نعيشوا فقاقير ولا الفوضى و القتيلة

فيصل ويستر

:: عضو مُتميز ::
إنضم
5 ديسمبر 2009
المشاركات
753
نقاط التفاعل
490
النقاط
23
العمر
39
مساء الفل للناس الكل
أولا
نحكيو باللغة العربية الفصحة أحسن و أسلم
لا يخفى عليكم ما يجري في محيط الدول العربية التي انقلبت على حكامها
من فتن و قتل واضطربات أمنية و سوء المعيشة
نخشى أن هذه الإنتخابات تحمل في طياتها مالاتحمد عقباه
فأيهما أحسن
نصبر على فساد هذه البلاد حتى يأتي يوم و تتحسن و لو قليلا
أو
نقوم في مسيرات و مظاهرات حتى تصبح هذه المسيرات برك من الدم
أنا شخصيا
فقاقير و لا الدم
نتوما واش رايكم ؟

 
رد: نعيشوا فقاقير ولا الفوضى و القتيلة

السلااام عليكم ورحمة الله وبركاته
خويا فيصل
[ تطرح المواضيع باللهجة الـعاميـة فقط ]

.
.

انا ما يهمنيش شكون الرئيس الجديد
وعمرى ما نتمنى نشوف مضاهرات فى بلادنا
ربي يحمينا وربي يبعد علينا الفتن

 
رد: نعيشوا فقاقير ولا الفوضى و القتيلة

السلام عليكم
ادا الواحد فينا عندو عقل ما يخممش يدير مظاهرات و Gيرات مانعرفوش راسنا من رجلينا كيما راهو صاري مع البلدان الي زعمة ثارو ...
الامن نعمة كبيييييييييييرة و الدزاير جازت عليها بكري
نطلبو ربي ما تتعاودش
في بالهم حاجة مليحة كي دايما يسمعو بفلان مات و لوخر قتلوه و دراري صغار مرميين هكداك وناس عايشة بالخوف وتسنى كل شوية وقتاش يموتو ؟؟؟؟
ربي يسترنا ويحفظ بلادنا مع كل النقائص الي فيها ..​
 
رد: نعيشوا فقاقير ولا الفوضى و القتيلة

السلام عليكم
نبقاو فقاقير ونسفقوعلى كامل الرئائيس ليحكمونا
 
رد: نعيشوا فقاقير ولا الفوضى و القتيلة

كل الدول المتقدمة باش ولاو في هذي الحالة من التقدم والديمقراطية
والحرية ..حتى قتلوا شحال من حاكم وماتو شحال من ناس
وكيما حنا حتى ماتو بزاف ناس باش دينا الاستقلال
وحتى حاجة ما تجي بالساهل
حتى باش تاكل وتعيش لازم تخدم وتطبخ وتتعب
ولا باغي ترقد وكلشي يجيك بالساهل
انا نتمنى منوصلوش للحالة اللي راهم فيها اخوانا السوريين
بصح نتمنى منبقاوش فقاقير ..نموت بالكرامة نتاعي ومنعيش مذلولة
ويارب يفتح علينا بطريقة سهلة جدا لانو حنا تعبنا بزاف ويكفي الحال
ويجب الجزائريين كلهم يتحدوا ويقولوا الجزائر مراهيش مليح
كون غي قولوا مرانش لابأس سايي كلشي يسهال
يخي الناس مارهيش باغي تعترف بلي رانا روطار ورنا فقاقير
البعض يقلك رانا في سعادة وهو عايش في كهف مظلم
 
رد: نعيشوا فقاقير ولا الفوضى و القتيلة

كل الدول المتقدمة باش ولاو في هذي الحالة من التقدم والديمقراطية
والحرية ..حتى قتلوا شحال من حاكم وماتو شحال من ناس
وكيما حنا حتى ماتو بزاف ناس باش دينا الاستقلال
وحتى حاجة ما تجي بالساهل
حتى باش تاكل وتعيش لازم تخدم وتطبخ وتتعب
ولا باغي ترقد وكلشي يجيك بالساهل
انا نتمنى منوصلوش للحالة اللي راهم فيها اخوانا السوريين
بصح نتمنى منبقاوش فقاقير ..نموت بالكرامة نتاعي ومنعيش مذلولة
ويارب يفتح علينا بطريقة سهلة جدا لانو حنا تعبنا بزاف ويكفي الحال
ويجب الجزائريين كلهم يتحدوا ويقولوا الجزائر مراهيش مليح
كون غي قولوا مرانش لابأس سايي كلشي يسهال
يخي الناس مارهيش باغي تعترف بلي رانا روطار ورنا فقاقير
البعض يقلك رانا في سعادة وهو عايش في كهف مظلم

مساء الفل للناس الكل
و الله نعيشوا فاقاقير مش معناه أنو مانخدموش ولا مانطوروش
لالا
نحاولوا باه نخدموا و نطوروا ونولي أحسن دولة
بصح السياسيين هوما لدخلوا في عقلية الشعب الجزايري
الدنيا دراهم برك
يجوعك باه تبعو
لي عودة
 
رد: نعيشوا فقاقير ولا الفوضى و القتيلة

ماقدروش يخلطوها
بصح دورك لقاو باه يخلطوها
لا للرابعة

 
رد: نعيشوا فقاقير ولا الفوضى و القتيلة

حاكم ظلوم ولا فتنه تدوم انا نتمنى ناكل الحجر ونرقد هانيا في راسي ولا يسرالنا كي عام التسعينات انا طفولتي كاملة عشتها في العشرية السوداء مش كامل طفولتي مي حتى ولا عندي 8 سنين باش ستقرا الوضع ملي نشفا غير الخوف الشعب مايخرجش ولا سته تع لعشية
لالا اخوتي الحمد الللللللللللللللللللللله رانا قانعين كلشي ولا ذوك اليمات الحمد الله
 
رد: نعيشوا فقاقير ولا الفوضى و القتيلة

و من يتهيب صعود الجبال يعش أبد الدهر بين الحفر


 
رد: نعيشوا فقاقير ولا الفوضى و القتيلة

السلآم عليكم،.
يا خآوتي الله يستركم ماناش حابين الفتنة في بلآدنا، ومانآش حآبين سينآريو العشرية السوداء يتعآود، ندعو ربي باش الرئيس اللي رايح يحكم البلاد يكون قد المسؤولية هذا ما كان...وبشوية بشوية إن شاء الله تتسقّم الأحوال،.
ربي يحفظ بلآدنا وبلاد المسلمين من كل سوء،.
يعطيك الصحة خويا على الموضوع.​
 
رد: نعيشوا فقاقير ولا الفوضى و القتيلة

لآ لآ خويآ مطيحش كرآمتك على جآل بوتق بآش يبقى شآد آلكرسي
هآدو آحتجو بآعيي آلتغير ...

آو آننآ دولة ديمقرآطية بآلفم ؟!

علبآلنآ بلي بوتفليفة حسمهآ ...!!

لوكآن جآت دولة ديمقرآطية رآنآ نغيرو بآلصندوق مآشي بآلمظآهرآت ووو...


لكن آلسيستآم هدآ بآغي يكبش إلى ملآ نهآية !!!!

تحيآتي
 
رد: نعيشوا فقاقير ولا الفوضى و القتيلة

السلآم عليكم،.
يا خآوتي الله يستركم ماناش حابين الفتنة في بلآدنا، ومانآش حآبين سينآريو العشرية السوداء يتعآود، ندعو ربي باش الرئيس اللي رايح يحكم البلاد يكون قد المسؤولية هذا ما كان...وبشوية بشوية إن شاء الله تتسقّم الأحوال،.
ربي يحفظ بلآدنا وبلاد المسلمين من كل سوء،.
يعطيك الصحة خويا على الموضوع.​

يعطيك الصحة يا بنت مدينتي
بصح حنا في مسيلة الحمد لله ماضربتناش العشرية مليح
براسك كنا هانيين شويا
 
رد: نعيشوا فقاقير ولا الفوضى و القتيلة

1517381_483810681725310_1956500843_n.jpg
 
رد: نعيشوا فقاقير ولا الفوضى و القتيلة

يعطيك الصحة يا بنت مدينتي
بصح حنا في مسيلة الحمد لله ماضربتناش العشرية مليح
براسك كنا هانيين شويا
الله يسلمك ولد ولآيتي:)
أنا العشرية السوداء ما شفيتلهآش لأنو كنت صغيرة، بصح كي تسمع وآش كان صاري يحكمك الرعب مام ماشي في ولايتك،.
الله لا يوصلنا ليهآ، إن شاء الله يدوم الإستقرار والأمان في بلآدنا.​
 
رد: نعيشوا فقاقير ولا الفوضى و القتيلة

صفحة بيضاء
للأســف نصيحة وقبــل فوات الأوان اسجدي إلى الله ان يعطيك معنى هاته الآية بعد بسم الله الرحمان الرحيم
أَوَمَنْ كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا ۚ كَذَٰلِكَ زُيِّنَ لِلْكَافِرِينَ مَا كَانُوا يَعْمَلُونَ


صدق الله العظيم
ما دمت لا تنظرين للحياة الا نظرات مادية فعليك بسورة الكهف
 
رد: نعيشوا فقاقير ولا الفوضى و القتيلة

يزيو ما ترميو في التراب في عين الشعب وتخوفو فيهم السياسة لعبة قذرة اما انو الشعب يبقى راضي بكل شيء فهاد هو العار ماكاين حتى بلاد حقت الديمقراطية والا وصلت وين حبت بلا ما خسرت وشيء ما يجي ساهل فما بالك بالحياة الكريمة مالا تخلوناش راقدين ونقولو خلونا برك عايشين هانيين واحنا كلنا راح نتفلقو في جيهة من الجوايه الا ماشي اليوم غدوة وهادي ماشي يعني اننا نخربو بلادنا ولكن على الاقل ما نقولوش هكا ولا حاجة اخرى
 
رد: نعيشوا فقاقير ولا الفوضى و القتيلة

أم أمين23
اقري سورة الكهف
اومبعد يجي نهار وتفكري كلامك لي قلتيه ويجي نهار وتحبي تموديفيه وماتقدريش
 
رد: نعيشوا فقاقير ولا الفوضى و القتيلة

هل تقبل برئيس لا يستطيع التكلم !؟ هذا هو المشكل الحقيقي صدقني لوكان جا لاباس بيه لوكان الشعب كامل راح يصوت عليه . و خمسون سنة من الاستقلال لا يجب التغيير قليلا كما قلت يجب اقامة نهضة لهذه الامة (اكبر دولة استراتيجية في افريقيا) . كفاكم سذاجة...
 
رد: نعيشوا فقاقير ولا الفوضى و القتيلة

أم أمين23
اقري سورة الكهف
اومبعد يجي نهار وتفكري كلامك لي قلتيه ويجي نهار وتحبي تموديفيه وماتقدريش
بارك الله فيك وجزاك خيرا على التذكير كلنا نقول ونقوم بأفعال يمر علينا وقت ونندم على قولها او فعلها ولكن المهم ان نكون مقتنعين بما قلنا او فعلنا وان تكون نياتنا طيبة ولا يكون وراها اي اهداف خفية ودلك ما سنحاسب عليه والله اعلم بخفايا القلوب
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top