبخين
 

أم نيفين

:: عضو فعّال ::
إنضم
10 جويلية 2011
المشاركات
1,564
الإعجابات
838
النقاط
51
العمر
34
#20
رد: طرق تزين لي تارت فقط للماويات

السلام عليكم ....اسومة يعطيك الصحة على الموضوع ..
بالنسبة ليا راني حاضرة لي تحتاج اي استفسار ولا اي سؤال راني فالخدمة
 
الحالة
مغلق ولا يسمح بالمزيد من الردود.
Top