السلام عليكم ورحمة الله
اختي على حساب ما قريت نظن ان خطيبك يحبك بالبزاف والسبب اللي خلاه يتبدل هو كيما قلتي من قبل كان يعيط و ماترفديش عليه السيد توسوس وبالاك حس انك تتجاهليه على هدا تولد لديه احساس بالوحدة خاف ان الحب اللي بيناتكم بدا يزول عليها يعاتبك كي متعيطيلهش ,,كيما نقولو والف يحكي معاك طول الوقت وكي بديتي تبعدي عليه قال لازم نخليها هي تاني تشتاق ليا على هدا الاساس بانلك تبدل (كي شغل راه يتقلش عليك شوية غير باه تحسي بيه)
نصيحتي ليك انك تجمعي معاه وتحكي اللي في قلبك صح ابدي بنفسك في الحكاية سقسيه ادا راكي مضيعة معاه في شي حوايج ولا لا؟ ومن بعد سقسيه علاش تبدل عليك بين ليلة وضحاها ..وبلا ما نوصيك المناقشة تكون بأسلوب هادىء ولطيف خاطرش العصبية عمرها ولا تكون حل ....ربي يطيب بيناتكم و تتصلح احوالكم وترجعو كيما زمان ولا خير ان شاء الله ^_^
سلام
