لقيتها تخلص في مرحاض عمومي للرجال

zagane

:: عضو بارز ::
أحباب اللمة
إنضم
2 جويلية 2007
المشاركات
5,340
نقاط التفاعل
2,313
النقاط
906
محل الإقامة
معسكر
الجنس
ذكر
السلام عليكم
لقيتها تخلص في مرحاض عمومي للرجال
امر غريب بالنسبة لي كي شفت لاول مرة وانا رايح الى المرحاض العمومي لاوسخ محطة للحافلات بل اقول محطة القمامات والاوساخ في حاسي مسعود بعد دخولي الى المرحاض العمومي للرجال باش نتوضا للصلاة لقيت اللي في الكونتوار فتاة في مقتبل العمر تخلص على الرجال20دج لي قضاو حاجتهم .الغريب في الامر انها محجبة واني لاول مرة اراها
بقيت نسال في روحي هادي ولات تخدم هنا امر غير جائز
خوها خلاها في مكانو ايضا امر غير جائز
ما تخافش على روحها من الدئاب المفترسة
كما درت ما لقيت ليها حل صليت في المصلى وانصرفت بلاما نلقى حل

والفاجعة الاخرى كي زدت لتقيت خارج المحطة امراة محجبة مع ابنتها الصغيرة حوالي 5 سنوات مفرشى الكوفيرطات وتبات امام الحائط وتطهي في الطعام على الفرن في العراء لابنتها وسط الرياح وامام المارة والمسافرين .
لست ادري ان كانت جزائرية ام لاجئة سورية لكن المهم انها انسانة من بني البشر وابنتها
بقيت حاير ماقدرت لا نقرب منها للمساعدة ولا نبعد الخوف والغرابة .
وين راني في اغنى بلدية في الجزائر .
 
رد: لقيتها تخلص في مرحاض عمومي للرجال

هاديهي حالة الشعب المسكين
وافقت على الموضوع
 
رد: لقيتها تخلص في مرحاض عمومي للرجال

الله يجيب الخير ربي يعفو علينا
 
رد: لقيتها تخلص في مرحاض عمومي للرجال

صراحة ما قدرت نعلق على واش قريت
ربما الظروف، أو التساهل أو مش عارفة
ما عساي نقول من غير ربي يفرّج على كل مؤمن
 
رد: لقيتها تخلص في مرحاض عمومي للرجال

للماساة وجوه عدة....
نسأل الله صلاح الحال والاحوال
الحاجة مرة لكن ليست كل المحظورات مباحة...
نسال الله الستر والعافية
 
رد: لقيتها تخلص في مرحاض عمومي للرجال

والدراهم ينهبو فيهم ... ربي يستر امثالهم لي قادرة الظروف توصلهم للطريق العوجة تقبل مروري اخي حتى انا مالقيت منقول
 
رد: لقيتها تخلص في مرحاض عمومي للرجال

وعليكم السلآم ورحمة الله
حكآية كما هذي غريبة وأول مرة نسمع بيهآ،.
ربي يستر بنآت المسلمين كآمل إن شاء الله.​
 
يارا المدية، تم حظره "حظر دائم". السبب: مخالفة القوانين
رد: لقيتها تخلص في مرحاض عمومي للرجال

خويا شكرا ع الموضوع
الله غالب خلاص على لبنات مالقات وين تخدم تخدم في مرحاض الرجال
خويا خوها يخاف عليها بلاك خويا راه ذئب من الذئاب المفترسة
ربي يهدها ويهدينا جميعا

وعلى المراة الي تبات في الشارع بلاك لاجئة
ربي يوفقهم ان شاء الله
 
رد: لقيتها تخلص في مرحاض عمومي للرجال

السلام عليكم اخي
والله السانتيفي تع الحاسي عندي شحال محطيتش فيها رجليا وليت كي ندخلها منعرف وين نحس روحي راني تحكمني الضيقة
وزيد والله تحير هاذ الطفلة يعني شابة في مقتبل العمر ماتخافش على روحها وتروح تريح في بلاصة كيما هاذي والله انا مرات كي نسمع واش راهو يصرا فالسانتيفي هاذيكا هاذي سريقة هذا واحد ضربوه بموس وخلي وخلي يعني اذا الرجالة وتلاحو ليهم كيفاه طفلة ميتلاحولهاش .ربي يحفظها ويصونها
خويا يعطيك الصحة عالموضوع وتقبل مروري
الزهرة الحمراء
 
رد: لقيتها تخلص في مرحاض عمومي للرجال

هذا من فساد الزمان اللي كلش بالمقلوب ..

ربي يجيب الخير ..

لك الشكر موصول ..
 
رد: لقيتها تخلص في مرحاض عمومي للرجال

الى اين يريدون الوصول بنا؟
شفتو الحالة اللي وصلنا ليها اعزائي الفقاقير (قلت هده الكلمة لما تحمل من معاني)
بلد غني مثل الجزائر ومازال هده الظاهرة في كل بقاع الوطن والله حرام هدا الشيء
اصبحنا في بلد "الغني يزداد غنا والفقير يزداد فقرا" والله ان طال الزمان على هده الحال لن تبقى هناك طبقة وسطى ....
ربي يجيب الخير وخلاص
محبيتش نعلف على الحالة الاولى متقدرش تعرف ظروف الشخص خاطرش كي طيح بيك ليام دير كلش خصوصا ادا كنت الوحيد في العائلة لإعالتها ومعندكش حلول كثيرة و ويــن في الجــــزائر
مشكور على الطرح والله موضوع حساس ولوكان ندخلو في التفاصيل........
تقبل تحياتي
 
رد: لقيتها تخلص في مرحاض عمومي للرجال

هاد الحالتين لي قلت لنا حتى هوما كيتمناو يعيشو مستورين وجالسين فديارهم ولكن الحياة صعبة ىزم نعدروهم المعيشة مقدرش عليها الراجل لي موظف فما بالك بالنساء لي ماعندهم حتى واحد على لاقل ملجؤش لطريق فساد او شئ اخر
الله اكون من حالهم ويسهل عليهم
 
رد: لقيتها تخلص في مرحاض عمومي للرجال

..............
 
رد: لقيتها تخلص في مرحاض عمومي للرجال

بالنسبة للفتاه لي تخلص على ا لرجال هي صح في مكان مش مناسب ليها لكن ممكن تكون عندها ظروف قاسية ومحتاجة الله اعلم ما نقدروش نحكمو عليها
بالنسبة للمراة اللي ساكنة برا يا اخي الكريم ما ستغربش يوجد منها الالاف مثل حالتها لماذا ؟ ببساطة لانها في الجزائر
في الدول الاخرى لا يتركون المتشردين او المعوزين في الشوارع يخصصو لهم اماكن خاصة بهم على نفقة الحكومة حتى لا يبقون في الشارع
هنا في الجزائر موت الحوت كالي الحيط ولا كول التراب ولا ارقد في كرتون المهم تخطي راسهم كيما يقول جحا

 
رد: لقيتها تخلص في مرحاض عمومي للرجال

أولا نقولولك مرحبة بعودتك للمنتدى

وكما قالو الي قبلي على الي طرحتو ليوم

رنا في الجزائر و كل مرة نشوفو لعجب لمعجب

رنا شعب ضايع و بزاااف

وكل واحد رجع يشوف غير لروحو

و السؤوليين رجعو كلش ليهم

الرقاد و بيع لبلاد

الله يحسن العون

 
رد: لقيتها تخلص في مرحاض عمومي للرجال

ربي يسترنا نشالله
 
رد: لقيتها تخلص في مرحاض عمومي للرجال

بصراحة حاجة ما رهي تخلعني سمعت حتى قريب راسي شاب
وكاين شي صوالح مقدرتش نفهمهم ..ماعندي ما نقول
وكل واحد و ظروفه
 
رد: لقيتها تخلص في مرحاض عمومي للرجال

أمر غير مقبول ان نرى فتاة في مثل تلك الاماكن

بالنسبة لي حتى الرجال لا يليق بهم ذلك العمل


بالنسبة لمحطة حاسي مسعود فحالها كحال مدينتها رغم الثراء وكونها اغنى بلدية في الجزائر

والبقرة الحلوب للجزائريين الا ان هناك سياسة ممنهجة لتهجير الناس الى المدينة الجديدة

وذلك بجعل المدينة القديمة في حالة كارثية واشغال دائمة


 
رد: لقيتها تخلص في مرحاض عمومي للرجال

ري يستر برك
يعجز اللسان على التعبيير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top