انصحوني جزاكم الله خيرا

وصال المحبة

:: عضو منتسِب ::
إنضم
15 جويلية 2011
المشاركات
35
نقاط التفاعل
24
النقاط
3
السلام عليكم اعضاء المنتدى ارجومنكم مساعدتي في امر يخص مستقبلي فقد سمعت مجموعة من النصائح لكن لحد الان لم اقتنع .ففكرت فيكم فقلت ربما فيكم من يقنعني واعدل عن فكرتي
موضوعي يتعلق بالزواج فنا فتاة في24من العمر ادرس السنة الثالثة ادب عربي وتقدم لخطبتي رجل يصغرني بعام واحد وهدة هي مشكلتي انة ليس من نفس عمري والكل موافقون على هدة الفكرة
بالرغم من ان هدا الشاب اعرفة جيدا وعلى خلق طيب متخلق من عائلة طيبة لكن فكرة انني اكبة لم اقتنع بها وهو موافق على هدا وليس له ايه مشكلة في العمر
فارجو ان تكون مشكلتي وصلت اليكم وانتظر منكم اقناعي وبارك الله فيكم وجزاكم كل خير والسلام عليكم...
 
رد: انصحوني جزاكم الله خيرا

والله يا آختي سقسي روحك علاه خيرك انتي بالذات ؟
زعما لي آصغر منك واحسن منكفالجمال والخلق ماشافهمش ؟
اكيدشاف فيك حوايج لي كان يحوس عليهم على هذي خيرك انتي

والله آعلمـ
 
رد: انصحوني جزاكم الله خيرا

السلام عليكم
اولا اختي انا مارانيش نشوف بليك كاين مشكل اساسا وانما المشكل راهو في تخمامك انت بالدات
فقد قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " وما قالش اذا جاءكم من هو اكبر سنا من ابنتكم
ثانيا عندما تزوج خير خلق الله بأم المؤمنين خديجة عليها السلام كان عمره خمسة وعشرون سنة وهي اربعين سنة والفرق بينهما خمس عشرة سنة فأين نحن منهم
أنا جابلي ربي انتي برك راكي معقدتها واسمحيلي هذا رايي اقتنعي انتيا وواش راحلك في الناس واش يقولو انا نعرف واحدة تزوجت بواحد زواج تقليدي وما عرفتش بليك هي كبيرة عليه حتان راحو يجوزو شهر العسل وهو كان عارفها بليك كبيرة عليه وراهم باولادهم وعايشين حياة ماشاء الله انا نظن انو السن عمرو ماهو معيار الزواج الناجح
نتمنالك تاخذي قرار حكيم وربي يهنيك
 
رد: انصحوني جزاكم الله خيرا

اتوكلي على ربي ...

واخطايك من التوسويس ..

الناس راهي تحلم باه تتزوج .. وانتي راكي محظوظه ما شاء الله تبارك الله.:up:

غمضي عينيك ... وابصمي بالعشرة ...قبل ما يتوسوس هو ويبطل ..:-r

نصيحة من خوك ...ازربي بالعرس.:up:

دامت عافيتك الحسية والمعنوية.:regards01:
 
رد: انصحوني جزاكم الله خيرا

لن اكرر لكي الاسطوانات المعتادة و لكن اخبرك اني اعرف فتاتين تزوجتا من شباب يصغرهن بفارق عام و الاخرى عامين و هم يعيشون بهناء و الحمد لله و لهم العديد من الاولاد
 
رد: انصحوني جزاكم الله خيرا

سلامي اختي ف الله
اولا من منطق الشباب لي قبلي راكي عرفتي بلي ماكاش مشكل وانت ادرى
يعني صلي صلاة الاستخارة واتركي الامر بيد الله
لانو فارق العمر عمرو ماكان سبب الا طبعا بالنسبة للبعض ومادامك انت مقتنعة بيه علاش التردد
وربي يكون معاك ويتمملك ع خير
( والشيء الاكيد تسالي نفسك انت شخصيا موافقه عليك كرجل اولا واخير بعيدا كل البعد ع عمره)
 
رد: انصحوني جزاكم الله خيرا

بلبرك عليك اختى ومتنسيش تعرضينا
 
رد: انصحوني جزاكم الله خيرا

السلام عليكم اختي
اولا فارق العمر بين الزوجين عمرو واذا كان مشكلة مافيها والو كبيرة عليه بعام ولا حتى عامين عادي يعني سيد الخق محمد عليه افضل الصلاة والسلام تزوج خديجة وهي كبيرة علييه 15 سنة وعادي يعني لوكان جا فيها حرج لاكان الرسول صلى الله عليه وسلم هو الاول لي يبتعد عن هذا الزواج
اختي اتوكلي على ربي وصلي الاستخارة وان شاء الله فتحها في وجهك ويعطيك ماتتمناي
 
رد: انصحوني جزاكم الله خيرا

بارك الله في كل من اعطاني نصيحة وان شاء الله ناخد برايكم
 
رد: انصحوني جزاكم الله خيرا


وعَليكمْ السَلآمْ ورَحمَة اللهِ وبرَكآتهْ

أختِي الكَريمةْ بغضِ النظرْ عنْ السنْ .. الإنسآنْ هذآ مآدامكْ رآضيةْ بيهْ من نآحية الدينْ والأخلآقْ هذيكْ هيَ،يعْنِي سنةْ وآحدةْ مآتفْرقْ .. أعرفُ من تزَجتْ بمنْ يكبُرهآ بأربعْ سنوآتْ والحمدُ للهْ عآيشنْ La belle vie
إسْتخيرِي وتوَكلي علَى اللهْ .. ربي يتممْ لكْ على خيرْ

 
رد: انصحوني جزاكم الله خيرا

اذا كان ما يثنيك عن الموافقه هو فارق العمر فلا هناك فارق يذكر فالسنه والسنتان وحتى الثلاث ليست فوارق فأتكلي على الله ووافقي ....
 
رد: انصحوني جزاكم الله خيرا

شكرا لكم واقدر لكم هدا
لكن لا ارتاح معه بمعنى اني لا افكر فيه كرجل صليت صلاه الاستخارة ونحس دائما ان قلبي مقبوض والله لحد الان لا ادري مادا اقول له.
والله غير خايفة نظلمو

ارجو ان تنصحوني
 
رد: انصحوني جزاكم الله خيرا

اذا كان انسان مليح وفيه مايرضيك
اختي على بركة الله هو اصلا الفارق بيناتكم عام برك ماشي بزاف
والقرار قرارك فكري مليح لانه زواج العمر وهذا الشئ يتطلب تفكير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top