حصري من مطبخ mlina4algeria طعام بلــgـــرنينة أكلــة تقليدية

أمــ وليــد الجزائرية

:: عضو بارز ::
أحباب اللمة
إنضم
6 مارس 2009
المشاركات
4,443
نقاط التفاعل
7,890
النقاط
191
بسم الله الرحمان الرحيم

ان شاء الله تكونو بخير

عندي مووووووودة محطيتش موضوع هنا :d

راه غير موضوعي الثاني نضحك برك :p

ليوم mlina جابتلكم وحد النبتة الي يسموها el guernina
و هي نبتة شوكية تنمو في منطقتنا بزاف و نديروها مع الطعام اونجينيرال بلقباسلية نقولولها thaghdiwth
و للعلم أنو هذي النبتة مهمة بزااف مهمتها تصفي الرئتين;)

نبداو مع الصورة ديالها نسيت مصورتاهلكم من البدية هذي لقيتها في عمي قوقل باه تشوفوها كيفاه مدايرة





و هذي بعد ماتنقات من الشوك ديالها تتقطع هك





المقادير

عندنا بصلة + ملح + فلفل أكحل + فلفل أحمر + شويا طماطم مصبرة + الحمص
+ فخذ الدجاج ولا الداند كما تحبو نتوما


طريقة الطبخ:d

نديروه هذو الي فوق من غير الحمص بيانسور
يتحمسو كامل مع بعض






بعدها نضيفو ماء يارب ربع لترا متحبش بزاف الماء
كما هك يعني




بعدها نضيفو الــgــرنينة ديالنا
كما هك




و تحطي بعدها الطعام يفور في نفس الوقت
و كي يوجد الطعام تكون واجدة هي ثانيك
و تحطيها بعدها
بصحة الجميع









نتمنى يكون الطبق عجبكم
نتلاقاو مرة اخرى ان شاء الله
في كاش طبق جديد ;)


دمتم بخير


والسلام عليكم و رحمة الله و بركاته


 
رد: حصري من مطبخ mlina4algeria طعام بلــgـــرنينة أكلــة تقليدية

وعليكم السلام او قتلكم الناس قوات للكوزينة خلاص بعدو لهيه خخخخ


اول مرة نسمع بلي القرنينة يطيبو بيها


وهكا تعرفنا على ماكلة تقليدية تاع القبايل يعطيك الصحة ياالفحلة
 
رد: حصري من مطبخ mlina4algeria طعام بلــgـــرنينة أكلــة تقليدية

وعليكم السلام او قتلكم الناس قوات للكوزينة خلاص بعدو لهيه خخخخ


اول مرة نسمع بلي القرنينة يطيبو بيها


وهكا تعرفنا على ماكلة تقليدية تاع القبايل يعطيك الصحة ياالفحلة

ايه يطيبو بيها و هي لذيذة جدااااا
ركي تشوفي ياساندي درتها طياب
صح القاطو خاطيني قلت نرقعها هنا :d
مرحبا بيك في كوزينتي يا السندرلا ديالنا

 
رد: حصري من مطبخ mlina4algeria طعام بلــgـــرنينة أكلــة تقليدية

انا فرحت قلت اول مرة نخطف البلاصة الاولى لقيت ساندريلا سبقتني معليهش تستاهل
اممممم يا ميلينا انا نموت على البربوشة هي البلا بريفيري عندي
حنا عندنا البربوشة بالقرنينة نديروها في الربيع نتغداوها ولا نتعشاوها تجي اممممممممممممممممم واش نقلك عندي يومين برك وانا ناكل فيها
يعطيك الصحة ودمت وفية للكوزينة ماشي تحطي خطرة ولا زوج ومنزيدوش نلقاوك خلاص هيا هيا الكوزينة تناديك وملي دخلتيها انا نقلك مكانش خروج
هو دخول الحمام زي خروgوووووو
 
رد: حصري من مطبخ mlina4algeria طعام بلــgـــرنينة أكلــة تقليدية

الله الله فلفولة
يعطيك الصحة قطيطة راكي فحلة الله يبارك
مدام جبتي القرنينة حب يقول الربيع دخل صح^^
احنا نديروا بيها الطعام لكن نفوروها برك وناكلوها باللبن احم ههه
يعطيك الصحة حبيبة
باقي نزوجوك برك خخخ

 
رد: حصري من مطبخ mlina4algeria طعام بلــgـــرنينة أكلــة تقليدية

انا فرحت قلت اول مرة نخطف البلاصة الاولى لقيت ساندريلا سبقتني معليهش تستاهل
اممممم يا ميلينا انا نموت على البربوشة هي البلا بريفيري عندي
حنا عندنا البربوشة بالقرنينة نديروها في الربيع نتغداوها ولا نتعشاوها تجي اممممممممممممممممم واش نقلك عندي يومين برك وانا ناكل فيها
يعطيك الصحة ودمت وفية للكوزينة ماشي تحطي خطرة ولا زوج ومنزيدوش نلقاوك خلاص هيا هيا الكوزينة تناديك وملي دخلتيها انا نقلك مكانش خروج
هو دخول الحمام زي خروgوووووو

نقولك سر ساندي رهي من ورايا هذو ليامات :d خليها بيناتنا برك :d
بصحتك القرنينة هي مندنش كاين احلى من مذاقها حنى كي نطيبوها نديرو عليها لطاك
رنا نبروفيتيو فيها مدام وقتها درك ;)
كي حكمتوني في الكوزينة هذو ليامات رني مليحة هههه المشكل بزور لايخلوني نصور حاجة كل مانجي نصور نلقاهم حامو على الطابلة يقولولي واش هذي لجياحة و ليت نغلق الباب باه ميعرفوش انو طاب حتى نصور باه نعيطلها هبلووووووني نسي نكون فيدال ليكم بصح منوعدكمش :d

 
رد: حصري من مطبخ mlina4algeria طعام بلــgـــرنينة أكلــة تقليدية

الله الله فلفولة
يعطيك الصحة قطيطة راكي فحلة الله يبارك
مدام جبتي القرنينة حب يقول الربيع دخل صح^^
احنا نديروا بيها الطعام لكن نفوروها برك وناكلوها باللبن احم ههه
يعطيك الصحة حبيبة
باقي نزوجوك برك خخخ


ايه قالولي عليها هذي تفوروها
حنى جامي جربناها هكاك نسيها و نشوف
عجبتني هذي نزوجوك مساكن هذوك الي ديما يحطو
مشافوهمش انا لي حطيت خطرا برك تزوجوني
هههه خير ندير لشان وين نبان انا :d
 
رد: حصري من مطبخ mlina4algeria طعام بلــgـــرنينة أكلــة تقليدية

السلام عليكم

ههههههههههههههه والله يافلة غير دروك كنت نقي فيه شوفي رحت صورتو وجيت هادو جبتهم من لابو......... ههههههههه


شوكني ههه وحتى احنا نقولولو القرنين

بصح مانطيبوهش هاكك انا نديروه مع السبانخ والسلق

الصراحة اكلة غيبة ولكن تبقى من عادتكم وتقاليدكم :) ولينا الشرف باش نتعرفو عليها

بالصحة والهنى مانخافش عليك راكي تليقي فالكوزينة
 
رد: حصري من مطبخ mlina4algeria طعام بلــgـــرنينة أكلــة تقليدية

يعطيك الصحة الشطورة :regards01:
يبان يشهي
احنا نسموه خرشف بالنسبة ليا مانحبوش :dunno01:
ايا مزية شاطرة في الطياب :p
 
رد: حصري من مطبخ mlina4algeria طعام بلــgـــرنينة أكلــة تقليدية

السلام عليكم

ههههههههههههههه والله يافلة غير دروك انت نقي فيه شوفي رحت صورتو وجيت هادو جبتهم من لابو......... ههههههههه


شوكني ههه وحتى احنا نقولولو القرنين

بصح مانطيبوهش هاكك انا نديروه مع السبانخ والسلق

الصراحة اكلة غيبة ولكن تبقى من عادتكم وتقاليدكم :) ولينا الشرف باش نتعرفو عليها

بالصحة والهنى مانخافش عليك راكي تليقي فالكوزينة


هي بدااات
مدام رهي قدامك علاه متجربيهاش
تقوليلنا رايك طيبي غير شويا ولا خفتي هههه
كما يقولو تجربة :p رني نضمنلك متندميش
وتشرفيني تديري تطبيقي لوصفة ملينا هههه
حقيقيلي حلمي :p
 
رد: حصري من مطبخ mlina4algeria طعام بلــgـــرنينة أكلــة تقليدية

يعطيك الصحة الشطورة :regards01:
يبان يشهي
احنا نسموه خرشف بالنسبة ليا مانحبوش :dunno01:
ايا مزية شاطرة في الطياب :p


على ما أظن الخرشف حاجة أخرى
الي يدير القرنون هو الخرشف لا ؟؟
على العموم شكرا على المدح ايه حسابتلك ديما كوارث
قلت لازم نخبي واش درت صبح :d بهذي :-r
مرحبا بيك ختيتي في كوزينتي;)
 
رد: حصري من مطبخ mlina4algeria طعام بلــgـــرنينة أكلــة تقليدية


على ما أظن الخرشف حاجة أخرى
الي يدير القرنون هو الخرشف لا ؟؟
على العموم شكرا على المدح ايه حسابتلك ديما كوارث
قلت لازم نخبي واش درت صبح :d بهذي :-r
مرحبا بيك ختيتي في كوزينتي;)

للالالا قرنون وحدو والخرشف واحده زدت تاكدت من والدة تعرفيني خطيني الطياب:down:
كاش نهار اذا داراتو ماما نصورلك تطبيقها ;)

يعطيك الصحة ماعملتيش كوارث ولازمك نزوجوك مثل ماقالو البنات
 
رد: حصري من مطبخ mlina4algeria طعام بلــgـــرنينة أكلــة تقليدية

يعطيك الصحة فلة على الاكلة القبائلية ..فحلة مانخافوش عليك ههه
 
رد: حصري من مطبخ mlina4algeria طعام بلــgـــرنينة أكلــة تقليدية

السلام عليكم

القرنينة
احد النباتات لي تسلك العطشان في الصيف
كنا صغار ونروحو نلعبو في ستاد بعييييد عن مساكننا
وكي نرجعو نكونو ناشفين من العطش
نلقاو القرنينة في الطريقة نحيو ونقطعوها وناكلوها لانها غنية بالماء
يعطيك الصحة ملينا
اما لاول مرة نعرف بلي تندار كأكلة
 
رد: حصري من مطبخ mlina4algeria طعام بلــgـــرنينة أكلــة تقليدية

يعطيك الصحة فلة اول مرة نسمع بيها بلي اطيبوها احنا في الربيع نخرجو نحوسو ونجيبو منها ناكلوها نية تجي بينة والاكلة هذا نضيفها لقاموسي يعطيك الصحة يالفحلة
 
رد: حصري من مطبخ mlina4algeria طعام بلــgـــرنينة أكلــة تقليدية

صحيتي يالفحلة ديالنا يمي يامي القرنينة
مام لهنا نديروها مي بكثرة نستعملوها للتبيخه واتجي زين بنينة لبارح تعشينا بالتبيخة مي لهنا مانديروهاش بزاف للطعام يكلوه مسفوف بزاف اما بالفول ولا جلبانة ولا فول وجلبانة وانا بالتاكيد نحبو بالزبيب وف المناسبات نديروه بالمرقة جاج ابيض وفقط
وعند ف الشتاء ساعات نديرو مرقة حمرا مي ماياكلوهاش بزاف خخخخ

اللخ يبارك حبوبتي راني مانخافش عليك هههههه
سلامي
 
رد: حصري من مطبخ mlina4algeria طعام بلــgـــرنينة أكلــة تقليدية

كيما قالك الاخ يونس احنا كونا ناكلوها هكدا من جيهتنا منطيبوهاش
يعطيك الصحة على هدا الطبق الجديد
 
رد: حصري من مطبخ mlina4algeria طعام بلــgـــرنينة أكلــة تقليدية

للالالا قرنون وحدو والخرشف واحده زدت تاكدت من والدة تعرفيني خطيني الطياب:down:
كاش نهار اذا داراتو ماما نصورلك تطبيقها ;)

يعطيك الصحة ماعملتيش كوارث ولازمك نزوجوك مثل ماقالو البنات


كي تصوري التطبيق متنسايش تجي تنبهيني باه نشوف أوكي أنا نحب هذو الاكلات التقليدية
عندهم بنة خاصة جدااااااا

 
رد: حصري من مطبخ mlina4algeria طعام بلــgـــرنينة أكلــة تقليدية

يعطيك الصحة فلة على الاكلة القبائلية ..فحلة مانخافوش عليك ههه

زدت اديت كلمة منك يا الشاف ديالنا واش نزيد:d
مرحبا بيك في كوزينتي:-r
 
رد: حصري من مطبخ mlina4algeria طعام بلــgـــرنينة أكلــة تقليدية

السلام عليكم

القرنينة
احد النباتات لي تسلك العطشان في الصيف
كنا صغار ونروحو نلعبو في ستاد بعييييد عن مساكننا
وكي نرجعو نكونو ناشفين من العطش
نلقاو القرنينة في الطريقة نحيو ونقطعوها وناكلوها لانها غنية بالماء
يعطيك الصحة ملينا
اما لاول مرة نعرف بلي تندار كأكلة

وعليكم السلام
صح فيها الماء بالزاف عليها كي نجو نطيبوها منكثروش الماء لانها تطلق الماء ديالها
و هي نبتة صحية جداا
حنا ثانيك نكلوها هكاك هي و الحلفاء و اخواتها :d قوم يموت على لحشاوش

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top